「學習粉絲團」揭秘

退休的國家主席胡錦濤上周突然現身湖南大學，毛拍手問過接觸到胡總身邊人，佢哋話無需太多解讀，「春暖花開﹐踏青賞景，無官一身輕，鍛鍊好身體！」

 

呢啲解讀分析，外界已經好多，尤其又去埋前中共總書記胡耀邦位於湖南瀏陽的故居。令毛拍手感興趣的，今次有份率先爆出胡總出巡的是一個社交網絡紅人(或者稱為帳號啦)，係以登出習大大行蹤出名的「學習粉絲團」。

 

 

退休領導人退休生活過成點，到處參觀吓，官媒報道又唔係，唔報又冇人知，依家網絡流行，成為一種不錯的工具。今次胡總到湖南大學「踏青賞景」，都係由社交網站--微博圖文並茂，全程現場直擊。其中一個率先登出圖片的係微博紅人「學習粉絲團」，有口痕友就問毛拍手，乜呢個微博唔係報道習大大消息專用架咩？

 

 

 

要解答口痕友的疑問，先睇嚇「學習粉絲團」呢個帳號係乜冬冬。

 

 

時間要講番2012年11月，一個叫「學習粉絲團」的神秘微博帳號出現，它似乎對剛當選的中共總書記習近平的行蹤瞭如指掌，發佈咗唔少習近平非常近距離先影到的相片，而習大大去地方視察時，呢個帳號發布的照片亦比官媒快好多，令「學習粉絲團」一炮而紅。

 

更重要「習大大」呢個花名都係由呢個帳號叫先出來，「大大」陝西話係「叔叔」的意思(唔好忘記，習主席真係陝西人喎)，而習夫人彭麗媛就被稱為「習媽媽」，自此之後習主席夫婦喺網絡上都被人用呢兩個暱稱去叫。從「學習粉絲團」懂得用花名拉近領導人和群眾的距離，就知呢個微博的博主係使用媒體高手。

 

睇吓呢個帳號出的貼文有幾出位先：

 

 

 

 

 

 

 

 

呢個微博主人可以拍到（或攞到）習大大咁近距離的相片，稍為追訪過國家領導人的記者應該心中有數，除了身邊工作人員操刀之外，幾乎沒有可能做到。毛拍手問過資深的內地傳媒人，更覺得相片的角度似係警衛添，就算唔係警衛，應該呢個「學習粉絲團」係識得一啲中南海裡面的秘書或警衛人員，因為佢的貼文中有唔少係介紹佢哋工作有關的內部相片。

 

另一個出位地方係呢個帳號貼出的圖片，同官媒中見到領導人四平八穩官方照片好唔同，呢度出現的習大大或者習媽媽都唔係所謂「完美」的照片，但正正係咁，即刻人性化咗好多。

 

 

 

更有趣的是呢個帳號注冊地點係習大大的家鄉陝西，呢度亦係習大大的爸爸習仲勛所領導的西北局所在地，種種因素，外界當然認定呢神秘帳號好可能來自習近平辦公室啦。但去年春節前後，突然一名叫張洪銘亮的人相話係「學習粉絲團」的博主，仲接受美聯社訪問，張洪銘聲稱自己是四川人，2008年從一個技術學校退學，因為他意識到自己什麼都沒學到，然後前往中國東部和南部，從事過很多工作，包括快遞員現在無錫搞牆面裝飾。一個裝修工可以搵到領導人的近身照片，你信唔信呀？

 

在"學習粉絲團"貼出自稱博主的張洪銘相片

而自此「學習粉絲團」帳號，亦會發一些其他領導人的相片和行蹤，同樣有時都會快過官媒，尤其係退休領導人，有時仲係獨家添啦。

到底呢個微博帳號真正身份係咩，真係只有做果個人或者係做果批人先知啦，但隨住呢個帳號出現後，好多不同「民間」帳號出現，經常貼出一些非官媒式的領導人出巡相片，都真係令領導人形象貼近所謂「地氣」(民間)啲啦。

毛拍手

** 博客文章文責自負,不代表本公司立場 **

最近內地社交媒體瘋傳一幅以第一夫人彭麗媛為人物的油畫，呢幅畫其實都被轉載過好多次，稍為留意麗媛媽媽的人都應該見過，今次再度瘋傳，係因為附加的解讀，指呢幅畫的背景得三樣嘢︰「座‧江‧山」。畫呢幅畫時，麗媛媽媽只係後生女，仲未大紅大紫，更未認識後來的老公習大大，歷史真係有啲意思。

瘋傳的博文：

「這幅油畫是歷史給後人的驚奇，1984年，我國著名油畫家靳尚誼找中央音樂學院的一位女大學生當模特畫了一幅油畫。畫中背景只有三樣東西，座.江.山。這位女大學生的名字叫做.彭麗媛。沒想到三十年後這大學生竟成了第一夫人，當初的“座·江·山”現在竟然成了現實。這幅油畫現被中央美院收藏，據說著名股神巴菲特要岀3000萬美金收藏，但被中央美院拒絕。毫無疑問若干年後這幅油畫將是中央美院的鎮館之寶。

 

這幅留下了著名歌唱家彭麗媛青春形象的畫作無疑是當下備受關注的藝術作品。這幅作品是靳尚誼先生（中央美術學院院長）上世紀80年代寫實風格轉折時期最成功的作品之一。與一般的肖像油畫不同，《青年女歌手》用了北宋山水畫家範寬的《雪景寒林》做背景，在真實傳神的西畫筆觸中又透露出中國傳統的意象與韻味。作品的特別之處在於，靳先生別出心裁地將一個現代人物與中國北宋的山水畫通過西方油畫形式融為一體，使中國幾千年的文化傳統與現代生活相聯繫，色調把握和節奏控制處理得天衣無縫。

 

靳尚誼說畫彭麗媛完全是一次偶然，1984年，彭麗媛的老師是他的鄰居，說要介紹幾個班上的學生給他當模特，於是就介紹了三個中國音樂學院的學生過來，其中就有彭麗媛。她是個北方姑娘，紮著簡單的馬尾辮。這幅畫把彭麗媛含蓄而質樸、沉穩而自信的人物特點表現的淋漓盡致。彭麗媛成名後找到靳尚誼要這幅油畫，靳尚誼不同意給這幅原作，在彭麗媛再三要求下，靳尚誼複製了一幅送給了彭麗媛，成為一段藝術佳話。」

聽完呢個故事係咪幾有趣呢？毛拍手亦都聽過一個真人真事的轉述故事喎。京城中經常有大秘書聚會，即係大領導們的秘書，間中都會出來吹水，互探消息，有時各路人馬亦喜歡打入呢類秘書聚會中，可以探知風向嘛。

 

話說九十年代期間，有啲做歌唱演藝的人士亦參與了這些大秘書聚會，佢哋當然話可以搵埋啲當紅歌手出來，一齊卡拉OK吓，包括宋祖英、閻維文，甚至李雙江(內地好紅的軍旅男歌手，前排佢個仔李天一因強姦案搞到滿城風雨)都可以請出來一齊玩，有口痕秘書就問：咁彭麗媛，得唔得呀？！演藝人士即時話：她呀，挺嚴肅的，不太愛跟我們一齊玩，像「國母」似的！

  

口痕秘書話到2007年習大大北上入中南海後，即刻想起呢段廿幾年前的對話，真係中咗上述博文的第一句：歷史給後人的驚奇！