《明明沙漠乜都冇》梁彥宗練美娟到全世界體積最大建築打卡 娟姐待嫁新娘Look被指似移動花冧

ViuTV全新節目《明明沙漠乜都冇》由9月8日起，逢星期一至五晚上10時30分播放。梁彥宗（Chris）作為「冷門」旅遊目的地的專家，夥拍最識食識玩的練美娟（娟姐），飛到三個擁有「世一沙漠」之稱的國度，實現食、買、玩和「打卡」的全面體驗！即使在荒漠地區，都能夠玩出滿足感。

拍攝期間有當地女子主動上前跟二人交換聯絡方法。

屋主不忘將練美娟變裝過程拍下留念。

面對地盤一個，梁彥宗和練美娟依然自豪地表示自己走在時代尖端。

梁彥宗和練美娟以中東裝扮示人。

《明明沙漠乜都冇》下星期一（8日）首播，Chris和娟姐去到以財力見稱的沙特阿拉伯首都利雅得，二人前往被譽為全世界體積最大的建築新地標「打卡」，然而抵達時所見的卻是一片工地。娟姐笑言：「頭先落車嘅時候，我見到司機好Confuse咁話『Really？Here？』我哋仲話Yes！」雖然工地「乜都冇」，二人依然自豪地戲稱：「我哋簡直係喺時代嘅尖啄，佢未起好已經嚟同佢打卡。」

梁彥宗和練美娟去到以財力見稱的沙特阿拉伯首都利雅得。

梁彥宗和練美娟前往沙特阿拉伯被譽為全世界體積最大建築的新地標打卡，不過到埗後出現眼前的卻是工地一個。

梁彥宗和練美娟參觀沙特「靚屋」。

梁彥宗和練美娟被當地女子要求拍照留念。

其後，兩人在試乘去年年底才投入服務的全新地鐵時亦發生小插曲，在拍攝期間有當地女子主動上前跟他們交換聯絡方式和拍照，事後娟姐開心表示：「嘩！我增加咗我個版圖喇！啲人會唔會以為我買啲中東粉絲撐場。」Chris回覆道：「佢話想睇下你嗰個Social Media呀，但係一提到可唔可以影一影佢哋，佢哋就即刻避。」

練美娟中東待嫁新娘look。

練美娟待嫁新娘look被梁彥宗指似移動的花冧。

練美娟笑稱司機看見他們在工地下車感到疑惑。

練美娟跟屋主合照留念。

隨後二人更參觀當地「靚屋」，女主人Fatima熱情招待，還把娟姐化身為美艷的待嫁新娘，Chris笑稱娟姐出場有如一個移動的「花冧」。而娟姐起初擔心拍攝過程會打擾她們：「我仲驚會Chur親佢，但係點知佢同佢啲小朋友好似已經有咗共識咁樣，我哋一入到去，佢哋會影返我哋，所以我覺得成個過程幾得意。」

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」