蘇皓兒晒遊石垣島靚相享受當地生活節奏

娛圈事

蘇皓兒晒遊石垣島靚相享受當地生活節奏

2025年09月21日 16:00 最後更新：16:15

「短髮女神」蘇皓兒（Chloe）最近飛到沖繩石垣島旅行，並連日在社交平台晒出旅行靚相，並表示：「喜歡石垣島的生活節奏，放慢步調享受陽光與海灘。」

相中可見，蘇皓兒除了享受陽光與海灘，又去了親親可愛的小猴子，還換上傳統的琉球服，當然亦少不了大歎當地的美食，行程豐富而且景色相當優美，令不少網民紛紛留言讚美人美景，更有人表示：「睇完相想去了！」

點擊看圖輯

蘇皓兒喜歡上石垣島的生活節奏。

蘇皓兒IG圖片

在 Instagram 查看这篇帖子

Chloe So 蘇皓兒 (@chloe_so) 分享的帖子

往下看更多文章

蘇皓兒石垣島晒泳裝派福利難忘海中心玩SUP賞日落

蘇皓兒（Chloe）早前接受日本沖繩石垣島觀光旅遊局邀請，到當地拍攝宣傳短片，期間攞正牌以泳裝上陣，大晒fit爆身型，亦放下「女神」形象，攀山涉水玩盡島上戶外活動及飽嘗美食，難怪Chloe對今次四日三夜行程大呼難忘，更期望「下一站」可參與野外求生或體能競技類節目。

已第二次受邀到石垣島拍攝的Chloe，一直對石垣島印象是陽光與海灘兼潛水天堂，但經過今次拍攝，Chloe發掘了當地更多自然美景，她說：「今次拍攝去啲比較偏遠嘅西表島，搭完船之後再爬獨木舟，攀山涉水尋找瀑布秘境，發現原來嗰度嘅大自然氣息可以咁重。我一直以為自己好鍾意城市嘅便利，但原來對住個海、對住座山發呆，嗰種寧靜感係更加吸引我，經過今次我對旅遊嘅定義改觀咗，原來唔一定要行程密麻麻，要學識『留白』反而仲充實。」

提到今次最難忘的拍攝，Chloe直言是此行看到人生中最靚的日落：「最難忘喺日落靚景底下玩SUP（立式划槳），橙色嘅天空映照成個海面，喺海中心平靜咁欣賞日落靚景，絕對係我睇過最靚嘅日落。」

攀山涉水唔戒口

為了以最佳狀態展示泳衣Look，Chloe表示出發前一個月已做足準備：「因為有啲鏡頭要着泳裝或者比較輕便嘅衫，所以我喺出發前一個月就加強健身，重點係要練番條腰同手臂嘅線條，以最好狀態出鏡。」雖然此行所需體能不少，但每餐亦有豐富的美食作「慰勞」，Chloe說：「當地啲嘢食真係好正，有一日仲係出海釣魚，然後夜晚就試返自己釣嘅魚，超級新鮮好食。我相信攀山涉水嘅拍攝schedule係可以抵銷脂肪，所以我冇乜戒口，哈哈哈！」