「侵侵大帝」真人騷

二百幾年嚟美國一向都標榜自己係一個自由、平等嘅國家。不過自從「侵侵」再度封王之後，我零零發發現，超級大國嘅所謂普世價值，原來全部都係得個講字！

「侵侵」一登基之後，就即刻簽署第一個行政命令，去釋放千多名被司法部起訴，發動「國會山莊騷亂」嘅罪犯，包括兩個被判22年同18年監嘅「驕傲男孩」政治組織成員。「國會山莊騷亂」係因為「侵侵」2021年落敗，而發起嘅一場暴亂，令到有5個人死咗(包括1名警員) ；而「侵侵」又同成件事有關，點解可以咁兒戲，簽個名話放就放，唔使有任何司法程序嘅?！ 「侵侵」完全將美式嘅法治，異變為人治！如果喺香港，佢嘅行為，唔係衰「妨礙司法公正」，都「公職人員行為失當」啦！

另外，據媒體報導，有份參與呢單案件嘅檢控官同FBI探員，而家都被 「侵侵」追殺緊， 20多名檢控官已經被炒，至少6名FBI探員收到通知，要提早退休或自動辭職，這種討伐異己的手法在所謂民主國家真係聞所未聞。聽聞「追殺行動」陸續有來，因為「侵侵」上屆落敗後，都牽涉咗好多單官司，包括金融欺詐、逃稅、性侵女作家，推翻2020年大選結果，同不當處理政府機密文件等等。有份負責嘅檢控官同探員，派定散水餅都得啦！

而美國嘅所謂「新聞自由」，隨著「侵侵」回歸，亦難逃一劫！有消息話，數間與「侵侵」為敵嘅主流媒體，好似《紐約時報》、NBC等，已經被踢出國防部五角大樓嘅新聞採訪室，而《美聯社》由於唔肯跟隨「侵侵」將墨西哥灣改稱為美國灣，就被禁止入白宮同空軍一號做採訪！呢啲咪叫做「美式新聞自由」囉！點解香港「記怯」同黃色媒體咁靜，連作狀吠幾聲都冇嘅！

至於學術自由，「侵侵」就要求所有大學，開除有份參與反以色列，同埋聲援巴勒斯坦嘅校園示威學生，否則就停止聯邦對學校的撥款咁話。其中美國哥倫比亞大學一名巴勒斯坦學生，因曾參與反以色列校園示威而俾警察拉咗，仲話要逮解出境！好彩法官裁決時表示，佢嘅行為係受到美國法律保護，政府唔可以將佢驅逐出境！ 「侵侵」玩到咁癲，好多間大學已經頂唔順就範；但哈彿大學就偏偏唔聽佢支笛，仲反告政府違憲添！ 於是「侵侵」又指哈佛違反聯邦法律，凍結咗數十億元嘅資助，仲話如果哈佛繼續唔聽話，就會剝奪佢接收捐款的免稅嘅地位⋯⋯如果件事係香港發生，就「大鑊」了！唔單止咁，美國嘅科技一路都係領先全世界，但「侵侵」竟然要大幅削減科研開支，而家好多美國嘅科學家人心惶惶。無工做事少，仲隨時會屈你係間諜，咁就大件事喇，所以好多科學家都打算出走「超級大國」，向中國、歐洲、加拿大發展，可能呢啲就係「學術自由」嘅新概念，令知識流通世界囉！

另外，早排網上流傳一張「侵侵」扮教宗嘅相，本來喺網絡世界，呢啲二次創作無乜特別，但奇在呢幅相竟然post咗上去「超級大國」嘅官方帳號！而最激係「侵侵」喺記者會上嘅回應：「乜啲教徒唔喜歡咩？我太太覺得好可愛，好Nice喎！不過我真係做咗教宗，就唔可以結婚，咁就過份咗！教宗係唔鍾意結婚㗎，係咪？」我相信就算唔係天主教徒，睇到都覺得佢實在太輕佻無禮，一啲都唔尊重一個宗教，可能呢啲，就係我哋唔識嘅「宗教自由」啦！

