出道兩年仍月入不足一萬 造星季軍被視為公司「放養」團體

近年本地樂壇新人輩出，不少歌手與組合均透過選秀節目入行，單是ViuTV已捧出多隊男、女團，其中 MIRROR 及 COLLAR 資源與曝光最多，吸金力極強，多位成員更手握多個廣告代言，風光無限。

不過，近日一名 MakerVille 旗下男團成員卻在社交平台自爆「月入唔過萬」，瞬間掀起網民熱議。

事緣有網民於Threads發文詢問：「1997年香港出世嘅大家，宜家去向如何？」希望了解同齡人的生活狀況。沒想到，男團 ROVER 的28歲成員陳鎮亨（亨仔）竟親自留言回覆：「月入唔過萬。」短短五個字，隨即引爆討論。

亨仔親自留言回覆：「月入唔過萬。」

亨仔是《全民造星V》季軍，外形健碩、唱得又彈得，識鋼琴兼結他，賽後與MakerVille簽約，與王希晉、卓金樂（Kim）、雷濠權（Jason）組成旗下首支樂隊ROVER，出道至今接近兩年。期間，團隊亦有不少曝光機會，包括參與MakerVille家族演唱會、《ViuTV生啤Family Run親子跑嘉年華》，推出歌曲及團綜《ROVER 綜藝咁樣樣》，亨仔本人亦曾客串劇集及主持節目。

亨仔是《全民造星V》季軍

賽後與MakerVille簽約，與王希晉、卓金樂（Kim）、雷濠權（Jason）組成旗下首支樂隊ROVER

團隊亦有不少曝光機會，包括參與MakerVille家族演唱會、《ViuTV生啤Family Run親子跑嘉年華》

MakerVille家族演唱會仲有機會同師兄Edan 夾

在外界眼中工作量不算少，卻自爆月入不足一萬，令不少網民大感震驚，紛紛留言追問：「入男團連底薪都冇一萬？」、「咁辛苦不如返工好過？」亦有人慨嘆ROVER與 ERROR、P1X3L 一樣，被視為公司「放養」團體，資源有限，替亨仔感到不值。

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason）特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現Band Sound的多樣魅力。

ROVER x ToNick

ROVER x 太極

ROVER x 逆流

ROVER x 野佬

這次Cover由ROVER親自策劃，Jason說：「我哋一路都好想同唔同嘅樂隊合作，想藉住《旗跡》呢首新歌，搵一啲有代表性嘅樂隊，集合唔同風格去玩。」當中逆流更是他從小聽到大的樂隊，Jason大讚他們的版本超級正，充滿逆流風格，聽得他們非常驚喜。

ROVER x 逆流

ToNick的參與亦令ROVER成員希晉格外興奮，「好多謝恆仔、晨曦、小龜，同埋啱啱飛返嚟嘅Ryan！之前團綜合作過，但當時Ryan唔喺度，今次終於齊人一齊玩呢首歌。」他更透露從ToNick身上感受到活力與能量，尤其欣賞主音恆仔的台風：「我都有偷師，睇咗佢哋之前演出嘅片段，好多謝ToNick同我哋玩！」

ROVER x ToNick

Kim則分享與野佬合作的愉快點滴：「之前佢哋有教我哋好多夾Band嘅技巧同心得，希望可以同佢哋一齊玩落去，一齊夾Band落去！」亨仔則特別鳴謝太極：「多謝前輩們嚟同我哋玩呢場充滿奇蹟嘅冒險之旅！太極肯同我哋玩《旗跡》，真係超級開心，希望有機會可以一齊再喺台上夾Band！」能夠獲前輩親自落場參與，對ROVER而言意義非凡。

ROVER x 野佬

除了Cover企劃，ROVER將於3月30日迎來首個演唱會，全企位設計讓樂迷能夠零距離感受Band Sound的震撼。距離演出尚餘不足兩星期，亨仔透露籌備工作已進入最後階段：「我哋籌備到密鑼緊鼓，差唔多搞掂晒，所有嘢都進入Rehearsal階段，加油！加碼爹！」

ROVER x 太極

Jason表示每日都努力練歌，準備不同類型的作品：「有Band嘅歌，亦有Solo、合唱嘅歌，好多唔同嘅歌準備畀大家。」Kim更透露今次演唱會的編曲心思：「我哋會玩返晒所有自己嘅歌，仲有好多唔同前輩同樂隊嘅歌，我哋重新編曲，Band sound同自己嘅歌都會有唔同編排，全部由我哋自己搞，雖然要花多啲時間，但絕對值得！」ROVER聯乘太極、ToNick、野佬及逆流的《旗跡》Cover已在YouTube推出，而3月30日ROVER在新蒲崗Portal舉行的演唱會門票亦現正公開發售。