日前周國賢（Endy）宣佈七月十六至十八日，於新蒲崗Portal舉行一連三場全企位《周國賢 Disconnect to… Reconnect Unplugged Live》音樂會，門票昨日（6月5日）中午一開賣，即於半小時內極速售罄。由於歌迷瘋狂搶飛，為了讓更多fans有得入場，今日（6日）主辦方正式宣佈加開一場。
周國賢
Endy表示很開心公司幫他搞這個音樂會，又笑言：「我一開頭諗住搞個新歌發佈會嘅啫，點知佢哋肯幫我搞大佢，做一個小型音樂會，好開心。」提到一年半未有開過自己show，這次半小時門票已被掃光，Endy直言好感恩：「大家而家都仲願意真金白銀嚟支持我，真係好感動嘅。」
周國賢
至於今次音樂會主題，Endy謂暫時未能透露，大賣關子話：「我以前都做過好多唔同類型嘅show，Band show有做過，好華麗嘅show有做過，自己嘅『作品展』都做過，今次希望特別啲，希望觀眾入場會有一種好似睇咗套戲嘅感覺，少少theatre感覺。新歌就當然會唱，都會將以前一啲比較經典嘅歌做一啲新嘅arrangement，希望帶啲新鮮感俾大家。」
周國賢
周國賢
Endy又特別提到，台上的樂手都是他的音樂團隊老拍檔，然後搞笑話：「我知我有啲fans都好鍾意睇佢哋嘅，哈哈。佢哋都會陪我完成呢個演出。」似乎笑稱自己fans入場是為了他的音樂團隊，而並非為了看他的演出。
周國賢
一連四場、全企位的《周國賢 Disconnect to… Reconnect Unplugged Live》，日前於新蒲崗Portal舉行尾場，全場五百五十個企位繼續爆滿，由於尾場關係，氣氛由頭熾熱到尾，每一首歌歌迷都跟着唱，周國賢（Endy）直言不捨，更在台上多次被歌迷「焗住」encore，最後總共唱足超過20首歌，歌迷才肯罷休。
周國賢一連四場、全企位的《Disconnect to… Reconnect Unplugged Live》圓滿結束。
去到最後一場，Endy一開口已經流露不捨之情，「有啲開始唔捨得你哋添，而家開始係我唔捨得你哋㗎啦。」他特別多謝連日來撐場的歌迷，「早幾日出面排隊入場時淋雨，今日就曬太陽，真係辛苦你哋要經歷呢四季。好多謝『星星們』（歌迷名稱）一直都喺度，未離開過。」Endy又提到，這次音樂會是他加入新公司之後第一個演出的show，別具意義。
周國賢
周國賢
周國賢
今次音樂會以劇場式表演貫穿，Endy笑問觀眾：「今晚係尾場，個故仔就已經講咗四晚，大家都聽得明個故仔㗎呵？」點知全場fans大唱反調，大叫「聽唔明」，Endy忍不住大笑。他又指，來了四晚的歌咪人應該見到台上裝飾有少許改變，坦言自己非常喜歡，轉頭卻說：「不過今晚之後呢啲裝飾就唔知去咗邊呀，除非……有Part 2出現。」全場即時瘋狂尖叫，Endy順勢：「今次呢啲歌全部都係我寫嘅，如果Part 2就有多啲唔係我寫嘅歌。」全場繼續狂呼，為Part 2鋪路。
周國賢
周國賢
唱完新歌《仿生覺知》後，Endy跟樂隊及台下歌迷影大合照，影完相眾人都未落台，全場已經狂嗌encore，聲勢逼人。Endy最終抵擋唔住，再度上台，第一句便問：「你哋唔使返屋企咩？今晚五點有波睇喎。」全場笑聲不斷兼大叫「唔駛」。隨後Endy唱出《塵世美》，之後再介紹下一首歌，「我相信推出呢首歌嘅時候，在座所有人都應該未出世，但唔緊要，我哋溫故知新。」隨即唱出《14天》，全場又再次大合唱。唱完後即講bye bye兼落台，場館亦已爆燈，但觀眾依然不肯走，繼續嗌encore，結果Endy又被「嗌」返上台。
周國賢
周國賢
Endy一出場便說：「知唔知點解我會上返嚟？因為你哋嗌得太大聲。」然後他再次多謝主辦單位英皇娛樂，再唱出《凡夫的樂章》，唱之前向台下拋出結他pick送給歌迷，又帶領全場集氣大叫：「係咪想要Part 2呀？大聲啲啦！」全場即時陷入瘋狂狀態。《凡夫的樂章》後，Endy索性不走，笑着說：「既然都出咗嚟啦，係咪？不如我哋真係唱埋今晚最後最後一首歌好冇？唱完就乖乖地返屋企等五點睇波好唔好？」歌迷即刻大叫「唔好」，Endy忍唔住自爆：「我都要睇呀！哈哈！」Encore三次後，唱出全晚最後一首歌《地下街》，場面感動。完場前Endy高呼：「Thank you! 希望我哋喺更大嘅場地再見，下次再見！」全場掌聲雷動，為一連四場音樂會畫上圓滿句號。
周國賢
周國賢
全場大合照
