三十年前我還是一名警察，當年我二十歲，認識了一位朋友，年紀相約背景相同，大家都是草根出生、中學畢業、都是在讀書時代已經認識了自己的女朋友，不同的是他還在拍拖階段，而我已經跟太太結婚了，我們的人生歷程有八成是一樣的，不同的地方是，他是做成衣生意，而我是一位公務員，但我們都有一個共同的愛好，就是汽車。
在人生的歷程中，我們慢慢因為各自的工作，建立了新的發展而少了相聚。四年前我開始賽車，在不同的賽車場上碰面，很熱情、很熱誠、很高興地寒暄數句，然後就要繼續各自忙下去，就這樣到了二零一六年的五月，在一個機緣下，我主辦賽事而他參與賽事，大家突然又走在一起，除了我們談及的往事外，我們的共同愛好還是一樣，仍然是汽車、賽車。沒有改變的是他的樣子及我的禿頭，還有三十年前他的女朋友是他三十年後他的妻子，我也是一樣。現在大家的孩子也長大了，人生還能活多少年真不知道，珍惜眼前人、珍惜自己的愛妻，尋找自已熱愛的工作及對家庭負責，這些都是我們現在不約而同的想法。
人生在不同的歷程中，都充滿著離離合合，每段離合都帶來不同的意義，能夠相聚一起是一種機緣巧合，因為某種原因可能會暫時疏遠，但這並不代表永久，在適當的時候，上天必定會安排一個重逢的機會，所以人生在世，面對緣聚，不應極喜，面對緣散亦不應極悲，因為總有一天大家都會再相聚一起。所以人與人之間的相處是「留得一條線，他日好相見」。
黃毅力
** 博客文章文責自負,不代表本公司立場 **
老友Angus係外資大消費品牌高層，佢旗下有兩隻頭馬， Mary同埋Peter (當然係假名），兩個人都博更上一層樓。
有一日Angus同埋一班高層開完man com(管理委員會)會議，講起明年budget，自然又係拗餐死，開咗兩個鐘頭會，都冇乜結果。
開完會Angus返到自己房，見茶杯空空如也，搵唔到tea lady，就走去茶水房諗住倒杯咖啡飲下，好衰唔衰未入到去，已經聽到同事講緊佢，佢就停喺門口聽吓。
先聽到Mary用高八度的聲缐講：「嗰個Angus都癡線架，話生意唔好，公司盈利大倒退，一句話美國總部責落嚟，明年就冇人工加喎，我點同啲細嘅交代呀，叫佢做埋佢啦。」
Peter比較冷靜：「大家都要跑數，都知道今年生意幾差啦，無人工加我都好沮喪，返去同老婆講怕佢以為我老作，不過公司都好難做，體諒吓啦。」
Mary一輪嘴回覆：「體諒，啲夥計媽我邊個體諒我啊？啲老細成日坐在房內，點知我哋做前線嘅辛苦啊！」
Peter :「Angus都係做sales出身喎.....」
Augus聽到呢度忍唔住入去斟咖啡，大家見到佢就收晒聲。
Angus同我講，呢個Mary本來做嘢都唔錯，但係有個花名叫做「權益姐」，乜嘢都講權益，樣樣都要計，今年公司盈利倒退9成，預計2017年要轉盈為虧，即使涷薪，預算條數仍然要蝕錢，但Mary已經嘈到拆天，你話點搞呢？
佢話Peter本來個人冇Mary咁叻，但係有名你叫，佢叫做「大局哥」，識得顧全大局，公司經營唔好，佢願意靈活協調，配合公司轉型，去安撫同事。
Angus話，如何開展明年生意，已經十分頭痛，仲要處理公司內的人事問題，真係好煩。
兩隻頭馬一個不斷為你製造問題，一個幫你解決問題，Angus重用邊個，唔使諗都知啦。
