馮敬恩支持彊獨 到外國宣揚港獨

上網見到自由亞洲電台的一則新聞，前學運領王丹同前港大學會會長馮敬恩，在日本一齊開記者會。會上馮敬恩促請國際社會支持港獨，王丹就話「理解和尊重這種理想，但是認為未來很長的時間內，不具有可行性。」他認為香港獨立應交由香港人民公投決定。

王丹又提到馮敬恩批評維園「六四」晚會，認為要同中國民主化切割，而佢自己就不贊同這種立場，但會同馮敬恩溝通或者辯論，希望了解支持港獨的人的想法。

報道引述馮敬恩批評北京拒絕讓香港實行民主，令港人憤怒。

有趣的係點解兩人會在日本開記者會？原來兩人係參與now tv的免費台Viu TV「跟著矛盾去旅行」真人騷節目而走在一起，仲齊齊在日本外國特派員協會開記者會，出席招待會的記者各式各樣，包括支持疆獨的世界維吾爾大會日本全權代表圖爾•穆罕黙德，佢就問馮敬恩，港獨同疆運動係咪可以合作？馮敬恩就答話「與我們香港一樣，維吾爾人也受到中共當局的打壓與迫害，我們的命運是相似的。從當地人的事情由當地人決定的原則上，我們支援維吾爾人的選擇。在這方面我們是可以合作的。」

中央一向將疆獨、藏獨、台獨視為不可觸踫的底線，尤其係疆獨組織曾在內地不同地點發動恐怖襲擊，造成不少無辜百姓傷亡。高人話今次Viu TV搞呢個節目真係出晒位，俾機會「港獨」同疆獨運動合作起來，你話阿爺會點睇呢個局？！

Ariel

** 博客文章文責自負,不代表本公司立場 **

有「中國梅鐸」之稱的黎瑞剛入股TVB 後，還做副主席，難免令有政治傾向人士，猜疑係咪有要染紅無記。

黎瑞剛聯同TVB主席陳國強、行政總裁李寶安與傳媒茶聚，劈頭第一句就話，唔會參與TVB日常營運，亦唔會介入編輯方針、業務等，佢話TVB現有專業團隊，做得好好，佢會多諗如何拓展未來路向。

佢多次盛讚TVB專業管理團隊，話而家政治環境複雜，經濟亦唔係咁好景，TVB已做得好好，但亦承認挑戰都唔少。

雖然剛做副主席，之前都好留意TVB，好似網上有人彈TVB，或者攞TVB開玩笑，佢都知道好多，都幾接地氣。

佢又舉例話自己內地公司拍的劇集「瑯琊榜」，在內地非常收得，但在香港TVB播就唔係好得，佢都有思考點解會咁，亦問咗唔少朋友，朋友話「瑯玡榜」無香港演員，所以香港觀眾睇落無親切感，黎瑞剛話受到啓示，將開拍的「瑯琊榜2」，係咪可以考慮加入TVB的演員呢。

唔講唔知，已有一家內地網上平台，以800萬人民幣一集買入「瑯琊榜2」版權，拍40集就袋數以億元。所以，黎瑞剛覺得網上平台發展空間大，TVB向內地發展，亦應循此方向。

講到市場環境，佢忍唔住「小抦」港府，話全世界對電視節目植入式廣告都好寬鬆，但港府就管得甚緊，希望政開放思想，「讓媒體鬆鬆綁。」

整個茶聚，黎瑞剛講好多對TVB發展方向的睇法，俾人感覺係想搞好呢盤生意，唔係有乜嘢政治任務。