阮嘉敏內地短劇爆紅自爆險「當兵」經歷曾為Crush改習慣內心糾結：撞到應該講啲乜？

娛圈事

阮嘉敏內地短劇爆紅自爆險「當兵」經歷曾為Crush改習慣內心糾結：撞到應該講啲乜？

2026年04月06日 17:00 最後更新：17:11

阮嘉敏（Mandy）首度擔正的短劇《瘦一斤，賺一斤，虐哭前任不過癮》大受歡迎，網絡瀏覽量火速突破3000萬人次，劇情講述一個240磅肥妹減肥後獲得真愛的故事。現實中的Mandy身材Fit爆，是不少人心目中的女神，不過她不覺得自己是女神，從沒收過兵，反而曾經差點「當兵」。

Mandy覺得自己從來都不是女神，「識我嘅人都知道，我外表同真實性格係完全相反，我比較男仔爽直性格，所以我係唔會收到兵。如果人哋同我表白，我鍾意就鍾意，唔鍾意就唔鍾意，都冇乜中間位，咁你話，我完全唔識呢啲技巧，點收兵？」

點擊看圖輯

《瘦一斤，賺一斤，虐哭前任不過癮》花絮照

阮嘉敏是不少人心目中的女神

阮嘉敏願意為Crush更改個人習慣

阮嘉敏差點「當兵」

至於當兵經歷，她說：「我唔知咁樣算唔算係做兵？我都有試過鍾意過一個男仔，我同佢無論係生活習慣定係喜好都係相反。」起初，Mandy對這位Crush產生好感，「佢約我食飯，咁當然我都有好感，所以我先出去，我哋嗰排日日都send message講好多嘢，但唔知點解我哋最後就係不了了之，然後都沒有然後。」她續說：「我哋只係會準時同大家講生日快樂，然後我知佢升職會同佢講恭喜，我知佢唔開心會主動send message安慰佢。其實成日都會諗起佢，可能諗起佢嘅時候就會撳WhatsApp睇吓佢係咪上緊線，如果我見到佢在線中，我就會好開心。」

為了跟對方見面，她願意更改個人習慣，「我本身都幾鍾意跑步，但我好少早上跑，通常都係夜晚，但因為佢同我講過佢早上會喺灣仔跑步然後順便返工，所以我有試過特登早啲起身喺灣仔跑步，希望可以撞到佢，但後來我又會問自己：咁撞到之後應該講啲乜？所以後尾我都冇繼續再做呢件事。」

往下看更多文章

【2026.4.7娛圈熱點】谷婭溦突宣布將暫別《中4》評審工作前港姐黃碧蓮離巢後即迎來人生新一頁

關注一下過去24小時娛圈事Top 5熱話。

谷婭溦突宣布將暫別《中4》評審工作出PO親述原因

歌手谷婭溦（Vivian）自擔任《中年好聲音4》評判以來話題不斷，外界對的她評價兩極，亦接連傳出她與另一位美女評判傳內訌、不點名批評某位「大師」借她博取流量等風波，惹出不少是非。不過，谷婭溦日前突然在社交網宣布將暫別《中4》的評審工作，隨即引起網民熱議。

▼詳情點擊圖片查看或按連結

前港姐黃碧蓮離巢後即迎來人生新一頁公開夢幻婚紗照性感又迷人

35歲的前港姐黃碧蓮（Linna）自去年3月宣布離巢TVB後，隨即迎來了人生新一頁，同年9月，與圈外男友在印尼峇里島舉行夢幻婚禮。近日，黃碧蓮就在社交平台分享了當時於峇里島拍攝的絕美婚紗照。

▼詳情點擊圖片查看或按連結

SJ首爾安可場連爆意外東海舞台重摔、表演中途欄杆斷裂

韓流天團Super Junior（SJ）出道20周年巡演《SUPER SHOW 10》在近日於首爾畫下句點，但在演出尾聲時接連發生意外，成員東海舞台重摔，以及厲旭在與粉絲互動時，欄杆斷裂導致粉絲墜落，令現場與線上觀看直播的粉絲大受驚嚇。