姜大衞李有毅盡訴父子情 姜卓文李國煒申訴星二代壓力

李有毅（Ben）和兒子李國煒（Benson）為新城知訊台主持的《Ben同Benson『Chur』到行》節目，為配合本周日（6月15日）父親節，李有毅特別邀請好友姜大衞和兒子姜卓文一齊接受訪問，兩對父子大談父子情，全個訪問充滿溫馨又坦誠的父子對談，姜卓文和Benson更分享「星二代」的光環與壓力，盡訴心中情，展現男人的浪漫。

姜大衞與兒子姜卓文接受李有毅、李國煒訪問。

姜大衞與兒子姜卓文接受李有毅、李國煒訪問。

節目甫開始，Ben邀請姜卓文介紹父親，他幽默笑稱：「我唔係好熟佢（姜大衞）！」隨即正經表示：「佢係一位好好嘅爹哋，1970年憑《報仇》成為最佳男主角，近年亦憑《百日之下》獲得金像獎最佳男配角，我非常佩服佢。」

姜大衞與兒子姜卓文

輪到姜大衞評價兒子時，他形容自己是「老來得子」，並笑言：「太太當年好勇敢生咗佢，呢個仔跟咗我哋近三十年，叻唔叻就自己睇啦！唱歌做戲都得，但依家環境艱難，新人要等機會，惟有不斷增值自己。」言語間流露對兒子的疼惜與期許。

姜大衞與李有毅兩位好爸爸。

姜卓文坦言入行八年壓力不少：「做訪問話冇壓力係假，星二代身份係包袱，好似『唔衰得』，行為說話都會被放大。」他選擇與父親不同的發展路線，投身音樂、參與飲食節目，甚至嘗試Rap，希望打破框架，Benson深有同感：「我同你感覺好似。」

姜大衞直言星二代不易做：「佢哋要做到120分先會被認可，所以唔好學爸爸，要超越先得。」他鼓勵兒子走自己的路，但也調侃道：「我哋以前訪問唔使化妝，依家化晒妝！」引來全場哄笑。

姜卓文(左)、李國煒(右)兩位星二代

節目尾聲，姜大衞反客為主叫Ben評價兒子，Ben分享曾因拍攝工作與兒子爭執，Benson不滿被指正，後來Ben一句「嗲哋鍚你都嚟唔切，點會專登鬧你？」瞬間化解矛盾。姜大衞感慨父子相處比父女難：「媽咪通常選擇相信個仔，但我哋從來唔會打罵，等佢撞板，撞完知錯就得。」

新城首席營運總監馬浚偉親自迎接姜大衛、姜卓文父子。

詳細節目內容，請留意６月14日，晚上11時–凌晨1時，新城知訊台《Ben同Benson『Chur』到行》，網址：https://www.metroradio.com.hk/MetroInfo/

藝人林漪娸日前到新城廣播接受李有毅與兒子李國煒主持的《Ben同Benson「Chur」到行》錄音訪問，回憶與昔日「紳士拍檔」的合作點滴，同時罕有大爆當年拍攝一場接吻戲時，某男演員突然「加料」伸脷，突襲舉動令她至今難忘，笑指當年疑似「被蝦𡃁妹」。

林漪娸接受李有毅、李國煒訪問

林漪娸在訪問中回憶兒時在深水埗、美孚一帶成長的歲月，她形容那個年代雖然生活不算富裕，但大部分人都是很快樂的。被問及兒時夢想，林漪娸坦言從未想過當演員：「完全冇，我個人唔係好有大志，因為媽媽係家庭主婦，好下意識就覺得將來長大後要結婚生仔。」由於緣份未到，加上進入娛樂圈後對演戲產生熱誠：「開始明白多一啲，做得好一啲，慢慢就有火。」

林漪娸

談到1980年代參選香港小姐，林漪娸表示當時心態純粹是玩：「我表姐提名我嘅，心態完全係玩，冇諗到要攞名次。」她笑言其他佳麗做足準備功夫，自己卻是「傻仔」一個，連穿高跟鞋也不優雅。至於穿泳衣環節，她更顯得毫不在乎：「泳衣嘅部分冇所謂啦，我著一件頭，點會介意。」

林漪娸回憶入行後第一個工作是與任達華合作拍攝：「佢照顧得我好好，而且好錫我。」她指當年不懂演戲，講完自己對白就當作演完，完全沒有理會對手，但任達華卻很有耐性地教她演戲。問到與任達華合作可有心動？她笑言：「佢嗰時有女朋友喇，當你知道嗰個人有女朋友，你就唔會諗呢啲，你唔諗，又何來心動呢？」

林漪娸接受李有毅、李國煒訪問

談到螢幕初吻，林漪娸透露獻給了戴志偉，她更自爆：「劇本寫我同任達華結婚嘅，仲會錫錫，睇到劇本就好驚，因為未拍過，但任達華就好gentleman，會同監製話唔好錫錫，錫吓面就算。」林漪娸愈講愈激動，她連珠炮發表示：「呢個戴志偉就唔係，嗰場戲講我同佢喺馬路鍚，明明係錫錫，佢伸脷喎！戴志偉你記唔記得？我就記得好清楚，佢肯定蝦𡃁妹啦！」林漪娸又自爆當年拍《壹號皇庭》與駱應鈞有親吻戲份，大爆對方十分害羞：「佢（駱應鈞）做戲好好，但好怕醜，一去到拍感情戲就好怕醜，男仔會緊張過女仔，除咗戴志偉。」

林漪娸接受李有毅、李國煒訪問

林漪娸的丈夫是前高級警司譚德榮，她形容丈夫是「鐵漢」，自己則是「柔情」：「兩個人相處最緊要舒服，如果佢又硬，你又硬，成日頂撞係冇意思。我會成日講『I love you』，佢唔會講，只會講『love』，但唔好逼佢，知道佢內心係咁就得。」

在65歲生日當天，林漪娸前往一個中心幫助四期癌症病人，她大讚中心的師傅很無私，因為完全不收費，而且很多病人上去練光和練氣後效果顯著。「有啲本來好痛，又要食好多嗎啡，依家可能只係食一次，或者唔使食，仲可以自己上去。」

林漪娸

詳細節目內容，請重溫5月16日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/