特朗普社交平台截圖。

「侵侵」嘅另一「傑作」，就係任命玩具車老板「馬仔」，設立狗狗效率部 (DOGE) ，去整頓聯邦政府。媒體話「馬家軍」手起刀落，係冇預警之下，停止泵水俾美角國際開發署(USAid)，令到2000名員工即時被停職！ 由於「DOGE」行事都好囂張，周圍樹敵，搞到「玩具車」經銷商都到處俾示威者搗亂。「侵侵」為咗撐「馬仔」，一啲都唔避嫌，企出嚟話個啲暴力示威係恐佈主義，拉到呢班示威者，佢哋就會比死更難受咁話！ 「侵侵」仲即刻係傳媒面前買部「玩具車」表示支持，實行直播帶貨！咁都冇利益衝突？仲唔係活生生嘅官商勾結？如果係香港，佢哋隨時比老廉拉「公職人員行為失當」啦！

講番「間諜」，大家可能覺得只喺電影誇張嘅橋段，現實世界係唔存在嘅。不過最近美國「中情局」（CIA），就發佈兩個中文視頻，去招聘一啲不滿現狀嘅中國官員，向美國提供機密情報！ 講到真係同中國人好交心，幫緊你、幫緊你咁！呢個不但係佢哋一貫卑劣嘅伎倆:挑撥矛盾同仇恨；而且亦好橫蠻咁暴露咗佢哋為所欲為嘅野心！ 呢件事好清楚話俾大家聽，間諜係無處不在！今日「超級大國」可以向中國招募間諜，明天就輪到其他國家，無一倖免！

至於全球關稅戰，「侵侵」一時話加關稅，一時又話暫緩，又話同中國領導人好friend，呢樣嗰樣，但係次次問到佢係咪直接有通話，就講東講西，用語言偽術去誤導世界。其實中國商務部都講咗好多次，中國之前冇同佢溝通㗎啦⋯⋯點解佢哋咁做？高人話「侵侵」政府嘅官員、老友係公司大老闆，生意人，所以「侵侵」推出飄忽同瘋狂嘅「關稅政策」，攪到個股市短時間大升又大跌，咁係過程之中，有冇人賺大錢，就真係得佢哋先知喇！ 如果呢啲事係香港發生， 就算唔拉唔鎖，都起碼開個「特別調查委員會」啦，你話係咪?！

睇返美國歷史上受歡迎嘅總統，好似華盛頓、林肯、羅斯福、列根、奧巴馬……佢哋係個人特質方面，全部都表現出誠實、有親和力同好嘅溝通能力；政績方面，又能夠喺戰爭或經濟危機中展示決斷力；而最重要係，佢哋代表咗美國自由、平等同埋法治嘅價值觀。但睇返「侵侵」，人家受歡迎嘅嘢，佢一樣都冇！佢係上一屆政府提倡嘅「美國優先」，而家已經變成「侵侵優先」！而一向嘅美式價值觀，而家反而成為「侵侵」手起刀落嘅目標，或者係玩弄嘅對象！「侵侵大帝」將無賴、荒誕，人治、弄權同霸凌式統治，演譯得淋漓盡致！係短短一百日，就將「民主自由」無死角咁轉化為「暴政自由」。我零零發最後都係嗰句: 「我都戥佢啲國民好悲哀，竟然俾個咁嘅大帝去管治國家！ 」

鍾情局．零零發

鍾情局

** 博客文章文責自負,不代表本公司立場 **

行政長官李家超公布成立調查大埔大火的獨立委會詳情，表示會讓需要負責的人負上責任。

大埔宏福苑大火後，行政長官李家超短時間內表明成立獨立委員會，審視大火原因及相關問題。特首今日下午公布細節，委任高等法院原訟庭法官陸啟康出任獨立委員會主席，成員包括陳健波和歐陽伯權，獨立委員會將於9個月內完成報告。特首為獨立委員會定下如此快速的工作目標，反映特區政府高度重視查找真相和檢討改革。

就獨立委員會的審視範圍，如今定出的審視範圍非常廣泛，涵蓋火災成因、消防裝置運作的監督、樓宇維修工程安全的監督、建材安全標準和驗證檢測制度等，也明確會跟進監管機構和人員的角色和責任問題。外界十分關注獨立委員會能否查找大火成因，徹底追責，特首公布的涵蓋範圍也觸及了坊間最關心的制度改革和問責問題，有效回應社會意見。

