監製朱淑儀透露《COURT!》非劇集原名 Elaine讚觀眾聰明怕浮誇劇情令人抽離

由MakerVille出品，銀河映像製作的原創劇《COURT!》播映至今大受歡迎，成為不少觀眾每天茶餘飯後的熱話。入行多年的劇集監製朱淑儀（Elaine）大讚觀眾比以前聰明，並謙稱自己不知道觀眾的口味。她又透露《COURT!》是後期改的名字，原來拍攝期間的劇集名稱為《真相》。

《COURT!》主創和演員日前齊上ViuTV綜藝節目《8點直樂VIURIETY》

《COURT!》主創和演員日前齊上ViuTV綜藝節目《8點直樂VIURIETY》

《COURT!》主創和演員日前齊上ViuTV綜藝節目《8點直樂VIURIETY》

《COURT!》主創和演員日前齊上ViuTV綜藝節目《8點直樂VIURIETY》

不懂觀眾口味

蹤然投身影視行業數十年，朱淑儀自言不懂得觀察觀眾的口味及當中的轉變，「唔識喎，我覺得觀眾嘅口味係每一刻都會變，同埋觀眾嘅層面係指乜嘢年紀、乜嘢時代嘅觀眾先？我唔能夠概括而論。90歲係觀眾，10歲都係觀眾，究竟20歲觀眾係因為佢媽咪影響到佢嘅口味，定係調返轉，媽咪被個仔影響到口味呢？」她強調：「觀眾口味我就真係唔識喇，我識就叻咗啦，成為咗一個好叻嘅商業界別嘅人。但我估佢哋會想睇好睇嘅嘢，無論係視覺效果、美學、鏡頭，大家攞住手機都好識拍，都係一個美學家嚟㗎，影幅自拍會搵邊個角度最靚，每一個觀眾都識㗎啦，分分鐘好多專家。」

《COURT!》主創和演員為劇集最後階段宣傳及分享角色趣事

《COURT!》主創和演員為劇集最後階段宣傳及分享角色趣事

《COURT!》主創和演員為劇集最後階段宣傳及分享角色趣事

《COURT!》主創和演員為劇集最後階段宣傳及分享角色趣事

浮誇劇情難投入

她覺得觀眾比以前更聰明，「肯定嘅！媒介太廣，佢哋已經唔係以前開個電視得嗰兩、三個台，而係有好多選擇。只要畀個機頂盒佢就睇晒世界各地嘅嘅戲。以前唔係嘛，我睇唔到。𠵱家你鍾意乜嘢都得嘅，太多嘢畀佢揀，所以究竟佢哋鍾意啲咩呢？鍾意食西餐咪食西餐囉，有啲人鍾意灑狗血咪睇灑狗血囉，有啲人鍾意睇Art Film咪揀Art Film。」她又謂：「𠵱家嘅人太叻，當佢認知咗嗰樣嘢嘅寫實時，浮誇咗或者真係太假，佢會投入唔到、抽離咗，進入唔到你嘅劇情。」

創作中引共鳴

正所謂一劇之本，劇本是一部劇集必備且非常重要的資產。朱淑儀指：「劇本某程度係虛構㗎嘛，其實佢係無中生有嘅，呢樣嘢就係創作囉，呢個創作就係觀眾想睇一啲佢做唔到嘅嘢。」她覺得：「觀眾係睇真實，同埋睇你個Creative裏面有幾多嘢係吸引到佢嘅視線。可能𠵱家興情懷，《城寨》（《九龍城寨之圍城》）係令佢有一種情緒喺裏面，覺得進入到有共鳴嘅位，又抒發到佢嘅心情、想法，個社會同時係每一個人經歷緊嘅嘢。」

暫名曾為《真相》

劇集拍攝期間，當時的暫名為《真相》，後來才更名為《COURT!》。朱淑儀透露：「之前叫《真相》，但發現原來曾經有其他劇集用過，我哋唔想重複用人哋用過嘅嘢，亦都對人哋唔係咁禮貌，唔想抄襲，所以我哋再去考慮其他名。」

ViuTV原創劇《COURT!》於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

《COURT!》劇照

《COURT!》劇照

《COURT!》劇照

《COURT!》劇照

《COURT!》劇照

《COURT!》劇照

肥腸於《COURT!》劇中飾演余大狀（張達倫 飾）的徒弟，而家樂於劇中則為謝大狀（湯駿業 飾）的徒弟。肥腸指：「我哋最大嘅特別就係我哋嘅對比……」。家樂拍拍大髀笑言：「對髀。」肥腸續說：「我哋出場由啲File話畀大家聽，我啲File係色彩繽紛啲，而家樂嘅就……」家樂補充：「比較灰灰沉沉，穩陣啲。監製形容我係郭靖嚟，所以我個人就好忠忠直直、穩打穩紮。」肥腸指：「我就Smart啲嘅，有時有啲鬼點子、鬼主意。」

二人對真相有不同看法，肥腸認為：「真相係有理說不清嘅嘢，有啲嘢係你一個真相，我一個真相，咁實際嘅真相又係咩呢？」家樂聽後表示：「嘩！好有趣喎！因為我係諗住真相只有一個，只不過係你知唔知個真相係咩，但真相就永遠只係得一個。」肥腸謂：「我哋嘅性格真係好大分別。」

肥腸看畢劇本後覺得很有趣：「佢用幾場官司去呈現咩叫公道，或者咩叫公平、公正，佢就會借呢幾個官司去比喻出嚟，或者叫大家思考。」家樂則覺得：「最有趣嘅位係真相、法律到底係啲咩嚟？法律係咪可以保障到大家嘅權利、權益呢？佢保障到嘅到底係唔係就係嗰個真相呢？呢個係我睇完劇本之後好有反思。」他續說：「我哋今次又係好巴打，其實我覺得真相係好重要嘅，但親情都好重要，有啲嘢就係人同人之間嘅關係一可見會比真相更加重要，希望大家都珍惜當下有嘅嘢。」

而駱振偉指，其角色C朗是一個精英：「C朗同Ah Dee（湯駿業）佢哋一樣係一個律師，係精英之一，但精英嘅層面唔同，我係擦鞋精英中嘅精英，佢哋就係實力嘅精英。擦鞋都有技巧㗎嘛，有咩唔明，問我！」他謂：「其實本身我真人就真係唔係好叻（擦鞋），但我覺得平時其實真係好容易會見到呢啲場面，就算我哋今日拍攝，我哋導演射咗好多球波，射完之後大家都，『嘩！都未見過人射波咁靚㗎！』總之將啲最浮誇嘅嘢講晒出嚟，但係講緊時候要有份真心、真摯，令嗰個人聽落去真係覺得舒服、貼心，嗰個就唔係擦鞋喇，嗰個係真心嘅讚賞，呢啲入咗血喇。」

拍攝煞科戲當天，每位演員都非常拼搏，駱振偉說：「汗係水珠級，大家都真係好拼搏，聽聞Ah Dee仲要收凌晨一點，聽聞佢哋今朝七點幾就開波，都真係唔簡單㗎。場內工作人員都Keep住提大家飲吓啲甜嘅嘢，因為真係未必頂得順，熱情十足！」他認為：「真相我從來都係覺得冇咩絕對㗎，除咗係科學嘅真相，其他都係因人而異，我覺得人從未都係鍾意聽自己想聽到嘅嘢，就算我兜口兜面同你講咗一啲嘢，係一個事實都好，但你唔想聽，你都會聽咗另外一樣嘢為之真相。」