女團Lolly Talk出道三年，人氣愈來愈高，粉絲暱稱「波板糖」人數激增。日前他們受邀遠赴日本，參加盛大偶像音樂祭Tokyo Idol Festival（TIF），又搞快閃活動，不少粉絲專程飛到現場撐場，人氣爆燈！
工作忙完，成員們還趁機去街頭掃街打卡，影了不少靚相。當中身材出眾的黃敏蕎（阿妹）更於日本大解放，於社交平台曬出一輯火辣性感街拍，仲穿住自己親手編織的背心，大膽「開啟中門」，造型勁吸睛，令網民睇到心心眼！
阿妹於日本大解放
曬出一輯火辣性感街拍
穿住自己親手編織的背心
大膽「開啟中門」
阿妹日前於IG寫：「wahaha終於著到第一次自己織嘅背心，仲被路人讚靚衫！不過有人話我似香蕉朱古力同蜜蜂。」
靚相由隊友鄭芷淇（Elka）操刀拍攝，阿妹穿住低胸鏤空背心，香肩、纖腰一覽無遺，剪裁性感又帶青春氣息，似乎仲真空上陣，火辣指數爆燈。
露香肩、纖腰
似乎仲真空上陣
網民紛紛留言「Omggggg被辣死了」、「牙妹索到我流鼻血」、「開始犯規了」，更有人幽默叫阿妹快點著返件衫，怕粉絲睇蝕佢。
廖子妤（Fish）、趙君瑜（Angelina）、鄭芷淇Elka@LollyTalk、林千渟、黎紀君（Christy）日前出席時裝品牌Maje活動。Fish以一身極具品牌特色的純白色通花長裙亮相，成為全場焦點。搭配簡約的銀色飾品與乾淨俐落的髮型，更顯大方得體，完美演繹了Modern Parisian chic的優雅魅力。
廖子妤（Fish）日前出席時裝品牌Maje活動，同場還有趙君瑜（Angelina）、Elka鄭芷淇@LollyTalk、林千渟及黎紀君（Christy）。
入圍金像獎最佳女主角的廖子妤表示，正忙於挑選晚裝出席頒獎禮，揚言要艷壓群芳奪「最佳衣著獎」：「我每一年度，無論係頒獎嘉賓好啦，又或者係有份提名都好，我都會好希望係靚嘅。我好想攞『最佳衣著獎』啊！依家開始度緊啲多謝感言，即係萬一咁好彩可以得到呢個獎，我都有好多人要多謝！上次喺香港電影評論學會頒獎嘅時候，我嗰時其實係冇準備到嘅。如果嚟緊再得獎，我一定會發台瘟。我由幼稚園第一次上台，即係扮太陽花嘅時候，我已經發緊台瘟喇，但唔知點解我都係依然好愛表演，同埋好愛上台嘅。」
趙君瑜由「試當真」轉會到古天樂旗下。
Elka@LollyTalk單飛出席活動：「希望大家多啲搵我哋做嘢！」
Elka@LollyTalk 表示現時成員各有各忙，佢仲自爆屬購物狂。家中衣櫃已「打爆」：「因為我而我搬咗新屋，已經係打爆到我真係買唔到衫㗎喇。因為有好多衫只著過一次，已經唔係好想著，而且 keep 住想買一啲新衫！」佢表示過往 LT 形象百變，現「單飛」可以已變新想像：「我諗任今年試吓長頭髮，因為出道 4 年都保持短髮，早前工作駁髮發現效果不錯！」這日 Elka 「單飛」出席活動，她表示懷念與隊友開工點滴：「我又唔會話唔捨得嘅，因為我哋得閒嘅時候都係會聚埋一齊食飯嘅。但係我會覺得有時可能出席啲活動時，冇咗佢哋咁嘈囉，因為佢哋以前化妝真係好嘈，我對耳仔係疲勞轟炸，但我又幾鍾意呢種感覺嘅。希望大家咁多位多啲搵我哋做嘢，我哋就會出現㗎喇。」
黎紀君（Christy）
而趙君瑜 Angelina 剛由「試當真」轉會到古天樂旗下，佢就過新年時已向「新老闆」拜年逗大利是，但一瞬間已「反輸」：「我哋玩『射龍門』，其實古生已經好錫住我哋玩㗎喇，但我都輸咗。但唔緊要，都係玩開心啫。」Angelina 表示現階段適應新公司，希望以演員方面發展。
廖子妤觀晚裝想攞「最佳衣著獎」：「如果再得獎，我一定會發台瘟！」
