陳健安明年1.10西九舉行「時的狀態演唱會」 踢走EMO變E人掌控觀眾時間 尋找新伊甸園

唱作歌手陳健安宣布好消息，由寰亞娛樂主辦，將於明年1月10日晚，假西九文化區竹翠公園，舉行「陳健安時的狀態演唱會2026」。他將化身「時間領袖」，讓觀眾忘記身份、年齡和所有煩惱，投入他的音樂探索宇宙，尋找新伊甸園。這是安仔首次舉行個人戶外演唱會，笑言會變成「E人」，讓觀眾盡興。門票分為港幣$1080、$780和$580，11月3日東亞銀行信用卡獨家優先訂票。

陳健安明年1月10日於西九舉行「時的狀態演唱會」。

陳健安明年1月10日於西九舉行「時的狀態演唱會」。

今次演唱會創意總監是安仔合作無間的Oscar，他們一同構思演唱會的主題和概念，海報設計Sunny也是安仔老拍檔，而攝影師阿正是新伙伴。安仔穿上大地色的西裝，在舖了沙粒的「沙漏」場景拍攝演唱會海報，意寓他就是「沙漏」裏的「沙」，亦即是「時間」。安仔說：「今次演唱會叫『時的狀態』，我會喺演唱會中控制大家嘅時間。大家忘記晒所有嘢，跟住我嘅節奏、我嘅音樂，忘記各自嘅身份，唔係老闆、唔係員工、唔係媽咪、唔係男朋友、唔係女朋友⋯⋯乜都唔係，全部都係我嘅族人。一齊嚟到我嘅party，放低所有時間、年齡，等我帶領大家一齊享受整個音樂旅程。」

陳健安「時的狀態演唱會」演唱會海報

去年2月安仔在麥花臣場館舉行首次個人演唱會，今年轉戰戶外演出，他非常期待與觀眾享受由黃昏到日落的音樂世界。「我好開心，之前C AllStar 喺呢個場開過演唱會，感覺好正，可以望住個天，由日光睇住日落唱到天黑，同大自然緊扣，我自己好鍾意睇festival（音樂節）。我都想今次演唱會似festival ，好繽紛，有好多互動環節。做outdoor嘅騷，我個人都會outgoing啲，會『E』啲！」

「尋找新伊甸園」是安仔今年音樂企劃的主題概念，他說：「一個末世，隕石撞落地球，我哋一齊去搵呢個新嘅伊甸園。希望大家入到我嘅演唱會，會有一個咁嘅感覺，好似去咗一個新嘅世界，去explore（探索）自己、呢個世界或者我。喺呢兩個小時裏忘記所有嘢，隨着我嘅音樂去引領大家向前進。」

踢走EMO！

變E人掌控觀眾時間！

東亞銀行信用卡獨家優先訂票
優先購票日期：2025年11月3日（上午10時）至11月5日（晚上11時59分）
優先購票渠道：www.hotdogtix.com 或 HotdogTIX手機
應用程式
**東亞銀行信用卡持卡人請先登記成為HotdogTIX會員，以享優先訂票。

演唱會詳情
陳健安【時的狀態】演唱會2026
日期：2026年1月10日
時間：7:30PM
地點： 安盛竹翠公園，西九文化區
票價：HK $1080／$780／$580
主辦機構：寰亞娛樂／東亞娛樂

唱作歌手陳健安紀念逝世20年的爸爸創作歌曲《梨子》，早前在個人演唱會上首唱，真摯演繹，感動全場。MV日前上架，以動畫配手寫歌詞字幕，片尾一段陳爸爸溫柔地氹小朋友的聲音：「汽水、雪糕，好嘢，拎晒出嚟」更是觸動人心。為找出這段聲音，陳家總動員翻箱倒籠，究竟陳爸爸當年跟誰說話？安仔揭盅：「係家姐大女，爸爸嘅外孫女！」

