復活節究竟食蛋定食朱古力？！

復活節前夕，歐洲上演咗一單離奇嘅「朱古力大劫案」。一架滿載雀巢KitKat朱古力嘅貨車，由意大利出發前往波蘭途中，連車帶貨成架消失。總共幾多？12噸，41.3萬條，全部唔見晒。

有口痕朋友話：雀巢死對頭吉百利向來復活節都搞下marketing 尋蛋遊戲，佢哋果campaign叫「Better the Hide, Better the Hunt」，真係應曬景！全歐洲都幫手搵緊「F1特別版KitKat」！

講開復活節，點解係蛋？
復活節食朱古力蛋，大家覺得係西方傳統，但其實呢個傳統嘅歷史，冇你想像中咁耐。最早嘅復活蛋，係真雞蛋唔係朱古力！話說基督徒喺復活節前有40日「大齋期」，期間唔食得蛋。於是佢哋將呢段時間生嘅雞蛋煮熟保存，留到復活節先食，仲會將蛋殼染成紅色，象徵耶穌嘅寶血同復活嘅喜悅。

到咗19世紀，法國同德國嘅朱古力師開始用朱古力整蛋，不過最初嘅朱古力蛋又苦又硬，因為當年嘅朱古力技術未成熟。後來朱古力製作技術進步，空心朱古力蛋先普及起嚟。到1905年吉百利推出牛奶朱古力蛋，復活節食朱古力蛋呢個傳統，先正式確立。自此之後，吉百利差唔多每年復活節都會搞尋蛋活動，成為英國人嘅節日傳統。

歐洲人覺得蛋代表耶穌復活，因為蛋殼裂開、小雞破殼而出，就好似耶穌從墳墓復活一樣。德國仲有「雞蛋舞」——情侶喺蛋陣入面跳舞，冇踩爛任何一隻蛋嘅，就會受到眾人祝福。

東方都一樣。中國人傳統上，滿月、生日、喜慶日子，都會派紅雞蛋。紅色代表喜慶，亦可以辟邪保平安。據講仲有啲地區生仔送雙數紅雞蛋，生女送單數，老人家一收到就知添咗男定女。廣東鄉下地區仲有個講法，話食紅雞蛋代表「有王管」，即係有人教導，唔會學壞。

一個係慶祝耶穌復活，一個係慶祝新生命誕生。東西方文化，不謀而合用同一樣嘢嚟表達「新生」嘅喜悅——蛋。

由食落肚嘅蛋，到「搵到就開心」嘅蛋

講到呢度，不得不提一個有趣嘅語言演化：我哋而家成日講嘅「彩蛋」（Easter egg），已經唔再只係復活節嗰粒蛋。呢個詞嘅起源，正正來自復活節嘅搵蛋遊戲——將蛋藏喺花園角落，等小朋友去搵，重點係「搵到」嗰吓驚喜。後來呢個概念被借用到電影、遊戲入面，指創作者隱藏嘅小細節，等你發掘。你喺Marvel電影或者而家追緊套熱爆大陸劇等到最後，發現嗰段隱藏片段，其實都係喺度「搵緊蛋」。

無論點都好，今年未到復活節就發生奇聞，究竟係世紀玩笑定係世紀懸案暫時未知，但大家最關心，就肯定係復活節長期plan 吓約班friend 去玩、執定喼外遊定係趁機休息吓！

食講究

** 博客文章文責自負,不代表本公司立場 **

去日本旅行，行程緊湊到爆——朝早睇吓櫻花、下午掃貨、晚上繼續逛藥妝。食飯？最好半個鐘內搞掂，即刻又可以衝刺shopping。

所以你會發現，香港人鍾意食、用餐時間也較易掌握的日本「快餐」，除了牛肉飯、拉麵，就是日式咖哩飯。但你知道嗎？這盤咖哩的起源，跟印度沒有關係。

1860年代，日本剛結束鎖國，西洋文化逐漸傳入。
當時年輕物理學家山川健次郎，以公費留學生身份前往美國，在航程中初次品嚐咖哩，還在日記裡記下了負評：「帶有奇怪臭味的醬汁」。

但後來隨著「西洋＝文明開化」的觀念流行，日本政府開始提倡吃肉、食用西洋料理，咖哩也就此翻身。當時的日本人根本沒把它當作印度菜，而是徑直將其視為「西洋料理」來學習。

真正讓咖哩在日本徹底紮根的，是日本海軍。

當時日本軍隊面臨一個極為嚴峻的問題：腳氣病。1882年，日本海軍軍艦「龍驤」出航，近400名船員中有近170人罹患嚴重腳氣病，更有20多人因此不治，傷亡人數甚至超過作戰犧牲。

軍醫高木兼寬研究後發現，根源在於飲食失衡：士兵長期只吃白米、酸梅乾、醃蘿蔔與味噌湯，嚴重缺乏維生素B1。他參考英國海軍的飲食方案，決定在軍中推廣咖哩飯——有肉、有菜、有飯，營養均衡全面。

不過日本人並不習慣英國咖哩的風味與質感，於是海軍廚師著手改良，將醬汁調得更濃稠，既不會在搖晃的船艙內四處飛濺，也更適合搭配白米飯食用，「海軍咖哩」就此誕生。

1889年，日本海軍正式將咖哩飯列入《五等廚夫教育規則》，每一位負責伙食的士兵都必須學會烹製。後來退伍士兵們把這道食譜帶回家鄉，咖哩飯也逐漸在民間流傳開來。

據講日本海上自衛隊至今仍保留著經典傳統：每週五必吃咖哩飯。為什麼偏偏是週五？因為人長期在海上航行，很容易逐漸失去對日期的判斷，而「週五吃咖哩」這個固定儀式，能幫助大家清晰掌握時間節奏。更有意思的是，每一艘軍艦都有自家流傳數代的「秘製咖哩食譜」，各有風味。

戰後咖哩的普及速度更是大幅提升：1948年被納入學校營養午餐，成為孩子們最期待的菜式；1950年固體咖哩塊問世，零難度就能煮出地道風味；1968年，大塚食品推出全球首款即食咖哩包「Bon Curry」，加熱即可食用。到了今時今日，全國性即食咖哩大品牌約有廿多個，如 House（好侍）、S&B、大塚食品（Bon Curry）、江崎格力高等，產品線非常豐富。

日式咖哩飯已經成為比壽司、天婦羅更常見的日式家庭美食。下次你食日式咖哩飯的時候，可以多想一秒：這盤濃稠的醬汁，曾經係日本海軍的救命餐，也幫海上漂泊的士兵記住今天是星期幾。