NWB「給十周年的概念店」首場Mini Live 兌現兩年前承諾邀Winka合唱《異人之野望》

寰亞樂隊Nowhere Boys （NWB）今年成軍十周年，於尖沙咀The ONE L606店舖開設的NWB POST OFFICE「給十周年的概念店」，上星期六（7月12日）舉行首場「Nowhere Boys mini live gig」，邀請Winka@COLLAR擔任嘉賓，他們除首度現場合唱《異人之野望》，NWB更將Winka的失戀歌《今期不流行》，改編成為喜慶版本，現場餘百歌迷圍觀，場面相當熱鬧。

Nowhere Boys上星期六舉行首場「Nowhere Boys mini live gig」，並邀請到Winka@COLLAR擔任嘉賓。

NWB POST OFFICE「給十周年的概念店」，上星期六舉行首場「Nowhere Boys mini live gig」，吸引餘百歌迷等候入場。當日NWB五子連氣唱出四首作品，包括《掹藤》、《Superpowers》、《放飛之旅》以及《地心吸力》，期間，Van獻唱《放飛之旅》時，突然「發台瘟」忘記歌詞，雖然他一度背向觀眾，用眼神向隊友求助，但他的一班好兄弟卻「見死不救」，刻意避開Van的求助目光，令場面變得既尷尬、又搞笑。

NWB五子當日連氣唱出四首作品。

期間Van突然「發台瘟」忘記歌詞，但隊友卻「見死不救」。

NWB完成演出，輪到前一個星期都有現身NWB POST OFFICE開幕禮的Winka出場，獻唱他們在兩年前合唱的作品《異人之野望》，NWB主音Van更道出兩年前對Winka的承諾，「其實好多謝Winka兩年前肯同我哋一齊合作《異人之野望》，首歌又快、又急、仲好另類，當時我哋NWB應承過Winka，呢首歌第一次嘅Live，一定要齊人先會唱，估唔到一等就等咗兩年，但呢個承諾我哋一直緊守住。」

與Winka合唱兩年前的合唱作品《異人之野望》。

主音Van曾向Winka承諾《異人之野望》第一次Live一定要齊人先會唱。

NWB五子講得出、做得到，Winka對於這次遲來的Live，感動之餘，還帶點自責，原來與她去年十月，未能現身NWB在西九自由空間舉行《US》演唱會有關，「我好愧疚，因為舊年你哋舉行演唱會，我咁啱喺同一日開show，唔可以同你哋合唱，其實我有問過我經理人，可唔可以放我過嚟玩呢首歌，佢叫我唔使諗，因為日子撞到正。」旁邊的主音Van安慰說：「其實將呢個合作機會放咗喺NWB嘅POST OFFICE，一個對我哋更有義意嘅地方，係仲好，多謝你成為我哋第一個嘉賓。」

NWB五子講得出、做得到！

唱完《異人之野望》，他們再合唱Winka的新歌《今期不流行》，還唱了兩個截然不同的版本，分別是原裝的「失戀feel」，還有NWB重新編曲的「喜慶版」。喜歡玩Live的Winka說：「我哋係今日嚟到現場先夾歌，我就係鍾意呢種improvised（即興）。」相反，Van卻表現緊張，他說：「我緊張咗好耐，當知道你有期嚟做嘉賓，我哋只得一個星期做準備，但咁啱又撞正要宣傳新歌《給受困者的一封信》，冇時間練習，最後漏夜叫Hansun（NWB低音結他手）預備咗份譜，各自練，今日嚟到先full band夾，但大家都好唔乖地，練咗另一樣嘢，變咗首喜慶版嘅《今期不流行》，如果剛才大家有拍低我哋表演，可以上網睇吓，再唔係，我哋再約出嚟，拍多一次。」Winka聽罷爽快答應：「係咪呀！真心㗎！一定要出嚟夾多次。」

之後再合唱Winka的新歌《今期不流行》。

除了音樂上交流，Winka希望日後有更多機會，同NWB有美食交流，她說：「音樂以外，我同Nate（NWB鼓手）比較多互動，佢有教我打拳，但其實我都好鍾意種植、仲有食嘢，我見到Van煮嘢食咁叻，好想下次佢哋有聚會可以叫埋我一齊食好嘢。」

