周國賢一手包辦新歌自認「玩死自己」：又難唱又複雜

娛圈事

周國賢一手包辦新歌自認「玩死自己」：又難唱又複雜

2026年05月09日 21:00 最後更新：23:42

周國賢（Endy）昨日（5月8日）推出新歌《未完待續》，整首歌的曲、詞、編全部由Endy一手包辦，絕對落足心機。

點擊看圖輯

周國賢推出新歌《未完待續》。

MV圖片

觀看相關影片按連結：https://youtu.be/4AQkaSCfAz0

Endy透露，今次創作靈感源自他親眼目睹好友的一段感情事，「佢哋明明好愛對方，但又好似成日互相傷害，最後分開咗，兩個人其實都放唔低。」他發現，原來一些很珍惜的東西，表面看似「完結」，但只要你夠相信，這件事便可以一直存放心中、於夢裏重演，故事永遠「未完」，「成日有人話要『放下』，親人或者好友離開咗，就勸人唔好成日諗起。但其實只要一直有人掛住佢哋，佢哋就好似一直存在喺我哋生活入面，放低未必係我想要嘅，『待續』先係。」

至於創作過程，Endy笑言自己多年來都有個習慣，就是「寫歌玩死自己」，「難嘅位唔係作曲填詞編曲呢幾件事本身，而係有時對得首歌太近，反而睇唔到邊啲好、邊啲唔好。我哋Comment人哋啲嘢容易好多，但自己做有時就睇唔到。」他續說：「今次呢首個Tempo一時快一時慢，去Chorus前又整段結他Solo俾自己，總之好似永遠都唔可以正正經經寫首簡單啲嘅歌咁，好鍾意玩死自己呀！哈哈。」

提到MV，Endy坦言拍攝過程辛苦，「要天光前開機，捕捉嗰個準備天光嘅藍色，跟住潮漲半個身濕晒，然後再吹多一個鐘海風繼續拍，下晝就暴曬！好耐冇拍一個咁甘嘅MV啦。」不過他十分滿足，MV成品效果猶如去到外地拍攝，「個景好靚！」

拍攝期間都有溫馨小插曲，Endy話指他們於山頂拍攝時遇到兩隻流浪狗，見到有位女士背着一個大背囊上山，原來她每天都會行上山頂餵飼兩隻狗，看着牠們吃完便走，而這兩隻狗每日都會等她。Endy覺得這件事十分浪漫，「不說出口的約定，真係好似《小王子》咁講，『假如你馴養我，我們就彼此需要』。」

往下看更多文章

周國賢有感創作地盤被踩新歌挑機AI：有血有淚先係人類專利

周國賢（Endy）推出全新單曲《仿生覺知》，擺明「唔妥」AI兼叫大家反思。今次他再次孖住老拍檔小克填詞，自己操刀作曲、編曲，聯同Goro一齊監製，打造出這首充滿未來感的作品。

觀看相關影片按連結：https://youtu.be/K5yTRTXigL0

Endy透露其實他留意AI發展已好幾年，尤其這一年多，幾乎是跳躍式升級，令人覺得有些工種真的可能會被取代，甚至創作領域都開始受到影響，他分享了一個「有趣」現象，「我記得有人講過：AI本來應該幫忙處理日常雜務，等人類專心寫詩、唱歌、創作。結果掉轉咗——我們繼續洗衫煮飯，科技反而幫我地用腦創作，真係完全顛倒晒！」