網民自製搞笑仿港鐵車廂三語廣播 成功擊退乞人憎「柱男柱女」

港鐵車廂入面成日都有人挨住條扶手柱，搞到其他人冇得扶，呢班「柱男柱女」真係令人頭痛。不過最近有網民就諗到條絕橋，自製仿官方風格嘅搞笑標語同三語廣播，成功反擊呢班「挨人」，仲喺社交平台極速爆紅。

有網民出手自製咗一張模仿港鐵官方風格嘅警告標語及三語廣播供網友下載。threads 截圖

自製「Isaac」諧音標語 網民笑爆

有網民出手自製咗一張模仿港鐵官方風格嘅警告標語，上面寫住「請勿挨實扶手」。最搞笑係英文部分，佢玩咗個諧音爛gag，寫成「Please do not Isaac the handrail」，因為「Isaac」同廣東話「挨實」嘅發音非常相似。而標語仲列明「挨實扶手」嘅最高懲罰，就係「犯眾憎」（Hated by everyone），認真抵死。

三語廣播加「嘟嘟嘟」實測成功

呢位網民仲將創意升級，拍咗條短片，製作咗同警示標語配套嘅廣東話、普通話同英文三語提示廣播。最神似嘅係，條片結尾仲模仿港鐵車門關閉嘅「嘟嘟嘟」聲，令一眾網民笑到肚痛。

隨後有乘客上載咗「實測」片段，顯示佢喺車廂入面播放呢段警告廣播，竟然真係成功令班「柱男柱女」知難而退。threads截圖

隨後有乘客上載咗「實測」片段，顯示佢喺車廂入面播放呢段警告廣播，竟然真係成功令班「柱男柱女」知難而退。threads截圖

隨後有乘客上載咗「實測」片段，顯示佢喺車廂入面播放呢段警告廣播，竟然真係成功令班「柱男柱女」知難而退，乖乖離開扶手位置。片段一出，即刻引嚟網民瘋狂討論，留言區反應熱烈，有人大讚「實測超有效」、「幾好喎，我都想要呢個功能」、「嘟嘟嘟嘟笑死我」、「終於有武器反擊扶手怪」。

隨後有乘客上載咗「實測」片段，顯示佢喺車廂入面播放呢段警告廣播，竟然真係成功令班「柱男柱女」知難而退。threads截圖

網民敲碗：想要「唔好大聲播片」版本

呢個創意廣播大受歡迎，唔少網民仲趁機提出更多「願望清單」。有人建議不如整埋「關愛座係人都可以坐，法例沒規定要讓坐」嘅廣播；不過最多人敲碗嘅係希望可以整返個「請勿大聲播抖音影片」版本。有網民留言話：「可唔可以整返個請勿大聲播抖音影片？」、「唔該可唔可以整多條唔好係巴士上面大聲播片，真係超級好需要。」仲有人笑住話：「想要播片，開聲打機同剪指甲version 」

尖沙咀一家食肆近日推出98元一份的「龍蝦海鮮蒸籠車仔飯」吸客，宣傳影片中龍蝦、青口鋪滿蒸籠 ，賣相極其豐富，吸引不少食客專程光顧。

threads影片截圖

threads影片截圖

threads影片截圖

然而有食客到店後大感「中伏」，指實物份量與宣傳片相差極遠，蒸籠內海鮮疏疏落落，僅得一隻龍蝦、一條魚及一塊龍躉片，與影片中鋪滿海鮮的畫面形成強烈對比，食客無奈形容「冇諗過現實爭咁遠……仲要收加一……救得一個得一個」，更有人直言賣相如同「廚餘」。

threads影片截圖

然而有食客到店後大感「中伏」，指實物份量與宣傳片相差極遠。

事件曝光後在網上迅速發酵，大批網民批評該店宣傳手法誇張失實，質疑已超出「圖片只供參考」的範疇，甚至可能違反《商品說明條例》：「成段片都係擘大眼講大話唔眨眼」、「公關災難，等執」、「原本打算一試，幸好看到留言避過一劫。」

面對網民排山倒海的一面倒負評，涉事食肆其後在社交平台發布道歉影片。threads影片截圖

面對網民排山倒海的一面倒負評，涉事食肆其後在社交平台發布道歉影片。threads影片截圖

面對網民排山倒海的一面倒負評，涉事食肆其後在社交平台發布道歉影片，解釋事件純屬「少少誤會」，指宣傳片中的份量實為雙人份量，但未有標明清楚，導致顧客誤會。店方宣布補償方案，曾光顧的客人只要憑收據及支付紀錄，在指定限期內再到店，即可獲補償多一份單人份量車仔飯，並強調「錯就要認，打就要企定，我妹姐係唔會逃避」。

然而補償方案並未能平息眾怒，網民及食客繼續「不收貨：「邊個會keep單，你真係識玩」、「直接退返錢先叫誠意」、「好明顯是製造二次傷害」