就獨立委員會的成立方式，如今是採用一種創新混合模式。基本上以獨立檢討委員會方式運作，如遇上個別證人或個別領域有人不合作提交資料或拒絕提供證詞，可向行政長官提出，讓獨立委員會就指定事宜成為法定調查委員會進行調查。

這個綜合制度解決幾方面的問題：

1. 委員會是「有牙老虎」

有意見質疑獨立委員會沒有法定傳召權，認為會淪為「無牙老虎」。觀乎政府的公布，一旦獨立委員會遇到任何一方拒絕配合，委員會主席就可向行政長官提出，讓獨立委員會就指定事宜成為法定調查委員會，賦予充足的法定權力傳召證人和索取文件，所以它是「有牙老虎」，如被調查者配合調查，它就不需要亮出「虎牙」，可以加快推進。

如果只是以過往獨立檢討委員會的方式進行，也會有一些缺陷，例如2018年大埔公路巴士車禍後成立的獨立檢討委員會，就曾經遇上拒絕合作的情況。因此，特首今天的公布，實質是為獨立委員會提供制度保障，讓委員會有充足的權力，盡快查找真相。

2. 委員會可以高效運作

外界希望獨立委員會有權之餘，也希望它高效，能從速完成工作，但成立獨立法定調查委員會就難免要進行曠日持久的開庭式調查。正如曾經參與機場運作混亂獨立法定調查的湯家驊早前所說，機場大混亂調查有百多名律師代表各方人等出席，光是律師早上見面大家都說一聲早晨，加起來恐怕也要半小時。今次火災牽涉的持分者眾多，如果以獨立調查委員會處理，只要有部份被調查者玩弄法律程序，請資深大狀代表自己，每一件事都由頭拗到尾，足以拖慢整個委員會的進度，妨礙追查真相和改革制度。

如今的獨立委員會基本上不採取開庭式調查，參與者基本上不用宣誓作供，可以知無不言，也不會影響他們往後萬一涉及官司的作證。這樣獨立委員會可以避開打官司式的拖延，快速推進。也因為獨立委員會有權要求行政長官成立法定調查委員會，有尚方寶劍放在枱面，估計參與者會盡量合作，以避免成立法定調查委員會後要被傳召作供。

3. 政府部門全面配合

獨立調查涉及政府和私營部門人員，就政府這一部份，特首已指明公務員要合作。特首提到由政務司司長陳國基領導的調查及規管工作組，會統籌政府所有相關部門，除按獨立委員會要求外，會主動提供資料，並會充分運用各政府部門在不同條例下的調查權力，協助獨立委員會蒐集證據和資料，全力支持獨立委員會的工作。這種主動性是過去政府面對委員會工作時少見的，換句話說，就是委員會「未問到」，政府部門都有責任主動向委員會提供他們所得的資料。

今次的火災調查，涉及的調查部門眾多，警方、廉署、消防處、屋宇署、勞工處、房屋局的獨立審查組，涉案人如要接受不同部門的重覆調查，證人如要到不同部門提供協助，不斷作證或會影響證供的質素，而且如果要災民重複憶起火災細節，猶如反覆揭開災民的傷疤。今次各部門須主動向獨立委員會提交資料的安排，減少重覆和證人查問，不只提高效率，更是確保證供質素，照顧災民情緒的舉措。

特首提到獨立委員會在9個月內完成報告，時間可謂非常緊逼，可見特首對獨立委員會效率的要求甚高，想盡快回應市民的訴求。環顧其他案例，英國格倫費爾塔（Grenfell Tower）火災後，由退休大法官領導的獨立調查委員會分階段發表調查報告，第一份報告也要災後兩年才能發表，第二份報告要7年後才發表。今次香港的獨立委員會目標是9個月能完成審視，主要因為採取混合模式，既取獨立檢討委員會的靈活高效，也有獨立調查委員會的法定權力兜底，是「權效合一」的開創性做法，希望盡快向市民作出交待。

盧永雄