星光背後｜ 魯文傑由「御用細佬」淪為「甘草」演舞台劇令人生下半場翻盤

兒童節目主持出身，現年53歲的魯文傑(Simon)為近日演出的ViuTV劇集《翻盤下半場》接受雷霆881商業一台《星光背後》專訪。魯文傑於1992年就讀演藝學院一年級時，已憑一則電視廣告成名，成為無綫、邵氏及亞視爭相羅致的對象，但他堅持完成四年大學課程才正式入行。服務大台長達十六年，由「御用細佬」淪為「甘草」的魯文傑，曾在男人40組織家庭時決心求變，誰料跳槽到王維基成立的香港電視（HKTV）後，卻遇上不獲發牌的打擊。節目中，魯文傑憶述說：「嗰日成家食飯睇住電視，阿爸、阿媽、老婆、BB都響度，成家靜晒，回巢？轉行？好閉翳。」舞台劇令魯文傑人生下半場翻盤，去年憑《撒旦狂筆》首封劇場最佳男主角，他說：「頒獎禮帶埋家人去無諗住贏，係想阿仔知，點樣面對輸，輸咗下次點樣贏返。」

魯文傑由TVB力捧小生被迫降呢做甘草演員。

當年憑一則電視廣告獲封「王子」的魯文傑坦言從沒發明星夢，拒認年青時靚仔，考演藝只因喜歡演戲及teamwork，他說：「靚仔唔覺，只可以話四正，我好咧啡，返演藝都係波衫短褲。」他承認1996年演藝畢業前錯失了不少機會，包括中學時被陳慧嫻的前經理人趙潤勤當街邀入行做歌手，「中五搭地鐵佢望實又跟住我，叫我去casting試音我好驚，打電話嚟第二次先肯上去，見到張智霖同蔣志光海報先至知係堅，試完音唱得差都話簽我，最終覺得未讀完書唔簽。」至於1992年赴美拍攝讓他成名的飲品廣告，也是演藝師兄迫他去試鏡才成事。而廣告出街後，魯文傑獲無綫、邵氏及亞視爭相羅致，「三間公司都有搵我，我見過方逸華，亦因為睇TVB睇大而簽咗。」1992年至1996年，演藝學院任魯文傑經理人，他一邊讀書，一邊於周末及周日錄製《閃電傳真機》。即使TVB第二年提出包薪經理人合約，他也沒想過放棄學業，「TVB叫我唔好讀演藝，點解唔畀我讀埋呢？做人無得後悔，雖然辛苦，亦好珍惜嗰四年讀書發生嘅嘢，對我好大幫助。」

離巢後，魯文傑在舞台劇界大放異彩，去年憑《撒旦狂筆》奪得香港舞台劇獎最佳男主角（悲劇/正劇）。

魯文傑初為人父同時，就需面對王維基不獲發牌面臨失業的打擊，他坦言感激已故的廖啟智，在最困難日子介紹他到浸會教演戲。

魯文傑認自己沒野心，演藝畢業後滿足於拍攝《閃電傳真機》的收入或演「細佬」角色，「一年260個騷，每個月出兩份糧，夠自己亦夠畀屋企。」惟全身投入TVB十六年，魯文傑慢慢由「御用細佬」變成「甘草」，問他後期只是做主持或司機的角色時有沒有難受，他坦承自己心態也有問題，「早期貪玩，有糧出，過得一日就一日，自己放pea嘅心態亦有問題。好記得後期有場同陸駿光嘅戲，本來大家都係行行企企，突然導演有堆對白想我講，我竟然唔想講叫陸駿光講埋佢。當時陸駿光話：『演藝師兄，你做乜搞成咁！』我係pea到咁！」最終2012年離巢跳槽王維基，他坦承心淡，「當時無騷爆，仲要我還騷，無糧出仲要我拍《東西宮略》，加上男人40，都要為將來打算，不如走啦。」

離開TVB前因為演出香港劇團演戲家族的音樂劇《一屋寶貝》，令魯文傑邂逅比他年輕十六歲的太太梁嘉敏(Pinky)。二人交往不夠兩年就於2013年結婚，同年年底還誕下兒子魯煦耀(Jathan)。怎料初為人父同時，就需面對王維基不獲發牌面臨失業的打擊，魯文傑憶述說：「過程來回三次，最終嗰日成家食飯睇住電視，阿爸、阿媽、老婆、BB都響度，成家靜晒，回巢？轉行？好閉翳。嗰一年仍有糧出，但之後點呢？」魯文傑坦言感激已故的廖啟智，在他最困難日子介紹他到浸會教演戲。同時他亦有機會到主題公園當talent manager，加上太太產後亦有工作，兩公婆分擔才捱過最困難的日子，「疫情有段時間我無嘢做，都要靠我太太，所以我好愛我老婆，多謝我老婆，真㗎！」半生經歷不少挑戰，魯文傑相信「天無絕人之路」，「人生好得意，唔順中總會有啲順，所以唔使咁閉翳。」

