《別在蒙古矇查查》蘇皓兒陳葦璇赴蒙古國落機即遺失行李 遇當地小男孩挑戰鬥踩電動滑板車

ViuTV全新節目《別在蒙古矇查查》由3月8日起，逢星期日晚上8時正播出。節目主持蘇皓兒（Chloe So）、陳葦璇（Kira）將會透過在蒙古國觀賞⾃然美景，以及體驗當地生活，帶觀眾認識蒙古國的真實⾯貌，消除外界對它的刻板印象，如認為蒙古國只有荒涼沙漠、居民的生活落後及性格孤僻等等。

蘇皓兒(左)、陳葦璇擔任節目主持

二人一落機即遺失行李

二人到機場的失物認領處拿報失紙

之後二人來到蘇赫巴托廣場

陳葦璇試玩共享電動滑板車

蘇皓兒試玩共享電動滑板車

第一集內容講述Chloe So坦言雖然與Kira認識了10年，不過除了曾經以女團成員身份一起到韓國受訓外，二人從未相約過出埠，所以Chloe對於今次的旅程也有所期待。沒想到她們剛抵達蒙古國就馬上迎來「驚喜」，行程首站竟是前往機場的失物認領處，Kira就解釋指：「其他乘客都走晒，剩返我地等唔到行李，咁我地啱啱整咗張報失紙，職員就話我地嘅行李要聽朝10點半先會由機場寄去酒店。」Kira又透露今次是她人生中第一次遇到遺失行李的情況，Chloe聞後回應：「呢個都係我人生第一次，估唔到我地旅程嘅開頭係咁悲哀！」

當地小男孩一直尾隨陳葦璇

小男孩更提出要和她們比賽

陳葦璇

蘇皓兒

二人接受了小男孩的邀請

二人與小男孩鬥踩電動滑板車

二人與小男孩合照

之後二人來到蒙古國首都烏蘭巴托市中心的蘇赫巴托廣場，融入當地人試玩共享電動滑板車，期間當地一位小男孩一直尾隨Kira，更向她「挑機」，提出要和她們比賽，鬥快踩到廣場的另一端。小男孩又與Chloe和Kira打賭，表示如果他贏了，二人就要請他喝一支水；相反如果他輸了，他就會租一輛四輪家庭單車給她們，因為小男孩的家人正正就是單車店的檔主。Chloe和Kira最終接受了小男孩的邀請，但Chloe似乎打定輸數，笑說：「我地買定支水畀佢好唔好啊？」

蘇皓兒（Chloe）早前接受日本沖繩石垣島觀光旅遊局邀請，到當地拍攝宣傳短片，期間攞正牌以泳裝上陣，大晒fit爆身型，亦放下「女神」形象，攀山涉水玩盡島上戶外活動及飽嘗美食，難怪Chloe對今次四日三夜行程大呼難忘，更期望「下一站」可參與野外求生或體能競技類節目。

蘇皓兒

已第二次受邀到石垣島拍攝的Chloe，一直對石垣島印象是陽光與海灘兼潛水天堂，但經過今次拍攝，Chloe發掘了當地更多自然美景，她說：「今次拍攝去啲比較偏遠嘅西表島，搭完船之後再爬獨木舟，攀山涉水尋找瀑布秘境，發現原來嗰度嘅大自然氣息可以咁重。我一直以為自己好鍾意城市嘅便利，但原來對住個海、對住座山發呆，嗰種寧靜感係更加吸引我，經過今次我對旅遊嘅定義改觀咗，原來唔一定要行程密麻麻，要學識『留白』反而仲充實。」

蘇皓兒

提到今次最難忘的拍攝，Chloe直言是此行看到人生中最靚的日落：「最難忘喺日落靚景底下玩SUP（立式划槳），橙色嘅天空映照成個海面，喺海中心平靜咁欣賞日落靚景，絕對係我睇過最靚嘅日落。」

蘇皓兒

蘇皓兒

攀山涉水唔戒口

為了以最佳狀態展示泳衣Look，Chloe表示出發前一個月已做足準備：「因為有啲鏡頭要着泳裝或者比較輕便嘅衫，所以我喺出發前一個月就加強健身，重點係要練番條腰同手臂嘅線條，以最好狀態出鏡。」雖然此行所需體能不少，但每餐亦有豐富的美食作「慰勞」，Chloe說：「當地啲嘢食真係好正，有一日仲係出海釣魚，然後夜晚就試返自己釣嘅魚，超級新鮮好食。我相信攀山涉水嘅拍攝schedule係可以抵銷脂肪，所以我冇乜戒口，哈哈哈！」

蘇皓兒

蘇皓兒

對於近年多參與綜藝節目一事，Chloe認為參與綜藝節目例如踢足球或旅遊，令她發現自己原來很享受那種即興反應，工作之餘又可以享受樂趣：「我想嘗試嘅嘢有好多，特別想試吓野外求生或體能競技類嘅節目，可能因為我骨子𥚃都係一個幾硬頸、幾鍾意挑戰自己極限嘅人。」

蘇皓兒

蘇皓兒