你嘗試過絕望嗎？你感受過人生終極谷底的時候嗎？
想必每一位讀者都有經歷過他們的低潮，無論在工作、家庭、愛情、人生等，每每都可能發生一些事與願違的情況。當你們遇著這些挫折，你們會做什麼呢？
近日看見新聞，有位南亞裔少女，因為剛與男朋友分手，危坐在天台，繼而因失足，跳樓失救；又有一位少女，因不堪與男友分手，而跳海自殺。
當你們看完這些新聞，你們有何感想呢？當我看見這些少女們，因為愛情而自殺，我覺得很痛心及惋惜。在這個花樣年華的年紀，其實應該是最無憂慮的，愛情只是你生命中的一部分，而這個放棄你的男人，更加是你生命中的一個過客而已，為何要那麼執著，一定要用死亡去解決問題呢？你死掉了，他們又會回心轉意嗎？ 就算他們後悔了，但可惜你已經不在了。
我，黃毅力當然也不是聖人，遇到失敗或挫折的時候，我都會有失意之時；但是，我是一隻打不死的小強，縱然是失敗了，我也會將這個失敗，化做我的原動力，希望在下一次遇到同樣事情，都可以自我警剔。
有一句俗語：「窮途未必是末路 絕境也可以逢生」，希望各位讀者，珍惜生命，活在當下。其實當你遇到解決不了的事情，嘗試退後一步用第三者角度看看，事情或許有轉機呢？
黃毅力
黃毅力
** 博客文章文責自負,不代表本公司立場 **
有老友睇完我上篇文章《蓮花黃金甲》後就問我，香港咁好，點解走去澳門開車行呀？呢個世界真係人睇你好，你睇人好。現實係，本地賣車行業，特別係近呢一兩年，認真唔好。
我的主業唔係寫稿，係做生意人，係機會主義者，見睇到邊度可以「發圍」、有錢賺，就去邊度。我覺得香港個市好靜，相反澳門市場好旺，就去澳門搏殺啦。
老友又追問，香港賣車生意真係咁差咩？他有所不知，汽車在歐美，係必需品，在香港，則屬於奢侈品。買車等如對未來幾年的承諾，在香港買車的人，係覺得未來幾年的前景會好，才有信心買車。覺得前景麻麻，未來收入唔穩定，不會買車。打從舊年開始，買車的人窒晒步，顯示港人對香港經濟前景漸漸失去信心。
大家從我山長水遠跑去澳門開車行，睇好澳門，睇淡香港，已經可以得出幾個啟示。
澳門蚊咁大隻，人口50萬都唔夠，除了賭同旅遊之外，其他乜都無。點解澳門會跑贏香港呢？據我的粗淺觀察。第一、香港政客乜都拗，好多發展都給被拖慢了。好似西九龍填海區、啟德舊機場，十多年來，都係爛地一塊。澳門話搞就搞，樣樣都發展得好快。
第二、香港社會，尤其係新聞，有事無事都鬧得好勁。有人講到香港的新聞自由好差，甚至話而家新聞自由係回歸之後，受到最大的威脅。但我見到的現狀係，報紙鬧得比回歸前多好多，比以前兇猛好多，回歸前唔敢鬧港英政府的人，而家膽壯晒撲晒出來，點解反而話現時的新聞自由比以前少呢？唔明。
第三、澳門人覺得回歸後的狀況，比以前好得多。而唔少港人則講到現在的制度，比起殖民地的時候更差。不時擰住支龍獅旗，搖旗吶喊，甚至有些儍瓜離譜到，高喊英國應該收番香港管治權。香港回歸之後，制度真係差過殖民地時代咁多咩？
我覺得，只要睇真啲，其實唔係咁。只係港人唱得太多，情況就愈壞。我做銷售咁多年，非常清楚，凡事讚三讚，唔好都變好，鬧幾鬧，好都變唔好。香港人依家猛鬧自己，愈鬧愈多，愈鬧愈勁，鬧得多自己就信，香港仲唔衰到貼地？大家覺得前景好差，要賣屋、要移民，車就梗係唔買啦，最好係乜都唔好做。再咁落去，香港終有一日被唱死。
黃毅力
