最近內地社交媒體瘋傳一幅以第一夫人彭麗媛為人物的油畫，呢幅畫其實都被轉載過好多次，稍為留意麗媛媽媽的人都應該見過，今次再度瘋傳，係因為附加的解讀，指呢幅畫的背景得三樣嘢︰「座‧江‧山」。畫呢幅畫時，麗媛媽媽只係後生女，仲未大紅大紫，更未認識後來的老公習大大，歷史真係有啲意思。
瘋傳的博文：
「這幅油畫是歷史給後人的驚奇，1984年，我國著名油畫家靳尚誼找中央音樂學院的一位女大學生當模特畫了一幅油畫。畫中背景只有三樣東西，座.江.山。這位女大學生的名字叫做.彭麗媛。沒想到三十年後這大學生竟成了第一夫人，當初的“座·江·山”現在竟然成了現實。這幅油畫現被中央美院收藏，據說著名股神巴菲特要岀3000萬美金收藏，但被中央美院拒絕。毫無疑問若干年後這幅油畫將是中央美院的鎮館之寶。
這幅留下了著名歌唱家彭麗媛青春形象的畫作無疑是當下備受關注的藝術作品。這幅作品是靳尚誼先生（中央美術學院院長）上世紀80年代寫實風格轉折時期最成功的作品之一。與一般的肖像油畫不同，《青年女歌手》用了北宋山水畫家範寬的《雪景寒林》做背景，在真實傳神的西畫筆觸中又透露出中國傳統的意象與韻味。作品的特別之處在於，靳先生別出心裁地將一個現代人物與中國北宋的山水畫通過西方油畫形式融為一體，使中國幾千年的文化傳統與現代生活相聯繫，色調把握和節奏控制處理得天衣無縫。
靳尚誼說畫彭麗媛完全是一次偶然，1984年，彭麗媛的老師是他的鄰居，說要介紹幾個班上的學生給他當模特，於是就介紹了三個中國音樂學院的學生過來，其中就有彭麗媛。她是個北方姑娘，紮著簡單的馬尾辮。這幅畫把彭麗媛含蓄而質樸、沉穩而自信的人物特點表現的淋漓盡致。彭麗媛成名後找到靳尚誼要這幅油畫，靳尚誼不同意給這幅原作，在彭麗媛再三要求下，靳尚誼複製了一幅送給了彭麗媛，成為一段藝術佳話。」
聽完呢個故事係咪幾有趣呢？毛拍手亦都聽過一個真人真事的轉述故事喎。京城中經常有大秘書聚會，即係大領導們的秘書，間中都會出來吹水，互探消息，有時各路人馬亦喜歡打入呢類秘書聚會中，可以探知風向嘛。
話說九十年代期間，有啲做歌唱演藝的人士亦參與了這些大秘書聚會，佢哋當然話可以搵埋啲當紅歌手出來，一齊卡拉OK吓，包括宋祖英、閻維文，甚至李雙江(內地好紅的軍旅男歌手，前排佢個仔李天一因強姦案搞到滿城風雨)都可以請出來一齊玩，有口痕秘書就問：咁彭麗媛，得唔得呀？！演藝人士即時話：她呀，挺嚴肅的，不太愛跟我們一齊玩，像「國母」似的！
口痕秘書話到2007年習大大北上入中南海後，即刻想起呢段廿幾年前的對話，真係中咗上述博文的第一句：歷史給後人的驚奇！
毛拍手
** 博客文章文責自負,不代表本公司立場 **
呢兩日北京風仲講緊解放軍日報周三的版面，呢份軍報當日跨版刊登空軍司令員同七大軍區司令在內18大將的署名文章，雖然以闡釋「中國夢」和「強軍夢」做主題，有心人都會聞到，係軍隊支持習主席的強烈訊號。
唔少海內外傳媒都計過數，呢次係1978年改革開放35年來軍方最大規模集體表態事件之一，毛拍手專登搵咗解放軍報電子版來睇睇，嘩！咁樣的版面都真係非常非常罕有囉：
整整齊齊十八篇文章，除咗七大軍區司令，仲有總參謀部、總政治部、總后勤部和總裝備部以及武警、海軍、第二炮兵、國防大學、軍事科學院、國防科學技術大學的負責人，真係令人想到18羅漢的威風。
唔少分析都認為表態係同查咗兩年幾的解放軍前總後勤部副部長谷俊山，終於宣布送上軍事法院有關，一是支持習主席在軍中反腐，同時可能亦是為未來一段時間可能大刀闊斧展開軍隊改革有關。此情此景，都真係令人想到1992年，鄧老爺子南巡時，軍隊高呼：「為改革開放保駕護航」的情景。唔少人都話習主席面對的深化改革一啲都唔易，「郁」到唔少既得利益架。
就睇番呢位「軍老虎」谷俊山呀，喺家鄉擁有「將軍府」，查佢時亦好轟動。三年幾前，習主席剛出任軍委副主席，佢的好兄弟，劉少奇之子劉源，空降至總後勤部做政委，要查辦呢位「軍老虎」案時遇到好大阻力，據聞劉源向上級反映不果，後來直接向習主席(當時係副主席)同胡主席(當時軍委主席)匯報，最後拍板出手，後來有朋友碰到劉源將軍，問佢打老虎係咪好難，佢拍拍對方話：今不談這個！
過去呢個星期，除咗軍老虎俾送上法庭，其實有單料都引起咗毛拍手注意，就係星期二(剛好係4月1日)，英國《金融時報》爆料，指前國家主席江澤民向現任國家主席習近平發出「明確信號」，要求放慢反腐敗步伐，另一名前國家主席胡錦濤亦曾警告繼任人「不要過分擴大反腐運動」。
其實兩位除咗係前國家主席，都係前軍委主席喎，雖然呢啲料堅唔堅就難講，但係跟手第二日解放軍報就整咗個跨版表忠心，客觀效果，都真係令外界有聯想架。
無論如何啦，習主席當年喺清華大學畢業後，第一份工係做國防部長耿飊的秘書，當時仲係現役軍人，好早就熟悉軍隊高層運作，加上佢上任以來的作風，軍隊要大改革都快架喇。
