政事
昨日網上流傳一段議員和記者的對話，疑似是「某位被形容好似桂x美的新丁議員」(指容海恩)和記者一齊搭電梯的對話。
議員:嗨，去邊呀？
記者：去9樓有個記者會呀。
議員：記者會？……乜記者要開會㗎？
記者：…………即係…有個記者招待會…(唔知對方明唔明)
議員：哦…我到啦。Bye(出電梯)
記者的結論係：我忍笑忍得好辛苦，俾條路行吓得唔得呀。
睇完呢段對話，只能有「常識好差」的結論。若然容議員日日花一兩小時睇吓新聞，日子有功， 睇兩三個月應該都會見過「記者會」呢三個字，常識會豐富啲。
早前公民黨有個譚文豪講出「馬首是膽」(唔係混身是膽)呢個新成 語，而家又有個容海恩唔識乜嘢叫「記者會」， 呢班人全部係由大佬在選舉帶出來啲，唔見佢地本身有乜能力和實力，好心佢地啲大佬就督促吓自己的新仔做吓功課啦。
Ariel
** 博客文章文責自負,不代表本公司立場 **
現時距離特首選舉亦只剩4個月，特首CY開APEC見完習主席後行情看漲，財爺曾俊華是否參選惹起關注。有報導指財爺已決心競逐下屆特首，競選班底亦已成形，並已邀請一位前女高官出任競選辦主任。
報導又話曾俊華本周日將會上京，一年一度拜訪中央各財金部委及港澳辦主任王光亞。曾俊華極可能會借今次訪京機會，親自向中央官員表達辭職參選的意願，了解中央的態度，若中央沒有阻止，預料曾俊華會在選委會選舉結束後，盡快宣布參選。
高人話，財爺有意參選早已街知巷聞，關鍵是「若中央沒有阻止」七隻字。早前財爺找大銀行賓架代為帶信上中央，表達參選意願。後來傳出中央官員對財爺參選「不鼓勵」的態度。若中央今次明確亮紅燈，叫財爺不要參選，他會否硬去呢？
Ariel和港府高官傾起此事，他認為若無中央支持，財爺不會參選，先不論一旦失敗要付很大代價，即使當選，中央完全不和他合作，這個特首都寸步難行，勉強去做又有什麼意思？
