明明沙漠乜都冇｜梁彥宗練美娟超市購物被捉入房 由驚慌變驚喜招待

ViuTV全新節目《Outback Steakhouse呈獻：明明沙漠乜都冇》，逢星期一至五晚上10時30分播放。梁彥宗（Chris）作為「冷門」旅遊目的地的專家，夥拍最識食識玩的練美娟（娟姐），飛到三個擁有「世一沙漠」之稱的國度，實現食、買、玩和「打卡」的全面體驗！即使在荒漠地區，都能夠玩出滿足感。

梁彥宗(Chris)在超級市場購物期間突然被人叫停，更被帶入一個房間。

梁彥宗步出房後表示超市經理要「請我哋食嘢」，娟姐聽後不禁「吓」一聲！

梁彥宗講述跟經理的對話，練美娟聽到滿頭問號。

超市經理帶梁彥宗和練美娟到收銀處結帳。

今晚（9月11日）播出一集，Chris和娟姐前往伊斯蘭教的第二大聖城——麥地那（Madinah）。拍攝時正值齋戒月，所以到埗後二人率先到超級市場購買乾糧以備不時之需。當二人購物得正起勁，卻突然被人叫停，更將Chris帶入一個房間，這突如其來的情況頓時令娟姐大感驚慌。正當大家不知所措的時候，Chris回來卻表示：「佢話請我哋食嘢啊！」娟姐聽後不禁「吓」了一聲！Chris續說：「頭先經理捉咗我入房，我以為佢唔俾我哋拍攝啦，跟住佢問我哋做咩，係咪要影晒成個Supermarket？，我話係啦，跟住佢突然話『You Are My Guest，所以你哋買嘢千祈唔好自己俾錢』，叫我哋揀好晒之後搵佢，佢會帶我哋去Cashier度找數」。

練美娟到埗麥地那後，眼見全部女性均包著頭巾，所以決定入鄉隨俗，以示尊重。

梁彥宗和練美娟在麥地那留倩影。

梁彥宗和練美娟朝聖之餘，亦不忘逛街。

遇上心頭好，練美娟表示就算就算「爆喼」也要買。

經歷完這個「驚嚇」的事件之後，二人隨即展開神聖的一天，遊覽麥地那重要的地標，包括弓箭手山、雙朝向清真寺、庫巴清真寺，以及繼麥加的禁寺之後，第二神聖的先知寺。朝聖之餘，二人亦不忘逛街購物，娟姐十分喜歡一張參考清真寺內部設計的地毯，難得遇到心頭好，即時燃起娟姐的購物慾，製作組見狀隨即提醒娟姐：「你個喼仲有位咩？」娟姐回應：「有掛？你哋個喼咪有位囉！」大家卻堅決地表態：「我個喼爆咗㗎喇！」但這仍然無法阻止娟姐購買的決心：「再唔係咪手拎囉」。

第二神聖的先知寺。

遊覽「弓箭手山」。

練美娟笑言終於看到周圍都是人！

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」