COLLAR成員Candy與Winka偕同為食妹隆重登場 現場獻唱與粉絲預祝聖誕送上應節禮物

今個聖誕，置富Malls聯同本地人氣品牌Plastic Thing呈獻「MERRY EAT~MAS為食聖誕」，迎接一年一度浪漫佳節！為隆重其事，置富Malls邀得本地人氣女團成員Candy@COLLAR 及 Winka@COLLAR來到馬鞍山廣場，聯同主角為食妹Fatty出席活動，與粉絲一同預祝聖誕，並親手為遊戲勝出者送上應節禮物。

「置富Malls x Plastic Thing MERRY EAT~MAS為食聖誕」揭幕禮

人氣女團成員Candy@COLLAR 及 Winka@COLLAR來到馬鞍山廣場出席活動

人氣女團成員Candy@COLLAR 及 Winka@COLLAR來到馬鞍山廣場出席活動

人氣女團成員Candy@COLLAR 及 Winka@COLLAR來到馬鞍山廣場出席活動

人氣女團成員Candy@COLLAR 及 Winka@COLLAR來到馬鞍山廣場出席活動

兩位女團人氣成員大談最愛的Plastic Thing角色，Candy：「我最鍾意為食妹Fatty。我哋要成日控制自己嘅身形體態，想盡情勁食幾乎無可能。」Winka：「我鍾意麵團生物Puffy，因為佢形象百變。做artist嘅都希望可以好似麵團生物咁，咩造型都敢試，咩造型都可以carry到。」

Winka與Candy分別為粉絲現場獻唱《Last Christmas》與《Never-never Land》，以歌聲發放聖誕浪漫氣氛。二人表演後更為遊戲活動擔任評審，親手將應節禮物送予勝出粉絲之餘，更隔空向現場觀眾大派心心，祝福大家聖誕節甜甜蜜蜜。

與粉絲一同預祝聖誕

與粉絲一同預祝聖誕

Candy@COLLAR

Winka@COLLAR

Winka@COLLAR、Candy@COLLAR

Winka@COLLAR

Candy@COLLAR

對於聖誕安排，二人不約而同希望與COLLAR姊妹們大開聖誕派對：「聖誕節最緊要熱鬧同埋同最愛既人過！所以成班成員一齊開party就最適合，仲可以搞大食會，同今日活動個主題一樣『MERRY EAT~MAS』，真係諗起都興奮同期待！」

Winka與Candy於為食妹Fatty的帶領下參觀馬鞍山廣場的「為食Fatty聖誕甜蜜樂園」聖誕裝置，與頭戴聖誕帽的巨型為食妹見面，並於車厘子與士多啤梨作點綴的海綿忌廉蛋糕旋轉木馬前打卡。於馬卡龍摩天輪上的光頭仔Bald Boy與女神Luison亦吸引到兩位的注意，笑言二人今年聖誕節必定幸福快樂。

即將下月11日推出專輯《PERSONA》的樂壇女子組合COLLAR，於專輯中收錄全新7首歌曲，繼頭炮作品《淚光》登場後，年度第二首團歌《SKSKZAZA》亦於昨日（8月25日）面世。新歌《SKSKZAZA》收起《淚光》的柔和，以澎湃的曲風為主，貫徹COLLAR的跳唱風格，傳遞着「微小但強大」的信念，而MV除了到日本富士山附近取景外，更大玩古靈精怪與荒誕玩味，展現COLLAR獨有的瀟灑本色。

COLLAR推出今年第二首團歌《SKSKZAZA》。

觀看相關影片按連結：https://youtu.be/XeK9gvVb-uE

Marf首次為團歌作曲

《SKSKZAZA》由T-Ma監製、JONO編曲、王樂儀填詞、Wilma Virintie與 JONO、musicbyAP及marife作曲，歌曲看似古靈精怪，但內裡卻傳遞着「微小但強大」的正面訊息，難怪COLLAR成員Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及Sumling李芯駖大讚歌曲具有深層意思，當中有份參與作曲的Marf表示：「其實呢首歌嘅意思係超級正，我係好鍾意，佢帶出嘅意思，係也許呢個世界好似有好多無力感，但其實我哋做嘅所有嘢都會有用、都會起緊作用，只係時間問題，別放棄。」

而Gao與Winka就認為歌曲是COLLAR一貫作風，趣怪得來，又保持勇氣，Winka指：「對我嚟講呢首歌等於瀟灑！歌詞入面有一句『食麵加果醬』我覺得幾有趣，俗世會覺得食麵加果醬係好奇怪嘅事，但係我鍾意食麵加果醬，唔需要作任何交代。」

歌曲《SKSKZAZA》由外籍排舞導師編舞，舞姿別具特色，然而COLLAR透露，在《PERSONA》中，除了《SKSKZAZA》要跳舞外，還有另外兩首歌曲都要排舞，當中Candy說：「我哋用咗兩星期左右，就排晒三首歌嘅舞，我覺得呢幾首歌都有唔同嘅難度，不過講到最難嘅一首團歌，我反而覺得係《Trouble Trouble》，冇live完整表演過呢段舞，所以如果而家叫我跳，我諗我都唔記得點跳，但我係好鍾意呢首歌嘅舞，因為排舞師加咗好多可愛嘅動作落去，令成隻舞更加鬼馬同有趣。」

斜坡拍攝顯難度

專輯《PERSONA》中的多首新歌MV，均由蕃茄作題引及貫穿，而繼《淚光》有蕃茄出現後，《SKSKZAZA》亦有蕃茄鏡頭，令不少樂迷討論，究竟蕃茄背後帶出甚麼訊息，相信有待揭曉。不過，提到蕃茄，Day透露為拍攝今次MV，差點被蕃茄「考起」，她指：「有一幕我同Marf、Gao、Ivy要喺斜坡草地度跳，然後工作人員就掟啲蕃茄落嚟，我哋不斷跳，但個斜坡係好斜，又驚踩到啲蕃茄會跌親。」至於Sumling表示，今次拍攝最難忘，莫過於在草地上拍攝的時候，被蚊子叮咬後，兩個星期仍然十分痕癢。

過往COLLAR曾為歌曲《idc》到日本拍MV，再次重臨日本拍攝，未知感覺可有不同？COLLAR指今次雖然要在3日的行程拍攝5個MV，但比上次舒服，而且在拍攝的最後一天，還可以齊齊到Outlet血拼，Ivy說：「今次拍攝唔使摸黑開始化妝，已經好感恩。而且拍攝地方喺溫泉區，收工後可以同其他成員一齊浸溫泉，玉帛相見，係十分有趣嘅體驗。最後喺上飛機前3個鐘，我哋整個團隊仲爭取到時間去Outlet購物！」