《別在蒙古矇查查》蘇皓兒被爆屋企少煮食器具 陳葦璇自薦做豪宅寵物貓

ViuTV全新節目《別在蒙古矇查查》逢星期日晚上8時正播出。節目主持蘇皓兒（Chloe So）、陳葦璇（Kira）將會透過在蒙古國觀賞⾃然美景，以及體驗當地生活，帶觀眾認識蒙古國的真實⾯貌，消除外界對它的刻板印象，如認為蒙古國只有荒涼沙漠、居民的生活落後及性格孤僻等等。

蘇皓兒(右)、陳葦璇(中)參觀蒙古包

最令她們感到意外的是蒙古包內現代廚房器具竟一應俱全

陳葦璇爆料指蘇皓兒家中煮食器具比屋主少

二人接著到豪宅參觀

天花板上的草原壁畫讓二人嘆為觀止

二人看見屋主的貓貓

陳葦璇笑問屋主可否當她的寵物貓

3月15日播出的第二集，Chloe So與Kira將會拜訪蒙古人兩個截然不同的住所：一個是為了適應遊牧生活而設計出來的蒙古包，另一個則是一間新落成、面積約有6000呎的豪宅。

對於兩位主持而言，蒙古包的內部佈局充滿新鮮感，不過最令她們感到意外的是，煮食區內微波爐、氣炸鍋、電飯煲等現代廚房器具竟然一應俱全。Kira此時亦忍不住爆Chloe料，說道：「屋主有嘅煮嘢食器具仲多過你啊。」Chloe笑著反問：「你做咩喺度踩我啊？好傷心！」

蘇皓兒和陳葦璇搞笑扮貓

蘇皓兒認為蒙古人的共通點是非常好客

蒙古包屋主請吃酸奶乾

豪宅屋主以甜點招待

Chloe和Kira接著到豪宅參觀，屋內設計融入了不少蒙古國的文化元素，其中天花板上的草原壁畫氣派非凡，讓二人嘆為觀止。所以當Kira看見屋主的貓貓時，便搞笑問道：「Will you have another cat…like us？」令屋主哭笑不得。

拜訪過兩個住所後，Chloe認為蒙古人的共通點是非常好客，她解釋：「一入到蒙古包，屋主已經請我地食酸奶乾，又狂塞啲朱古力畀我地食；去到比較富裕嘅蒙古人屋企，佢又係準備咗好多甜點畀我地，然後仲想邀請我地留低食晚飯。」

蘇皓兒（Chloe）早前接受日本沖繩石垣島觀光旅遊局邀請，到當地拍攝宣傳短片，期間攞正牌以泳裝上陣，大晒fit爆身型，亦放下「女神」形象，攀山涉水玩盡島上戶外活動及飽嘗美食，難怪Chloe對今次四日三夜行程大呼難忘，更期望「下一站」可參與野外求生或體能競技類節目。

蘇皓兒

已第二次受邀到石垣島拍攝的Chloe，一直對石垣島印象是陽光與海灘兼潛水天堂，但經過今次拍攝，Chloe發掘了當地更多自然美景，她說：「今次拍攝去啲比較偏遠嘅西表島，搭完船之後再爬獨木舟，攀山涉水尋找瀑布秘境，發現原來嗰度嘅大自然氣息可以咁重。我一直以為自己好鍾意城市嘅便利，但原來對住個海、對住座山發呆，嗰種寧靜感係更加吸引我，經過今次我對旅遊嘅定義改觀咗，原來唔一定要行程密麻麻，要學識『留白』反而仲充實。」

蘇皓兒

提到今次最難忘的拍攝，Chloe直言是此行看到人生中最靚的日落：「最難忘喺日落靚景底下玩SUP（立式划槳），橙色嘅天空映照成個海面，喺海中心平靜咁欣賞日落靚景，絕對係我睇過最靚嘅日落。」

蘇皓兒

蘇皓兒

攀山涉水唔戒口

為了以最佳狀態展示泳衣Look，Chloe表示出發前一個月已做足準備：「因為有啲鏡頭要着泳裝或者比較輕便嘅衫，所以我喺出發前一個月就加強健身，重點係要練番條腰同手臂嘅線條，以最好狀態出鏡。」雖然此行所需體能不少，但每餐亦有豐富的美食作「慰勞」，Chloe說：「當地啲嘢食真係好正，有一日仲係出海釣魚，然後夜晚就試返自己釣嘅魚，超級新鮮好食。我相信攀山涉水嘅拍攝schedule係可以抵銷脂肪，所以我冇乜戒口，哈哈哈！」

蘇皓兒

蘇皓兒

對於近年多參與綜藝節目一事，Chloe認為參與綜藝節目例如踢足球或旅遊，令她發現自己原來很享受那種即興反應，工作之餘又可以享受樂趣：「我想嘗試嘅嘢有好多，特別想試吓野外求生或體能競技類嘅節目，可能因為我骨子𥚃都係一個幾硬頸、幾鍾意挑戰自己極限嘅人。」

蘇皓兒

蘇皓兒