《COURT!》X小姐性感登場最擔心身型令觀眾出戲 Gen Z演員葉澍欣APA畢業首度拍劇踏足片場感夢幻

由MakerVille出品，銀河映像製作的ViuTV原創劇《COURT!》於今天（5月18日）首播，Gen Z演員葉澍欣（阿澍）於劇中飾演猥褻案受害人「X小姐」李朗晶，第一次拍劇的她便以性感造型登場，非常搶鏡！畢業於演藝學院（APA）的阿澍為了演戲不介意性感，反而最令她擔心的是其身型不貼近角色而令觀眾出戲。

《COURT!》截圖

《COURT!》截圖

《COURT!》截圖

《COURT!》

阿澍自小二開始接觸戲劇，曾於校內戲劇節獲得傑岀演員獎，長大後考入APA戲劇學院表演系並於2024年畢業，開始踏上其銀色旅途。首次拍劇的阿澍感到既興奮又緊張，「當時畢業沉寂咗一段時間，諗緊係咪需要另覓高就嘅時候得到呢個機會，非常興奮亦好感恩，多謝身邊朋友陪伴我好好準備角色。」在片場那刻令她很感動，「雖然咁講好誇張，因為機會難得，非常夢幻，因此自己要求亦非常高，好想做好件事，要對得住自己同俾機會我嘅人。少少壓力啦，見到咁多大人物都十分緊張，不過大家都好照顧我，謝謝咁多位對手幫忙！仲有咁多位幕後人員，好幸福遇上咁多好好嘅人。」她特別點名多謝邵美君，「多謝令我得到Casting機會嘅『君仔』邵美君老師，畀機會我同極照顧我，提供滿滿情緒價值畀我嘅監製Elaine（朱淑儀），仲有畀機會我嘅導演Terry（吳家偉）！」

Gen Z演員葉澍欣

Gen Z演員葉澍欣

阿澍畢業於演藝學院

阿澍畢業於演藝學院

IG派福利

劇中飾演李朗晶的阿澍以性感打扮示人，被問到有沒有性感底線？阿澍說：「能夠接到任何角色都係一個難得嘅機會，要好好把握，做演員就係想經歷另一個人嘅生命，幫角色講故事，反而我係擔心自己嘅身型唔貼近角色，令觀眾唔入戲。」她續說：「至於性感底線，視乎角色需要同睇吓係咩劇本啦，暫時全裸係驚嘅，分分鐘觀眾都未必想睇。」她對自己身型沒太多信心，但隨着年紀增長比以往放開了，「特別身邊啲朋友都話『𠵱家唔著靚啲幾時着』？能夠透過唔同角色記錄自己年輕時嘅身型、成長，往後回望返都係一件幸福嘅事。」

最近忙於排練中英劇團的音樂劇《邊城》及拍攝工作的阿澍，同時亦有做兼職和教育工作維持生計，「短期夢想希望能夠只以演員身份就能夠維持到生活。我係一個唔能夠畀自己停低嘅人，會學唔同嘅興趣填補下空缺嘅時間，學日文、跳舞，會同朋友拍吓唱歌跳舞Cover，所以…..歡迎任何工作邀請。」

由MakerVille出品、銀河映像製作的原創劇《地獄大狀》現正熱播，劇中飾演高年級女生的葉澍欣（阿澍）繼《COURT!》的「私影妹」X 小姐後再有新作推出，她提醒大家要打開電視收看，又指今次是「清純學生擔當」。

《地獄大狀》演高年級女生。

《地獄大狀》演高年級女生。

《COURT!》演 X 小姐。

新生代演員葉澍欣。

新生代演員葉澍欣。

新生代演員葉澍欣。

阿澍透露第一次於拍攝現場有武術指導，表示既興奮又有新鮮感，並將束起馬尾的學生妹造型曝光。她笑言：「好想有型！至於喺呢套戲型唔型呢......睇過先知！」她提醒大家：「係時候打開電視，《地獄大狀》，逢星期一至五 21:30-22:30。一睇就知今次係清純學生擔當。」她又感謝劇集監製朱淑儀及導演黃偉傑給予演出機會。網民紛紛讚好，並留言：「放咗學去私影，其實都好合理嘅」、「第2張似學校大家姐」。