天水圍居民搭輕鐵追巴士竟成功？網民指：冇停紅燈先有機

有天水圍居民於網上發文分享自己搭輕鐵追巴士經歷。他表示約了朋友要趕時間，卻目送往上水的276A線九巴離開。於是他靈機一觸立即去乘搭705線輕鐵追車。巴士及輕鐵行車路線不同，他最後竟然真的成功在天耀追回巴士及上車。

有天水圍居民於網上發文分享搭輕鐵追巴士經歷。資料圖片

天水圍居民搭輕鐵追巴士

樓主在社交平台Threads發文，「住咗10幾年嘅天水圍人，我已經學識用輕鐵追巴士了。見到276A喺我面前離開，於是坐705追車，喺天耀成功追返架276A並上到車！多得架705輕鐵喺樂湖直行，而276A要先兜去運動場嗰邊」。

樓主坐705追276A。影片截圖

樓主亦製作追巴士的過程。705輕鐵和276A九巴大概同時開出，由一開始276A九巴一直遙遙領先，到中間輕鐵逐漸追上，最後更爬頭。樓主得以順利追巴士及上車。

由一開始276A九巴一直遙遙領先，到中間逐漸追上，最後更爬頭。樓主得以順利追巴士及上車。影片截圖

網民笑言：司機，同我追住前面架巴士！

帖文引來不少網民留言，有人笑言「樓主：司機，同我追住前面架巴士」。但亦有人則指出樓主雖然成功追到巴士，但就要付兩次車資，「但係要俾輕鐵錢」。

網民翻查九巴時間表：班次密

亦有網民特意翻查九巴時間表，指出「我特登開個九巴app睇時間表，6-15分鐘一班，好似唔太需要咁趕？」。

亦有人說「如果朝早繁忙時間嘅話真係等下架都得，利申住天南平日朝早誇張起上嚟係一個燈位一班車，頻密嘅程度真係同B1有得揮」。

網民以自身經歷表示：試過返工時間15-20分鐘先一班

不過有網民以自身經歷表示，「寫係咁寫，但試過返工時間15-20分鐘先一班」。樓主解釋，「開九巴App就見到架車已經就嚟到天富，之後又咁啱見到705埋站，就索性搏一下會唔會追到，咪順便喺輕鐵一邊追車一邊凉一陣冷氣」。

網民討論樓主只是剛好走運才追上巴士。資料圖片

網民：唔係次次都追到

有網民表示樓主只是好彩才追上巴士，「輕鐵追都真係咁啱好彩，巴士多人上車，輕鐵冇咩停紅燈先有機」、「有時輕鐵要等，所以唔係次次都追到」、「因為輕鐵有優先過路權，如果冇優先過路權，應該冇可能追到架車」、「你未見識過天水圍啲輕鐵燈陣，西鐵站支燈最癲試過等6分鐘」。

一名任職古箏老師的年輕港媽早前在網上發文，分享自己趕出門時旗袍拉鏈卡住，最終向大廈男保安員求助的奇葩經歷。事件引起網民熱烈討論，樓主其後親自回應留言，交代事件始末及背後細節。

網上圖片

樓主表示，日前早上準備外出時，發現身穿的貼身旗袍背後拉鏈拉至一半便卡住。由於旗袍剪裁修身，加上拉鏈設於背部，單靠自己難以處理，而她當日又因有拍攝工作，未能即時更換衣服。她憶述，當時曾多次嘗試拉動拉鏈，但仍然無法將衣服完全拉上，眼見出門時間迫近，於是到大廈大堂向當值的男保安員求助。她在帖文中寫道：「今朝拉極都拉唔到拉鍊，拉到一半又趕住出門口，唯有死死氣落樓下同保安叔叔講……」

示意圖。AI生成圖片

據樓主分享，兩人的對話如下：

樓主：「唔好意思，可唔可以幫幫手？我知有啲尷尬，但可唔可以幫我拉……」
保安：「嘩……其實我都係一個咸濕佬。」
樓主：「哈哈哈。」

拉鏈完成拉上後，樓主便怒奔出大堂。

 帖文引起網民兩極反應。部分網民認為，樓主不應隨便請一名並不熟悉的男士替她拉背後拉鏈，擔心對方或會產生誤會「正常都唔會搵個唔識嘅男人幫手囉」、「唔知既以為你咁隨便勾引佢」、「真係擔心個保安叔叔會會錯意」；亦有人表示，若衣服拉鏈無法拉上，較穩妥的做法應是更換衣物，或向女保安員及其他女性尋求協助。「拉極拉唔到，我會選擇著第二件」、「完全唔合理，拉唔到咪著第二條...保安姨姨起碼都女人...搵個男人？？？」有網民更質疑樓主的行為惹人誤會，甚至嘲諷事件猶如日本成人電影：「唔知以為睇緊AV，下次就入你屋企幫你拉」、「C9走去引條保安仲出po，真係綠茶」。

網上圖片

面對網民質疑，樓主回應指，大廈屬於單幢樓，當時樓下只有一名全職保安員，而對方亦是她日常經常見到的人。她表示，自己當時曾經猶豫約五秒，亦曾考慮到街上尋求其他人協助，但認為向陌生女士開口同樣尷尬。

對於保安叔叔那句「我都係一個咸濕佬」，有網民認為其實對方是婉轉地提醒她要保持警惕。樓主卻反駁，認為保安只是說笑：「其實佢都係講咗一句真話/笑話，所有男人都鹹濕㗎啦，By the way佢個人好好，大家唔好太誤解佢。」樓主又說，自己認為單純請人協助拉上拉鏈並非大事，並指保安員說出相關言論後，她確實曾感到愕然，但認為每個人都無法控制他人的想法，自己做好本分即可。她還強調大堂布滿閉路電視十分安全：「喺大堂度，佢可以對我做啲咩啫，咁多CCTV。」

網上圖片

為避免日後再遇上同類情況，有網民建議她在穿上旗袍前，先將一條較長的線或幼繩穿入拉鏈拉環，穿好衣服後便可自行拉上，再將繩子取出。樓主表示會記下這項建議，並稱自己獨居一年，日後需要多學習相關生活技巧。另有網民建議在拉鏈齒上輕輕塗抹蠟，以減低摩擦，令拉鏈更順暢。不過，若拉鏈卡住布料，應先慢慢將布料移開，避免強行拉扯，以免損壞衣物或令拉鏈卡得更緊。