警方國安處拘捕一名68歲本地男子，涉嫌在網上呼籲市民在立法會選舉不投票或投白票，該男子涉嫌「作出具煽動意圖的作為」及選舉舞弊被捕，目前正被扣查。
據了解，警方調查發現被捕人近日在其個人社交平台帳戶發布帖文，以暗喻方式煽惑他人不投票或投白票。被捕人自去年7月至今，亦不斷在其社交平台發布具有煽動意圖的帖文，共約160篇，內容包括抹黑特區選舉制度，鼓吹重燃抗爭，煽動群眾推翻政權，甚至尋求外部勢力介入云云。
截至今日，警方已偵破14宗與選舉有關的刑事案件，包括刑事毀壞及盜竊等，拉咗18人，其中8人已被起訴。
其實上次立法會選舉，許智峯叫人哋投白票，跟住前中大學生會會長蘇浚鋒等4人，真係轉載之後比ICAC以「選舉舞弊及非法行為罪」拉咗、告埋同入罪。上個禮拜五ICAC就今次嘅立法會選舉又拉咗3個，消息話又係轉載一啲國安逃犯叫人杯葛投票嘅帖文。
高人話，呢班着草去到美西方的逃犯，為咗要取悅外部勢力，成日「叫人衝，自己鬆」，不斷煽動港人去做一啲破壞香港損害國家的違法行為，而最開心就係見到有傻仔附和，自己就可以在外國「主子」眼中提高身價喇。至於果啲傻仔會唔會俾人拉甚至要坐監，就「關人乜事」了。
事實上，大家只要諗吓，果啲大步檻過、仲留喺香港的手足，佢哋有冇響應或者轉載帖文，就知道呢班鍵盤戰士諗緊啲乜嘢。外部勢力一直千方百計貶損香港，抹黑香港司法制度，最新就係唱衰立法會選舉，不要以為唔關我地小市民事，這些抹黑會直接或者間接打擊香港整體競爭力，亦一定會影響生計。所以大家千祈唔好做笨人，去轉載相關內容誤墜法網，更要睇清呢班逃犯同埋外部勢力的陰謀，12月7日一定要出嚟投票，唔好俾佢哋得逞。
Ariel
** 博客文章文責自負,不代表本公司立場 **
