黎諾懿談育兒經教惜食 李佳母子檔分享惜食貼士幼子即場畫畫送媽咪

由香港世界宣明會主辦、聯乘英國經典童書Mr. Men Little Miss及「糧家村」故事系列的「我要世界走飢餓 — Go & Seek!」活動，4月25日假荷里活廣場舉行開幕典禮，並邀得「暖男爸爸」黎諾懿、「細心好媽」李佳及其幼子培明親身到場支持，齊齊化身「糧家村村民」，與一眾嘉賓及市民透過親子活動認識世界飢餓議題，現場氣氛熱鬧，吸引不少家庭到場參與。

一眾嘉賓將象徵希望的粟米公仔放入農田裝置，寓意眾人攜手「種出」希望

三人於台上分享對飢餓、助養及惜食的看法

大合照

李佳分享育兒經 強調身教的重要性

李佳及幼子培明齊齊玩巨型層層疊

李佳幼子培明亦參與現場的工作坊

李佳母子檔分享惜食貼士

李佳落場玩冰壺遊戲 非常投入

活動先由司儀邀請香港世界宣明會董事局主席陳朝光（Edmond）先生帶領禱告，並由總幹事馮丹媚（Amy）小姐致辭，分享全球飢餓危機及本地基層兒童營養不均等問題，並介紹「糧家村」首度聯乘Mr. Men Little Miss推出一系列慈善活動，希望透過互動體驗、遊戲及工作坊，令大眾更深入了解飢餓問題。

培明即場畫畫送媽咪做小暖男

黎諾懿、李佳母子同場力撐 化身「糧家村村民」傳遞惜食訊息

黎諾懿、李佳母子現身香港世界宣明會「我要世界走飢餓」開幕禮

黎諾懿、李佳母子現身香港世界宣明會「我要世界走飢餓」開幕禮

黎諾懿、李佳母子現身香港世界宣明會「我要世界走飢餓」開幕禮

黎諾懿十分支持「我要世界走飢餓」活動

黎諾懿落場玩冰壺遊戲

黎諾懿談育兒經教惜食 同場大爆湊仔趣事

而「暖男爸爸」黎諾懿、「細心好媽」李佳與幼子培明亦到台上與現場觀眾互動。司儀特別邀請三人分享對飢餓、助養及惜食的看法。李佳表示自己早前成為宣明會親子助養者，希望透過實際行動讓小朋友明白「食得飽、有清潔水飲唔係必然。 」，並鼓勵他們學懂關心世界上其他有需要的小朋友。她強調身教的重要性，直言：「身教好重要，要知道我哋唔只幫一位小朋友，而係幫到一個社區，帶仔仔從小一同了解更多，等佢大個有能力，就會傳承呢個幫助人嘅力量。」她又提到，會透過日常生活、慈善活動及食飯習慣，教導兒子珍惜食物。

李佳幼子培明表現乖巧，即場分享惜食貼士：「唔好叫太多食物，食完先再買！」童言童語萌爆全場，亦參與工作坊親手畫了幅畫送媽咪，獲讚貼心小暖男。 

黎諾懿大談育兒經，表示家長都試過小朋友不肯吃飯：「其實可以適當地『狠心』啲收起食物，等佢真係感受到肚餓，再慢慢教佢咩係『飢餓』，因為單靠講，小朋友未必明白，要畀佢親身感受。」

他又大爆湊仔趣事，笑言大仔「小春雞」快九歲，正值發育期，食量驚人，曾試過入快餐店一口氣食兩個餐：「我會同佢講唔可以一次過食太多，對個胃唔好，而且唔可以浪費食物。」豈料兒子竟反問：「你做爸爸點解唔畀飽飯我食？」場面爆笑。不過，他亦藉此教導兒子要「食完先再叫」，並謂：「有時佢食完後覺得飽，就會自己話留返下次先食。」讓他逐步建立節制及珍惜食物的習慣。

此外，黎諾懿亦會透過種植活動讓兒子理解食物得來不易：「我會教佢種菜，等佢知道天氣、環境都會影響收成，農夫其實好辛苦，唔係你想種就一定有收穫。」他表示，透過親身體驗，小朋友更容易學會珍惜食物。

其後，陳朝光先生及馮丹媚小姐向黎諾懿、李佳及幼子培明頒發感謝狀，答謝他們對活動的支持，三人更一同合照留念，場面溫馨又有意義。最後，黎諾懿、李佳及幼子培明、香港世界宣明會董事局主席陳朝光（Edmond）先生、總幹事馮丹媚小姐（Amy），以及合作伙伴包括大家樂（快餐）市務總監譚靜文小姐、Mister Men Limited 副總監陳芷欣小姐以及羚邦集團首席營銷總監冼韻泠小姐，一同將象徵希望的粟米公仔放入農田裝置，為活動進行啟動儀式，寓意眾人攜手「種出」希望，為世界各地受飢餓影響的兒童帶來改變。完成開幕儀式後，一眾嘉賓亦參與大合照，隨即邀請現場大朋友、小朋友化身「糧家村村民」，繼續投入場內的親子互動遊戲、工作坊及打卡體驗。

「我要世界走飢餓 — Go & Seek!」活動於4月25至26日假荷里活廣場一樓明星廣場舉行，場內設有多個主題區域，包括扭蛋、親子互動遊戲、藝術工作坊、巨型層層疊、冰壺遊戲、打卡位及限定「糧家村」聯乘 Mr. Men Little Miss 紀念品等，讓參加者在遊戲中認識飢餓議題，將愛心同關懷變成實際行動。是次活動籌得的善款也將用於支援受天災、戰亂及貧窮影響的社區，亦為本地基層家庭提供援助，讓有需要的孩子和家庭都能與我們一樣同得溫飽。

宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。

世界宣明會「我要世界走飢餓」籌款活動

世界宣明會「我要世界走飢餓」籌款活動

為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！

黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」

暖男爸爸黎諾懿

對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」

圖片來源：黎諾懿IG

李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」

雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」

細心好媽李佳

李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」

細心好媽李佳與仔仔

至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。

宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry