曾比特（Mike）轉會後首度出擊，今年第一炮派台作品《雪出個未來》上架。歌曲以面對冷言冷語、極限低溫中修練自我，破冰重生為主題。聽落好似好有深度，不過拍攝MV現場是另一回事，Mike發生的蝦碌事更慘遭現場同事無情恥笑。
曾比特推出轉會後首隻派台作品《雪出個未來》。
新歌講述受到冷言冷語、潑冷水的感受，Mike指並非經過一件大事，而是累積出來的感受，歌手除了唱得，更要練成「抗凍」體質，「有時係表達咗啲嘢但未獲得解決，或者搵唔到方向⋯⋯ 缺乏雙向溝通就會有好無助嘅感覺，呢種就係被潑冷水嘅考驗。」當中「超級痛苦 但絕對撐得住」歌詞，Mike最有共鳴，「好多時候周邊嘅資訊或者言語會令到自己陷入一個牛角尖，堅持有時非常困難同痛苦，但只要撐住就可以收穫你想要嘅嘢。」
曾比特
談到拍攝MV蝦碌事，Mike笑說其中有一幕，工作人員需要在天花板狂揈落大量紙張，「我要接住又接唔住咁，但又要表現得好灰、好唔開心、好驚訝。我就用我有限嘅演技去做，身邊嘅同事、導演睇完都瘋狂恥笑我，對於我有限嘅演技給予一個沉重嘅打擊，哈哈。」
曾比特
曾比特
觀看相關影片按連結：https://youtu.be/cYsQeAfSeZ8
「Remember記得‧鍾嘉欣演唱會」佛山站生日限定場星期六晚（4月18日）在嶺南明珠體育館圓滿舉行。鍾嘉欣 (Linda) 並非首次在佛山開騷，不過現場反應依然熱爆，全場座無虛席。作為一場別具意義的生日限定演唱會，主辦方特別設置了延伸舞台，讓Linda能與觀眾近距離互動。而全晚最大驚喜，莫過於兩位重量級嘉賓張柏芝 (Cecilia) 與曾比特 (Mike) 的登場，將現場氣氛推至高峯。
鍾嘉欣在演唱會後分享，選擇佛山作為2026年演唱會的首站，是源於她對這個地方的喜愛。她坦言：「上年第一次開演唱會就在佛山，反應好好，所以今年都揀呢個地方作起點。今次呢個場館有7千人，我第一次挑戰咁多觀眾，事前已經好期待。」她更盛讚佛山充滿人情味，生活節奏舒適，而且美食眾多，特別點名「雙皮奶真係好好食」。
為了給佛山觀眾帶來新鮮感，Linda在服裝上全面煥然一新，歌單亦新增了六首新歌，更特別加插一節勁歌熱舞環節，務求發放滿滿正能量。
鍾嘉欣與曾比特合唱夏日傾情
全晚最大驚喜，莫過於兩位重量級嘉賓張柏芝 (Cecilia) 與曾比特 (Mike) 的登場，將現場氣氛推至高峯。
談到兩位驚喜嘉賓，鍾嘉欣難掩興奮。她表示，張柏芝和曾比特都是她非常渴望合作的對象。她笑言：「曾比特，我喺社交平台睇過佢演出，佢把聲好靚，好欣賞佢。我好好奇佢把攣髮係咪真，一見到佢就想親手摸下！」而邀請到張柏芝，更是圓了她多年心願。Linda透露：「我2013年喺香港開演唱會已經邀請佢做嘉賓，不過嗰時佢檔期唔得。我一直都想再邀請佢，今年再嘗試揾佢，佢真係好Sweet，一口就答應。仲話只要佢個期得，啲工作調前調後，佢都會100%支持。我聽到佢咁講，覺得好感動同窩心。」
作為一場別具意義的生日限定演唱會，主辦方特別設置了延伸舞台，讓Linda能與觀眾近距離互動。
談到兩位驚喜嘉賓，鍾嘉欣難掩興奮。
鍾嘉欣形容，入行初期透過朋友認識張柏芝，對方在她心中一直是一位充滿愛心、樂於助人的大姐姐。「以前當我遇到難題時，我會請教佢，佢都會畀意見我。今時今日再見，呢個大姐姐嘅感覺，仲加咗一種好媽媽嘅親切。作為一個媽媽，佢係我學習對象。」
鍾嘉欣與嘉賓張柏芝溫情擁抱
「Remember記得‧鍾嘉欣演唱會」佛山站生日限定場星期六晚（4月18日）在嶺南明珠體育館圓滿舉行。
鍾嘉欣展現舞台正能量魅力
在表演環節，鍾嘉欣與張柏芝合唱了《目的地》和《任何天氣》兩首經典作品。Linda特別解釋點唱《任何天氣》的「私心」：「我希望柏芝可以唱這首歌畀我聽，因為這首歌內裡歌詞好有正能量。」而與曾比特合唱黎明金曲《夏日傾情》時，鍾嘉欣則笑言有種找回初戀的感覺，互動甜蜜。
剛於4月9日度過生日的鍾嘉欣，被問到如何慶祝時，她表示一切從簡。「生日喺香港簡簡單單咁過，好多朋友約我慶祝，但因為今次個唱關係，自己想閉關練舞同歌，唔想食咁多蛋糕，因為要Keep Fit。」為了以最佳狀態示人，她連生日蛋糕也忍口拒絕，專業精神可見一斑。
鍾嘉欣指邀請到張柏芝，圓了自己多年心願