除了音樂上交流，Winka希望與NWB有美食交流。

最後，NWB唱出最新派台作品《給受困者的一封信》，為首場「Nowhere Boys mini live gig」，畫上快樂的完美句號。Nowhere Boys「給十周年的概念店」，設計成NWB POST OFFICE，將他們今年「信件企劃」MV主場景足本還原，即日起，在尖沙咀The ONE L606， 每天早上十二時至晚上八時半開放，免費入場，而下星期將有「郵差袋手指鈎織工作坊」，大家記得密切留意寰亞音樂社交平台公布活動詳情。

與粉絲大合照

陳健安的歌迷會「本原族」與樂隊Nowhere Boys的歌迷會「Nowhere Boys & Girls」，日前在大埔的燒烤場舉行「2026圍爐BBQ暨Fans Gathering」，這是第二次聯合party，他們與本地及世界各地過百Fans玩遊戲、抽獎和燒雞翼比賽。去年Nowhere Boys主音Van全程煮私房菜給Fans，今年放下鑊鏟，專心享受被Fans餵食。當眾人專心BBQ時，安仔突然驚喜宣布《流星劃過富士山》演唱會版MV 在YouTube首播，全場尖叫並一同倒數，欣賞自己與安仔在片中大銀幕出現的美好回憶。安仔更即興伴唱走勻全場握手，連場外客人亦變成Fans，一起揮手吶喊，彷彿「穿越」年初演唱會現場，非常熱鬧。

陳健安的歌迷會「本原族」與Nowhere Boys的歌迷會「Nowhere Boys & Girls」，日前在大埔燒烤場舉行第二次聯合BBQ派對，過百粉絲參與。

眾人玩遊戲、抽獎、燒雞翼比賽，氣氛熱鬧。

安仔說：「今日真係好開心，見到有啲Fans第一次嚟，同唔相識嘅圍埋一爐，眼神尷尷尬尬。」他喜見Fans之間建立友誼，相約食飯、唱K、搞應援。其中有一枱Fans因為安仔新歌《梨子》製作梨子頭飾，安仔亦玩埋一份。他說：「好開心因為我哋嘅音樂，令佢哋連埋一齊。」Van說：「因為佢哋鍾意我哋嘅音樂，都係同一個energy 。上年聚會我掛住專心煮嘢畀大家食，同Fans之間隔住幾個煲，無機會傾偈。今年我決定打破隔膜，唔煮嘢食，逐張枱坐埋去同Fans傾偈、一齊BBQ，感覺好溫暖，好開心！最神奇係作為樂隊，Fans通常嚟睇我哋開騷唱歌，但今日冇表演只有BBQ，佢哋都肯嚟一齊玩，我哋關係已經變成朋友！」

安仔突然驚喜宣布《流星劃過富士山》演唱會版MV在YouTube首播，全場倒數尖叫。

他更即興伴唱走勻全場握手，連場外客人也變成粉絲，彷彿重現年初演唱會現場。

安仔悉心安排這晚在YouTube 首播演唱會版《流星劃過富士山》，因為片中的演唱會舞台上大銀幕，播放大量他和fans的合照，與BBQ現場氣氛互相呼應。他說：「呢首歌係我翻唱少爺占隊band『YEAHS』嘅作品，係講人與人之間嘅緣份，好難先至會遇上，好似我同你哋或者同歌迷之間，經歷過好多嘢至會遇到。咁啱今日BBQ現場音響又播到，支咪又幾好聲，我喺上面疊住唱，突然變咗演唱會咁，氣氛非常好。」Van表示希望舉辦郊野音樂會，與Fans一齊露營，由夜晚玩到天光。

Nowhere Boys主音Van今年放下鑊鏟，逐枱與粉絲傾偈BBQ，感覺溫暖。

安仔感動表示：「好開心因為我哋嘅音樂，令佢哋連埋一齊。」

鼓手Nate今年第一次參與BBQ聚會，被發現捧住一大疊格仔餅密密燒，原來他誤食fans的格仔餅，所以親手燒去氹fans作為補償，果然寵粉。而低音結他手Hansun自爆鍾情「獨食」，說：「平時我真係好鍾意一個人打邊爐同埋燒肉，如果見到我一個人出沒呢啲餐廳，唔需要驚訝！不過今日咁多人一齊BBQ好開心、好溫暖，我個心都融化咗，人係要有啲群體活動。」琴鍵手漁佬笑言：「夾咗咁多年band，我都係啱啱先知Hansun鍾意一個人打邊爐。」至於結他手Ken是素食者，Fans擔心他不夠飽，不停為他煮各色各樣蔬菜，令他感到好幸福。