陳健安紀念逝世20年的爸爸創作歌曲《梨子》，早前在個人演唱會上首唱。

《梨子》MV日前上架。

安仔說：「好記得爸爸鍾意批梨皮一條過唔斷，攞畀我哋睇，呢啲生活情趣。其實我有啲價值觀、行為、生活習慣都來自爸爸，希望可以用『梨子』做引子，分享我傳承自爸爸嘅嘢。」MV以動畫代替真人拍攝，他說：「我唔想太煽情，不如用Animation（動畫）表達。邀請咗DJ阿檸（薛晉寧）畫，佢擅長用木顏色，好靚。而因為歌詞好夠力量，希望焦點放喺文字上，用手寫歌詞，有手寫嘅溫度，我好喜歡！」

MV圖片

MV圖片

MV圖片

《梨子》由安仔作曲，創作旋律時未有題材，但Demo名和內容已有「平平凡凡」元素，去年決定寫爸爸就邀請許弘毅填詞，這是二人首度合作，他聽了安仔分享爸爸生活點滴後寫了《梨子》。安仔說：「佢寫出我講嘅所有故事，當中有爸爸生活哲學，好感動。歌詞看似簡單，但再消化吓就有幾個層次，尤其是Verse（主歌）部份每句七個字，有poetic（詩意）感覺。」

編曲由安仔老best賴映彤（小彤）操刀，並與安仔聯手監製，她說：「大家留意編曲上有遞進嘅感覺，尤其是同陳健安做歌特別著重氛圍。」安仔向小彤發出「3個P」要求：poetic（詩意）、piano（鋼琴）、post rock （後搖滾），及加入仿黑膠碟「炒豆聲」（Vinyl）增添復古感覺。

編曲由安仔老best賴映彤操刀。

至於爸爸的聲音，安仔說：「首歌差唔多做完嘅時候，我諗不如加啲爸爸以前嘅聲，就喺屋企群組問，原來家姐以前用DC（數碼相機）拍片再燒成碟收晒喺牀下底，佢摷晒出嚟逐隻睇，再記低幾分幾秒有爸爸把聲，我即晚去家姐屋企攞晒啲碟返嚟再揀。我諗爸爸估唔到自己把聲全世界都聽到，佢好鍾意威，依家好威！」

MV圖片

「嗰段聲係2002年，當時家姐拍緊自己個女，爸爸氹緊佢外孫女。」因為找爸爸的聲音，家族多了一個有趣的親子活動：睇舊碟。安仔說：「家姐嘅大女未睇過自己細個嘅片，細女更加未見過姐姐細個，原來咁得意。一家人睇片好開心，變咗親子活動。我家姐都有拍我中學參加歌唱比賽嘅片，將來可同大家慢慢分享。」

觀看相關影片按連結：https://youtu.be/h6P0rY0go_E

安仔在2023年專輯《Life afteR Life》收錄了媽媽噓寒問暖的WhatsApp 口訊，今次在新歌《梨子》MV尾段加入爸爸的聲音，問安仔未來可繼續為其他家人創作，製成家族系列？他笑說：「可能要出三隻碟，我有六兄弟姊妹，仲有外甥女、侄仔，十幾廿個人，都幾大家族，其實家姐阿哥都好鍾意唱歌，等我諗吓先！」

安仔與媽媽

安仔與媽媽

安仔透露：「我爸爸性格幾唔聽人講嘢、幾任性，我都係。（爸爸係咪浪漫派？）從媽媽口中『你阿爸以前好靚仔』，講嗰時個樣係沾沾自喜。爸爸口甜舌滑，好識氹人，多才多藝，識打功夫、踢波、寫毛筆字好靚，每年都會寫揮春。」他更爆料小時候有一次畫畫功課，爸爸技癢在其水彩畫「海洋世界」用毛筆畫了一隻水墨蝦，非常搞笑。

陳健安