權益姐鬥大局哥

老友Angus係外資大消費品牌高層，佢旗下有兩隻頭馬， Mary同埋Peter (當然係假名），兩個人都博更上一層樓。

有一日Angus同埋一班高層開完man com(管理委員會)會議，講起明年budget，自然又係拗餐死，開咗兩個鐘頭會，都冇乜結果。

開完會Angus返到自己房，見茶杯空空如也，搵唔到tea lady，就走去茶水房諗住倒杯咖啡飲下，好衰唔衰未入到去，已經聽到同事講緊佢，佢就停喺門口聽吓。

先聽到Mary用高八度的聲缐講：「嗰個Angus都癡線架，話生意唔好，公司盈利大倒退，一句話美國總部責落嚟，明年就冇人工加喎，我點同啲細嘅交代呀，叫佢做埋佢啦。」

Peter比較冷靜：「大家都要跑數，都知道今年生意幾差啦，無人工加我都好沮喪，返去同老婆講怕佢以為我老作，不過公司都好難做，體諒吓啦。」

Mary一輪嘴回覆：「體諒，啲夥計媽我邊個體諒我啊？啲老細成日坐在房內，點知我哋做前線嘅辛苦啊！」

Peter :「Angus都係做sales出身喎.....」

Augus聽到呢度忍唔住入去斟咖啡，大家見到佢就收晒聲。

Angus同我講，呢個Mary本來做嘢都唔錯，但係有個花名叫做「權益姐」，乜嘢都講權益，樣樣都要計，今年公司盈利倒退9成，預計2017年要轉盈為虧，即使涷薪，預算條數仍然要蝕錢，但Mary已經嘈到拆天，你話點搞呢？

佢話Peter本來個人冇Mary咁叻，但係有名你叫，佢叫做「大局哥」，識得顧全大局，公司經營唔好，佢願意靈活協調，配合公司轉型，去安撫同事。

Angus話，如何開展明年生意，已經十分頭痛，仲要處理公司內的人事問題，真係好煩。

兩隻頭馬一個不斷為你製造問題，一個幫你解決問題，Angus重用邊個，唔使諗都知啦。

黃毅力

** 博客文章文責自負,不代表本公司立場 **

昨天傳媒披露了退休大法官胡國興有意參選特首，看到了這個新聞後，我有一些想法。

對中央而言，香港的特首最重要的是信任，信任一國兩制能夠貫切執行，不會衍生太多節外生枝的問題。

對香港人而言，特首最重要的是於兩制下，可以保障香港人既有的自由、公平公正和法治。

對公務員來說，最重要是這個特首會履行公務員現有的約章、制度與及運作方式。而新特首空降的團隊，必須要稱職、能夠彰顯團隊精神及團隊上個別人士的公信力及辦事能力。

 
我相信未來的五個月，胡官如果參與這個特首選舉，可能會令廣大香港市民、公務員團隊及政黨帶出新希望，但能否真正得到中央的支持，就要看他本人跟國家領導的溝通，看看可以爭取到多大信任。

作為一個特首，最重要是威信及領導才能，如何帶領他的團隊及公務員，做到行政、立法兩者和諧共存，把專注力放回於民生、經濟上，而不是著眼於政治上的你勝我負或雙輸的爭拗。