劉小慧攜大女蘇君蕎接受李有毅父子訪問 感謝老公蘇志威帶來完整豐富人生

藝人劉小慧與大女兒蘇君蕎（Yumi）到新城廣播接受李有毅（Ben）和兒子李國煒（Benson）主持的《Ben同Benson『Chur』到行》錄音訪問，小慧在節目中提到當初是胞兄獲星探發掘，對方帶同她去試鏡，最終她獲得合約，並且邊拍廣告、電影邊讀書，之後更踏上歌星之路，小慧表示：「我五音唔係不全，但肯定唔係專業，唔似黎瑞恩係歌女，好細個已經係合唱團，當年寶麗金歌手全部實力派，但出咗啲偶像派又好成功，我一定係偶像派。」

劉小慧與大女蘇君蕎接受李有毅與兒子李國煒節目訪問。

劉小慧與大女蘇君蕎接受李有毅與兒子李國煒節目訪問。

Ben問小慧跟圈中那位藝人最好朋友？小慧直言是已故歌手李國祥（KC），她表示：「我之前做咗個訪問，一提起佢就係咁喊，今日好啲，冇喊。KC係我一生人裡面最好嘅朋友，佢知我最多秘密同最深入。（咁黎瑞恩呢？）佢都係好朋友，但好多時佢有佢忙，反而同KC就經常聯絡。」

劉小慧與大女蘇君蕎

小慧和丈夫蘇志威育有兩名女兒Yumi和細女蘇靖珺（Ina），小慧形容兩位寶貝女是上天賜她的最大禮物，她稱：「當然第一大禮物係我老公，冇佢就唔會有呢兩個女，佢畀咗我一個好完整嘅豐富人生。」Yumi則提到小時候不太理解媽咪，尤其覺得她十分長氣，現時反而學懂欣賞，她說：「其實媽咪係為我哋好，反而我好佩服佢開live講足成個鐘，好犀利，唔夠佢講。」小慧即笑言：「冇人鍾意長氣，你唔講多次，佢哋根本當你無到，如果我講一次佢哋就做到，我想講半句添！」

小慧指老公是上天賜她第一大禮物。

一家四口

問Yumi可有被星二代這個標籤所影響？她表示：「冇乜大影響，咁我真係嘛（星二代），反而對於外界聲音我會比較敏感，會有啲壓力，驚大家唔知點睇，如果我失敗咗會點呢，依家啲評語都好激烈，我都有啲怕，但呢一年我都會令自己再進步。（父母畀你最實際幫助係咩？）佢哋存在已經好足夠。」

劉小慧與大女蘇君蕎

詳細節目內容，請留意5月10日，晚上11時–凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/

藝人譚永浩（Jarryd）日前攜KOL女友杜小喬到新城廣播接受李有毅（Ben）與兒子李國煒（Benson）主持的《Ben同Benson「Chru」到行》錄音訪問，回顧入行以來的辛酸歷程，他透露初入行時經濟拮据，銀行戶口曾一度只剩下雙位數，連增值八達通也無能為力，要問朋友借一百元應急。

譚永浩接受新城《Ben同Benson「Chru」到行》訪問。

Jarryd在節目中憶述當年經濟最困難的時刻，「嗰時其實都真係幾難捱，冇得去做自己鍾意嘅事，冇得去食自己鍾意嘅嘢，燒味飯抵食就食燒味飯。」他慶幸當時與家人同住，至少不用擔心租金開支，但其他生活支出只能靠過往在銀行工作時儲下的積蓄支撐。他透露：「我記得有一次去到戶口真係冇錢，只有雙位數，㩒唔到錢，我增值八達通都冇錢。」

他續說：「記得當時我喺將軍澳，因為我放工喺TVB，然後我要問一個住喺將軍澳嘅朋友，可唔可以過錢畀我，畀我一百蚊增值。」Jarryd坦言：「係試過一段咁樣嘅時間，所以好記得。」他形容這段經歷讓他更珍惜現在擁有的一切。

譚永浩自爆銀行曾剩雙位數。

Jarryd在訪問中亦提到，從TVB藝員訓練班畢業後，與一班同學一同捱過不少苦日子。他說：「一開始訓練班出嚟嘅每個人都係咁，一定演好多劇集入面嘅『茄哩啡』角色，士兵、醫院嘅醫生。」

他分享了一個最深刻的畫面：「記得有一次我哋做清兵，唔使埋位時，我哋一班同學一齊瞓喺廠嘅旁邊，因為我哋要等，冇特別地方，鋪一張紙喺嗰到，成班人都瞓喺嗰到休息，我覺得我哋好似難民咁。」由於是新入行，有時候工作人員對待他們的態度也會較差，但幸好有一班同學共同面對、一同捱過這段時間，他說：「雖然係苦嘅，但都過得開心。」

譚永浩感激「神賜」女友杜小喬。

然而在疫情期間，演藝工作全面停擺，為了不想重蹈戶口沒錢的覆轍，他決定放下身段。他說：「以前我一定唔會應承，我係做演藝，你叫我送外賣？我一定唔會。」但他最終改變心態，與朋友創辦網上買餸平台，親自處理執貨、送貨等工作，這段經歷後來更成為他首支派台歌《光》的MV創作靈感，而他在MV中正是飾演一名外賣員。

談及新歌《光》，Jarryd指歌曲內容正是講述人生中經歷黑暗時期，要抓緊心中的希望。他說：「我哋人生一定會遇到好多黑暗時期，但唔可以放棄我哋心裡面嘅嗰一道光，一定要向住佢進發，先可以走到一個光明嘅對岸。」

左起：李有毅太太、李有毅、譚永浩、譚永浩KOL女朋友杜小喬、李國煒

2019年，Jarryd参演音樂劇《我們的青春日誌》成為重要轉捩點。他說在過程中學到很多東西，「因為做音樂劇，我開始唱番好多歌，重燃我想做歌嗰團火。」他更透過這套音樂劇認識了女友杜小喬。Jarryd說：「其中一個最大嘅得著一定係識到我依家嘅女朋友，嗰時我哋係男女主角。」他形容這段關係是「神賜給我的一個禮物」。