香港取景打造真實戀人縮影 RIIANA新歌MV拍足12小時

比高娛樂首位女歌手、全唱作新人RIIANA 今日(10月3日) 推出全新歌曲《Don't Wanna Fall In Love Again》，新歌描述熱戀後的冷卻與分歧，即使回憶美好，女主亦不願再投入新戀情，反映都市中愛情的真實掙扎與無奈。MV全程於香港夜景街頭拍攝，以霓虹燈、繁忙街景呈現都市愛情的冷暖變化，講述兩位主角在髮廊相遇至熱戀、爭吵與冷戰的情感轉折細膩展示戀人間的複雜關係。RIIANA憑自身經歷投入情緒，拍出最貼近真實的都市愛情故事。

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

MV全港夜景取景 呈現冷暖交錯的愛情片段

歌曲MV以城市愛情故事為藍本，全程於香港取景拍攝。畫面中鋪展出香港街頭的夜景，大樓燈火輝煌，車流川流不息，營造出獨特的都會情感氛圍。MV開場以髮廊作為兩位主角相遇的場景，RIIANA與男主角（髮型師）於此邂逅，隨後畫面穿插兩人熱戀時光、溫馨甜蜜的親密瞬間，以及爭吵冷戰和無言沉默的矛盾衝突。

導演巧妙運用香港街頭夜色的霓虹燈光和繁忙街景作為映襯，讓整體視覺與情感轉折更添層次。影片中亦展示兩人在街頭一同買雪糕的溫馨片段，喚起RIIANA兒時放學後拿著零用錢買甜食的童年回憶。這些細節為MV增添真實生活氣息與情感厚重。

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

初見男角即席演激烈分手戲   靠出拳打對方培養默契

今次MV全程以夜景街外景為主，從黃昏一直拍到翌日清晨，RIIANA分享拍攝趣事時笑言，與男主角初次見面不足十多分鐘，就要投入最激烈的爭吵分手場口。由於場面需要真實感，導演要求爭執戲加入出拳揼男主角個心口的動作，她不慎用力過猛，發出巨響，所幸對方專業投入，繼續完成演出。她笑言這一幕成為難忘插曲，也為整個拍攝增添默契。

深情對望、親密攬腰、頭貼頭  RIIANA：「近到好尷尬，面都紅哂。」

後來拍攝熱戀期的親密場景中，多個鏡頭捕捉RIIANA與男主角深情對望、親密攬腰、頭貼頭，畫面令人感受到戀人間真摯的情感牽絆，特別是在街頭夜景燈光映襯下，更具畫面感，呈現都市愛情故事。相比之下，熱戀期的親密戲份反而更富挑戰性，因為需要較多親密接觸，雙方曾感到尷尬，不過兩人愈拍愈熟的情況下自然流露拍出導演要求。RIIANA坦言：「近到好尷尬，面都紅哂！但又歌曲本身要交代由甜蜜到冷淡的轉變，幸好拍攝順序是先爭吵後熱戀，慢慢培養了默契，成品才會真實。」

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

《Don't Wanna Fall In Love Again》MV花絮照

重返士多店拍攝  觸動兒時回憶

拍攝過程中，一場在舊式士多買雪糕的戲份，勾起她兒時放學去買零食的回憶。MV劇情全靠內心戲表演推進，RIIANA憑直覺即場演繹爭吵台詞，甚至聯想到過往自身的爭執經歷。她直言這種創作方式令作品更真實貼地:「好似將自己投射返以前嘅感覺之中」。

新作不單是對愛情的寫實觀察，也是一段屬於RIIANA的心靈探索。歌曲與MV現已全面上架，等待樂迷一同重拾屬於自己的愛情回憶。

比高娛樂首位女歌手、全唱作新人RIIANA日前推出首支派台歌《I’M SORRY》MV，由構思到妝服而至場景設計均出自她的手，瞓身製作最愛的怪美復古風格：「冇諗過自己可以做到咁多嘢，雖然中間有好多挑戰，但係好有成功感！」