今日(9月6日)，下午二時至三時於雷霆881商業一台播放的《星光背後》，主持人梁泰來邀得魯文傑任嘉賓。

98年獲港姐季軍入行，現年51歲的吳忻熹（前名：吳文忻），為圓夢推出首支個人單曲《重生》接受雷霆881商業電台《星光背後》專訪。去年曾分享抗癌出現曙光的她，今年初卻因癌細胞突變，擴散至尾龍骨成乳癌第四期。雖然經歷心臟及肺部積水留醫16日徘徊鬼門關，但吳忻熹從沒絕望，更因重拾信仰完成人生兩大心願出書又出歌，希望以生命影響生命。節目中，吳忻熹除了披露曾迷信令抗癌情緒陷低谷外，更首度承認與前夫離婚已始於患病前，她說：「感情有問題非一日之寒，唔止一個人責任。」她更坦言要平反外間對前夫的誤會，「佢未必係個好伴侶，但一定係個好爸爸。」。

現年51歲的1998年港姐季軍吳忻熹（前名吳文忻），日前在電台節目中分享對抗乳癌第四期的心路歷程。

當年美國大學畢業回港選美入行的吳忻熹，稱小時候夢想當歌手，可惜98年華星新秀停辦轉而選港姐踏足娛圈。而事隔廿七年唱歌那團火重燃，是始於年初看《叱咤頒獎禮》直播，她說：「好歌手嘅得獎感言，話自己畀想像中強大，作為患病者去聽，係份外入心。之後Sammi(鄭秀文)話自己係52歲嘅我最喜愛女歌手，當刻就幻想51歲嘅自己，出年可唔可以企喺台上做樂壇新人？就即刻幫自己拍咗條片，希望可以圓呢個夢。」奈何對自己許下承諾不久，癌細胞突變擴散至第四期，更因心臟及肺部積水留醫16日一度徘徊生死，這次經歷促使她立志要今年達成心願，「尤其係留醫期間，醫生同我講咗一句話，佢話：『吳小姐，你要諗定，話定畀家人聽拔唔拔喉。』當刻聽落係覺得好離譜，但之後，我會反思原來我咁接近死亡，就反而激勵我唔好再拖延。」

不僅透露曾因迷信玄學令情緒陷入低谷，更首次親口承認，與前夫陳劍陵的婚姻問題，早在自己患病前已存在。

吳忻熹表示選擇現在才公開離婚消息，是尊重圈外前夫的意願，不欲「擺他上枱」作宣傳。她為前夫平反道：「他未必是個好伴侶，但一定是個好爸爸。」 兩人目前關係和平，再見亦是朋友。

吳忻熹坦言因信仰及祈禱，幫助她振作渡過留醫16日的難關外，亦助她捱過出院要坐輪椅、撐拐杖與及多次電療的痛苦。今日能完成《重生》一曲，她指亦因為信仰令她遇上一眾基督徒音樂人天使，他們全都不收分文助她完成單曲。她說：「係好神奇，心靈同念向好之後，好多天使出現，好似有力量Guide住我行呢條路，好感恩。」不過談及2013年曾改名吳忻熹，中小學已是天主教徒的吳忻熹，亦坦承入了娛樂圈後走過不少歪路，「當年睇好多風水命理，有人講吳文忻三個字係大兇孤寡數，係驚到連身份證都改埋。其實我一出世就領咗洗，但入咗娛樂圈乜都拜吓，越行越遠。直至Cancer舊年復發，唔少人話畀我聽係冤親債主，帶我做好多嘢，燒好多嘢，燒銀紙咁燒；但越燒越不安，情緒仲跌入低谷。直至今年有個導師導返我信，之後日日祈禱，心靈真係平靜返，情緒直接影響我病情，之後好多嘢慢慢向好，令我發覺呢件事真係存在。」

宗教令吳忻熹對人生重燃希望，亦令她反思放下執著。節目中，她罕有談及今年年中親口證離婚的前夫，「之前唔講，因為對方係圈外人，不嬲佢都唔鍾意，我亦唔想好似擺佢上枱咁。」對於前夫被指吳忻熹一患病就撇下她，她說：「我要為佢平反，其實件事發生咗一段時間，係病之前。感情有問題係非一日之寒，有問題咗好耐，我都有問題，唔止係一個人嘅責任，每個人都有自己問題。唔想講太多，係唔想畀人以為我攞嚟宣傳，我只想講，佢未必係個好伴侶，但一定係個好爸爸。」她亦指與前夫和平分開，再見亦是朋友，「由頭到尾我哋都係好好朋友，我哋美國讀書已經識，做唔成伴侶，做朋友都無問題。」

吳忻熹與節目主持梁泰來合照。