港台十大金曲頒獎實踐共融政策 戲劇手語傳譯「手舞足蹈」呈現金曲音符

「可唔可以俾多啲掌聲側邊嘅手語老師？」日前喺紅館嘅《第46屆十大中文金曲頒獎音樂會》上，女歌手李幸倪（Gin Lee）喺台前呼籲，邀請全場觀眾向台上幾位默默耕耘嘅「無名英雄」致謝。今屆音樂會破天荒引入「戲劇手語傳譯」，成晚將音樂盛事變成咗一場視覺盛宴 ，讓聽障朋友第一次可以咁投入咁親身感受現場氣氛 ，呢個安排正正同特區政府想打造嘅「共融社會」理念一拍即合。

港台十大金曲頒獎引入「戲劇手語傳譯」。

政策搭台穿針引線 手語導師化身舞台主角

為咗實踐共融理念 ，特區政府一直推動緊方便殘疾人士參與文娛活動嘅措施。香港電台今次就響應號召 ，以「時尚樂章 愛相隨」為主題搞呢屆頒獎禮，一方面鼓勵本地樂壇創作，另一方面將關愛精神真正做出嚟 。

傳譯人員透過豐富嘅手語同埋身體動作表達音樂。

今次嘅傳譯員唔再係靜靜企喺側邊 ，而係化身「音樂舞畫師」。佢哋好生動咁將旋律嘅節奏同歌詞嘅情感，透過豐富嘅手語同埋充滿戲劇感嘅身體動作表達出嚟，令愛同音樂嘅力量，可以直達聽障朋友嘅心坎 。

保密賽果最考急智！聽講，傳譯團隊事前雖然練熟晒所有候選歌曲，但到揭曉一刻依然要面對即時嘅挑戰 。當司儀宣佈獎項時，傳譯員同台下嘅歌手、觀眾一樣緊張到心都離一離 ，要即刻、準確咁將賽果「翻譯」出嚟 。

Gin Lee喺台上好真誠咁講 ：「大家可唔可以俾多啲掌聲我哋側邊嘅手語老師？佢哋全晚 好投入，好盡心盡力去同我哋一齊表演。全靠佢哋，好多入場同埋電視機前面嘅聽障朋友先可以 『參與』今晚嘅盛事！ 」

Gin Lee致謝手語老師。

Gin Lee致謝手語老師。

香港嘅娛樂盛事，真係一步一步邁向一個真正無障礙、人人共享嘅舞台。呢一晚，紅館嘅無聲角落，唔再只係靜靜咁睇。

Sebastian

** 博客文章文責自負,不代表本公司立場 **

踏入六月，戒煙月正式開始。衞生署推出系列活動鼓勵吸煙人士嘗試戒煙，以降低患上吸煙相關疾病和死亡的風險，其中包括下載「戒煙達人」應用程式即可免費領取尼古丁替代療法試用裝或中醫戒煙耳穴貼。

有吸煙習慣人士可免費領取一星期戒煙藥物（尼古丁替代療法）試用裝，或中醫戒煙耳穴貼。

為響應「世界無煙日」，衞生署「六月·戒煙月」活動正在進行中，更首次推出中醫戒煙耳穴貼試用計劃，利用王不留行籽壓丸貼敷於耳穴表面以刺激穴位，紓緩戒煙初期因身體對尼古丁的依賴而產生的短暫不適。戒煙人士可於全港超過200個地點免費領取中醫戒煙耳穴貼，亦可隨時或於試用中醫戒煙耳穴貼兩星期後參加免費中醫針灸戒煙計劃。

此外，衞生署會繼續透過全港250多間社區藥房、戒煙診所、地區康健中心和地區康健站，向有吸煙習慣的人士免費提供一星期戒煙藥物(尼古丁替代療法)試用裝，以紓緩退癮症狀，增加戒煙成功率。

相關地點會貼有橙色「中醫戒煙耳穴貼」標誌（左）或綠色「一星期戒煙藥物試用裝」標誌（右）。

戒煙人士只須前往貼有橙色「中醫戒煙耳穴貼」標誌或綠色「一星期戒煙藥物試用裝」標誌的地點，經簡單評估後，以「戒煙達人」應用程式掃描二維碼，便可以免費領取中醫戒煙耳穴貼或一星期戒煙藥物試用裝。如戒煙人士試用中醫戒煙耳穴貼或戒煙藥物後，決定接受戒煙治療，可以預約戒煙診所、地區康健中心或地區康健站的免費戒煙服務繼續跟進。戒煙人士亦可參與「寄住戒計劃」，經郵遞獲得免費戒煙藥物及電話跟進。

加入無煙大家庭，保障自身、摯愛親朋及下一代的健康。

有研究指出，只要堅持不吸煙四星期，徹底擺脫煙癮的成功機會高五倍，成效可觀。而根據統計數據，在香港，每100個人就有超過90個係從未食煙或已成功戒煙，加入無煙大家庭的道路，並不孤獨。

不過，如果下定決心戒煙，卻囉囉攣、心思思想食返煙，點算？「六月．戒煙月」期間， 衞生防護中心Facebook專頁還會不斷分享戒煙理由和貼士，鼓勵大家每多堅持一日，就係向健康更邁進一步，一齊走出無煙新道路。

如果需要協助，可以打衞生署綜合戒煙熱線1833 183 傾下，或瀏覽網站獲得更多戒煙資訊：https://www.livetobaccofree.hk/