比高娛樂首位女歌手、全唱作新人RIIANA

比高娛樂首位女歌手、全唱作新人RIIANA

比高娛樂首位女歌手、全唱作新人RIIANA

比高娛樂首位女歌手、全唱作新人RIIANA

比高娛樂首位女歌手、全唱作新人RIIANA

RIIANA表示當初錄製《I’M SORRY》的時候，腦海已經有MV的畫面：「搞怪、可愛又俏皮嘅，節奏要好快，成個畫面要繽紛同豐富，MV嘅情節都喺晒個腦入面，咩機位、咩調色，基本上我已經有晒構思。」她透露早已收集好所有參考資料：「導演好好，好有耐性同我講邊啲得、邊啲唔得，例如咩場景襯邊套衫、有咩道具、做咩動作都要有晒計劃，成個籌備到完成拍攝，足足用咗四個月。」

首支派台歌《I’M SORRY》

首支派台歌《I’M SORRY》

首支派台歌《I’M SORRY》

首支派台歌《I’M SORRY》

首支派台歌《I’M SORRY》

MV描述RIIANA悶悶不樂，「藍色熊仔」為了氹她開心，花盡心思送花、送蛋糕、送糖果，但仍然未有令女孩笑起來：「呢個係我真實嘅經歷，好唔開心嗰陣，身邊都有好多人為我打氣、想我振作，不過有時就係笑唔出。」除了RIIANA外，MV另一位主角是「藍色熊仔」，她笑指實物比自己想像大很多：「同間廠溝通咗好耐，睇相嗰陣都覺得同預期有出入，但係唔夠時間啦，唯有照整咗先。去到現場先知道咁大隻，好驚喜，因為佢唔係『熊仔』而係怪獸，哈！不過呢隻怪獸同個MV好夾，我都係喺現場加啲details位畀佢，係好即興但係又好好玩嘅過程。」

一手包辦曲詞唱作

一手包辦曲詞唱作

一手包辦曲詞唱作

一手包辦曲詞唱作

一手包辦曲詞唱作

她特別感激化妝師全方位支持，兩人更成為好朋友：「所有服裝、化妝都係拍攝前一日先準備好晒，我自己亦都有要求，搵咗好耐先搵到兩套啱嘅VINTAGE衫，好彩有化妝師KK一直幫我準備。佢要長途跋涉去到拍攝場地，我哋兩個人喺屋企係咁襯衫、試妝、整頭，佢仲好細心幫我記低所有配搭，連最後執嘢都係佢幫我，我仲記得拍MV之前嗰晚，我哋淨係瞓咗兩個鐘，真係好多謝佢。」RIIANA笑謂拍攝當日，每每等轉景及打燈，都不禁睡着：「導演會大聲嗌我個名，『RIIANA，精神啲！』諗返都好搞笑。」　

首嘗MV策劃兼監製崗位

首嘗MV策劃兼監製崗位

首嘗MV策劃兼監製崗位

首嘗MV策劃兼監製崗位

首嘗MV策劃兼監製崗位

首嘗MV策劃兼監製崗位

試過為自己擔任MV策劃兼監製後，RIIANA直言上癮：「係有好多挑戰，不過見到成品，真係好有滿足感！希望之後可以再喺拍攝上參與更多，經過今次，我覺得自己發掘咗啲潛能出嚟，雖然未係做得好好，但係我好有興趣。」這次的經歷，讓她更期待製作「全自家作品」：「之前做訪問，大家都問我有咩目標，當時我話想做個人音樂會，而家我會想，製作一張完全由我自己包辦曲詞、統籌兼監製MV的專輯，可能有8、9、10首歌或以上，所有嘢都係我鍾意嘅風格，大家就可以透過呢張專輯去認識真正嘅我。」