ABC行動開始

退休大法官胡國興打算參選特首，一石激起千重浪，惹起各界關注，想分析究竟胡官參選對那一方有利。

胡官雖然係法律界重量級人物，但係講到選特首，佢就無施政經驗，所以唔算係「大殺傷力武器」，胡官一宣布參選，令人關注其參賽的影響。

知情人士話，阿爺勸過胡官唔好參賽，但胡官執意落場，所以外界以為胡官係阿爺派出來的人，志在陪CY跑，咁就諗多咗少少啦。

知情人士認為胡官參選，目的係ABC （anyone but CY，任何梁振英以外的人）。目前政府三司中角逐特首的熱門人選，但他未得阿爺祝福前，不肯辭職出來挑戰CY，咁搞下去，好易CY一個自動跑出，所以點都要搵個人出來。

胡官參選，就一定有人同CY爭，但殺傷力未致太大。

Ariel

** 博客文章文責自負,不代表本公司立場 **

退休大法官胡國興準備參選特首，將會在短期內公布，胡國興想參選都醞釀了一段時間，政壇高人估計，未來不止胡國興一個人參選。

據悉胡國興早前曾經與中央官員會面，講出他想參選的意圖，阿爺如何反應不得而知，起碼「未能」喝停他參選。

胡國興出閘參選，令人關注他是否如當年楊鐵樑一樣，參選只為陪跑。但高人認為，胡國興明知自己能夠成功當選的機會有限，仍然出來參選，是想觸發其他有意參選者出閘。

中央未就行政長官人選拍板定案，而現任特首梁振英亦未宣布參選爭取連任，在這空檔之時，胡國興宣布參選，就有打破悶局的用意。