娛圈事
國際樂壇天后Celine Dion在58歲生日當天，宣布將於今年9月及10月重返舞台，在巴黎舉行十場演唱會。
Celine Dion在58歲生日當天，宣布將於今年9月及10月重返舞台，在巴黎舉行十場演唱會。AP資料圖片
她形容這是生命中最好的禮物，並激動表示自己已做好充分準備，目前狀態很好，身體不錯，甚至已經可以唱歌和跳舞，又坦言非常興奮，亦有點緊張，急不及待想再次見到大家。
Celine Dion 表示自己已做好充分準備，目前狀態很好，身體不錯。AP資料圖片
Celine Dion於2022年透露患上罕見的神經系統疾病「僵硬人症候羣」，嚴重的肌肉痙攣曾令她無法唱歌，被迫取消巡迴演唱會並暫停演藝事業，直至前年巴黎奧運開幕式才再次公開獻唱。
林日曦早前推出《林日曦2026乜都唔知優先訂飛》，反應熱烈，吸引大批癲喪劇迷盲撐搶飛！林日曦終於正式揭曉，今年年度癲喪舞台劇為《大死撐日》，並宣布邀得毛舜筠領銜主演，聯同白只、楊偉倫及胡麗英合力演出，一連37場，將於8月28日起假香港演藝學院歌劇院隆重上演。門票將於5月28日（星期四）上午10時起於 Cityline 公開發售，各位癲喪劇迷記得把握最後搶飛機會，萬勿錯過！
毛舜筠
楊偉倫
林日曦
林日曦、毛舜筠、楊偉倫
是次宣傳海報亦相當吸睛，一眾演員以粵劇花旦及小生造型驚喜亮相，令人眼前一亮。林日曦透露，今次作品將融入粵曲元素，但並非傳統大戲，更笑言屆時可能會「跳唱粵曲一兩隻」，請觀眾拭目以待。他表示：「一直想寫一齣喜劇，去重新宣揚一下呢個香港重要嘅文化。於是五年前去搵我哋嘅粵劇及粵曲顧問江駿傑先生，向佢學習當中嘅歷史、文化，為寫劇本做準備。當中經歷疫情，所以呢個project推遲到五年後嘅今日先發生。」
談到今次邀請毛舜筠參演，林日曦直言對方是自己心目中的唯一人選：「五年後當我攞返呢個劇本出嚟嘅時候，第一個諗起嘅就係毛姐。我好鍾意毛姐獨特嘅喜劇節奏，佢做喜劇，就好似經典嘅《家有囍事》，唔係首先引你笑，而係全心投入去角色嗰度，完全相信個角色，自然散發嗰種喜感出嚟。一路都想搵佢合作，所以好耐之前已經鋪排定，不斷邀請佢哋睇我嘅舞台劇，慢慢搵機會。」
首次參演林日曦作品的毛舜筠（毛姐）坦言，私底下其實並不認識對方，但早已是其忠實粉絲：「我係佢Fans嚟，我成日睇佢啲舞台劇㗎！佢嗰種舞台劇嘅演繹方法成日都令到我大笑，有時仲會無端端笑到好大聲，睇完演出又想搵佢影相！」
談到今次破天荒接演舞台劇，她坦言感覺非常奇妙：「其實以前有兩次演舞台劇嘅機會，但最後都因為一啲事取消咗，明明連約都簽埋……」她表示，當時曾以為自己與舞台劇無緣，直到收到林日曦的劇本後，卻有一種命中注定的感覺：「我直情覺得點解好似為我而寫咁，莫非佢好了解我？」不過林日曦原來是在完全不知道毛姐背景的情況下創作角色，令毛姐更相信這次合作是一種緣份：「所以今次一定要搏一搏！」
她亦透露，被劇本中的喜劇元素深深吸引，幾乎是一看完便決定接演：「我一直都好想做一個舞台喜劇，而家個氣氛好多嘢都令人笑唔出。如果可以透過一個戲令大家開心大笑，而個演出又畀到驚喜大家，我覺得作為演員已經好滿足。」
除了喜劇元素外，林日曦亦透露：「雖然呢齣係一齣喜劇，但真係會有幾首短嘅粵曲，全部原創，由我創作曲詞。」他苦笑指：「記得毛姐聽完後，佢一邊話好好，一邊問我係咪用AI。非常hurt。我同佢澄清，喺我最迷惘唔知點寫嘅時候，真係有試過去學人搵嗰啲AI試吓，點知原來嗰啲AI根本就冇粵曲呢個選項，完全幫唔到手。最後我係靠不斷重複聽一啲經典嘅粵曲，再向我哋嘅粵曲顧問問咗好多好多好多好多問題，了解咗粵曲嘅一啲規範同埋特性，終於勉強寫咗出嚟。」
林日曦年度癲喪舞台劇 ——《大死撐日》將於今年8月28日起，一連37場假香港演藝學院歌劇院盛大公演，門票將於5月28日（星期四）上午10 時起於 Cityline 公開發售！癲喪劇迷敬請準時搶飛，齊齊見證一班人查篤撐！
