Theresa傅寶誼相隔九年再搞FM 粉絲帶珍藏撐場

相隔九年，Theresa傅寶誼（前名：傅穎）終於返香港跟粉絲見面！昨日（10月26日）這位「童年女神」於香港舉行粉絲見面會，一開便連開兩場，全場爆滿。

Theresa終於返香港跟粉絲見面！

Theresa坦言今次本來沒有計劃搞FM，只是回港工作，不過在朋友慫恿下「的起心肝」，而且更有意外驚喜：「諗住得十零廿個fans嚟啦，點知大家咁熱情，最後要分上下兩場。」今次除了香港fans，更有三位星加坡及兩位馬來西亞粉絲專登搭飛機來撐場，而且是即日來回，認真die hard！除此之外，更有跟隨她多年的粉絲帶埋三歲囡囡來參加聚會。

全場爆滿！

見面會一開始，Theresa便跟每位粉絲合照，之後回答網上收集粉絲的問題。粉絲的問題「五花百門」，由近況到未來工作計劃、Cookie會否合體、旅遊見聞、養貓心得、曾經經歷的鬼故、開心事、直播背後，到心態分享、人生觀、愛情觀、生死觀及佛偈等。雖然「問題多多」，但Theresa都一一詳細解答。

講到近況，Theresa爆seed：「本人比你哋最初認識我嘅時候重咗10kg！」台下粉絲即刻嗌「真係睇唔出」，氹得Theresa笑逐顏開。隨後Theresa分享人生哲理：「該遊戲嘅時候遊戲，該工作嘅時候工作。」她指香港人終日一股腦去沖，但其實生活有很多種方法，「每個人時間表都唔一樣，唔需要隨波逐流，要有自己嘅節奏。」至於愛情觀，Theresa更加玄妙：「所有感情都係緣起緣滅，緣聚緣散。對於身邊嘅人唔需要太過執著，分分合合係世間常態。」台下粉絲聽到不停點頭。

今次粉絲帶齊歷年珍藏，包括CD、寫真集、小卡跟舊合照，還有粉絲拿出多年前的生日卡，搞到Theresa不停話「好感動」。期間Theresa唱了幾句即將推出嘅廣東歌，又跟男粉絲合唱，令現場氣氛更加熱烈。至於Cookies合體問題，Theresa保持開放態度：「呢個世界係冇絕對，我唔可以話一定會或者一定唔會，凡事有兩面。」至於點樣面對網上負評，佢就話：「最緊要自己個心唔動，其實係冇人可以傷害到我哋。」

有粉絲帶齊歷年珍藏，包括CD、寫真集、小卡跟舊合照。

Theresa又謂做直播之後令自己改變了不少：「大家可能發現我比較talkative咗，其實我以前唔係好講嘢。」又笑言習慣了沒有人給反應的時候自己都可以說很多話，「其實有少少解放天性，因為以前唔係好想表達自己，或者我唔識表達自己，而家多咗方式去表達自己，係成長嘅一部份。」她又指直播令自己更加貼地，現在更加懂得站在別人立場去想。最後，Theresa為每位粉絲於合照上簽名，又逐一selfie，寵粉到極。

41歲前Cookies成員傅穎（Theresa，現改名傅寶誼）近日捲入「冇朋友」爭議。早前有鄧麗欣（Stephy）的好友留言挑釁，指她「天生唔識同人社交又高敏」，更叫她「唔好成日話欺凌你啦」，認為冇朋友亦應該學習與人溝通。

Theresa近日捲入「冇朋友」爭議

鄧麗欣其後出席活動時澄清，留言並不代表自己立場，同時亦代朋友向所有受事件影響的人致歉。不過，Theresa日前就在抖音上載一段短片，以「攻擊力強的人可以忽略這條片」為題，大談自己對社交及人際關係嘅睇法。雖然全片冇點名任何人，但內容就被網民解讀為疑似回應近日嘅「冇朋友」論，當中不少說法都相當有骨。

Theresa先從心理學角度分析成年人嘅社交模式，指人與人之間其實存在一種「邊界博弈」。她表示，較擅長處理人際關係嘅人，通常具備爭取話語權嘅能力，以及一定程度嘅攻擊性；相反，性格溫和、攻擊力較弱嘅人，就未必適合呢套遊戲規則。

Theresa先從心理學角度分析成年人嘅社交模式

她形容：「性格溫和、攻擊力弱嘅人，就好似一個攞住木劍上戰場嘅士兵一樣，唔係你唔夠努力，而係呢個遊戲規則本身就唔係好適合你。」

Theresa又提到「高敏」體質，認為攻擊力較弱嘅人往往對周圍情緒更加敏感，容易察覺其他人細微嘅情緒變化、客套背後嘅疏離，甚至係隱藏嘅敵意。對佢而言，即使睇得出呢啲微妙氣氛，都未必代表一定要出手反擊。

她認為，如果勉強自己融入複雜圈子，反而可能不停吸收其他人嘅負面情緒，最終造成精神內耗。她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

對於「冇朋友」呢個說法，Theresa亦似乎有自己一套答案。她強調：「減少社交絕對不代表孤僻封閉」，而係主動進行「社交斷捨離」，篩選真正真誠、簡單、冇太多拉扯嘅關係，同時遠離充滿是非、會消耗自己嘅圈子。

她建議，主動進行「社交斷捨離」，篩選真正真誠、簡單、冇太多拉扯嘅關係

她更直言，自己嘅優勢可能並唔係人際交際，而係深度認知、獨立思考以及安靜創造，因此冇必要逼自己變成另一種人：「你既學唔識人哋好假好圓滑，亦可能冇咗你本身自帶嗰種真誠，當然過份真誠亦都唔係一件好事。」

她直言：「你既學唔識人哋好假好圓滑。」

講到最後，Theresa更加語重心長：「除非對方相伴時比你獨處更加舒心，如果說唔係唔需要勉強相聚，將你慳返落嚟嘅心力收返自己身上。」

她又指，複雜人際關係表面上可能睇落好風光，但背後亦可能伴隨更多是非及反噬，因此「唔需要勉強去入局，唔需要逼自己去參予嗰啲拉扯」，最後更以一句「你條命都好矜貴」作結，態度相當鮮明。

其實Theresa過往亦曾公開談及自己與Cookies隊友之間嘅恩怨。她早前重提Cookies變成「四餅」後嘅經歷，憶述當年一上車，隊友就陷入「靜音冷暴力」，令她一度每日返屋企以淚洗面。

而楊愛瑾（Miki）2013年接受電台訪問時亦曾談及事件，坦言當年「大家真係好細路女」，並指自己等人當時難以接受Theresa嘅處女座完美主義及說話方式，事件甚至要驚動高層出面調停。

不過十多年過去，昔日恩怨亦已經逐漸淡化。Theresa 40歲生日時曾在社交平台晒出與Miki嘅合照，更加上心心符號，足見兩人早已放低過去，關係亦由昔日嘅芥蒂走向破冰。