踏入6月，盛夏高溫如猛虎，令人甘拜下風，不過除了高溫令人煩惱，還有不少衍生問題讓人愁。近日就有一位港媽在網上發帖詢問：「廿幾歲工人姐姐屋企著短褲有冇問題？」結果問題一出，即刻遭到網民洗版式嘲笑，不少人反勸事主「咁驚不如換咗個老公」。
示意圖片，非當事人
事主日前在社交平台 facebook 群組「聘請工人姐姐關注組」撰文：「認真問，工人姐姐喺屋企著短褲有冇問題？家中有一男一女和小朋友，工人廿幾歲」。
AI生成圖片，示意圖片
港媽的「認真提問」一出即刻而引來網友「圍剿」，不少人站在外傭的一邊，認為在香港這種酷熱天氣下，不讓工人在家穿短褲是不近人情：「短褲都唔得？」、「不如你問，工人喺屋企唞啖氣有冇問題？」、「咁熱，唔通仲著長褲咩！只要唔係短到見到底褲就冇問題！或者你長開冷氣，佢覺得凍就唔會著短褲啦！」、「只能著潛水衣包住全身」。
AI圖片
除了無情嘲笑，亦有網民提出務實解決方案，認為與其終日提心吊膽，不如直接由僱主提供工作服：「你提供制服，提供指定衣物」、「買返工人褲俾佢著」、「 如有衣服上嘅問題，其實都會回應買夠6套工作服俾佢，怕佢唔換衫仲可以6套唔同色，我見幾個有要求嘅朋友都會咁做」、「睇下有幾短，正常長度可以，熱褲唔OK」、「短褲冇問題，但係如果短到一烏低身見pat pat就唔得」。
早前一位42歲中年港男在社交平台發文，苦訴失業5個月仍未找到工作，即使自願降職及人工減半，依然未獲賞識，陷入中年危機，心灰意冷。
早前一位42歲中年港男在社交平台發文，苦訴失業5個月仍未找到工作。Threads截圖
5個月寄出50份CV 僅得4、5次面試
事主發文表示，自己已失業五個月，期間努力寄出50份求職信，但面試機會只得四、五次，令他心情極度低落。職場上的挫敗令他信心盡失，坦言「極度唔想面對朋友，亦都唔想出門口，朋友搵我，都唔想理，想收埋自己」，更形容自己「負面情緒爆晒燈」、「喺個仔面前完全係一個負面嘅教材」。
樓主形容自己「負面情緒爆晒燈」。AI生成圖
自願降職減薪仍被拒 疑因年齡被嫌棄
事主透露，失業前月入約五萬多至六萬元，為求盡快重返職場，不惜自願應徵低一級的職位，甚至願意人工減半，但「而家搵份兩萬幾蚊嘅人工都搵唔到」。
他引述面試官的回覆：「好欣賞你嘅能力同CV都好好，但係我哋而家係搵啲比較junior」，令他不禁慨嘆：「就係咁幾單面試都係失敗，唔係唔肯做啲低一級嘅工，係人地根本上好似唔俾機會我呢一輩嘅人。」
面試官雖欣賞樓主能力，但表示公司較想為初級崗位作招聘。資料圖片
網民同路人互相安慰
事主的遭遇引起大批網民共鳴，不少人留言分享自己同樣是中年失業一族，亦有過來人安慰鼓勵。有網民勸說：「兄弟，你42歲，唔係終點，只係要轉彎」、「呢個時候朋友先最重要，唔好收埋自己，失業不可恥，不上進努力才可恥，你做得出能屈能伸，人哋更加佩服你」。更有人窩心表示：「理解你的心情，想同你講，其實仔仔唔需要一個月入五萬嘅老豆，而係需要一個跌低咗仲識笑嘅老豆呢。」
事主的遭遇引起大批網民共鳴。AI生成圖
事主其後感性回應，感謝網民的支持：「估唔到，咁多人回應，咁多人有同感，多謝大家，今日去咗行山，一樣係以前條路，香港仍然好靚，但可惜感覺大不相同。」
