由MakerVille出品，銀河映像製作的ViuTV原創劇《COURT!》現正熱播，不少劇迷一邊煲劇一邊於網上討論劇情，反應熱烈。監製朱淑儀（Elaine）大感驚喜，並透露選角準則及製作背後的點滴。
ViuTV原創劇《COURT!》現正熱播
朱淑儀大讚素人演員。
播了一週的《COURT!》於網上討論度甚高
《COURT!》記者會大合照
播了一週的《COURT!》於網上討論度甚高，朱淑儀表示：「係有驚喜嘅，因為我冇諗過嗰個效果，網民睇得都幾仔細，我睇到嘅評語都係幾正面。」她很好開心劇中演員備受關注，「觀眾見到佢哋嘅努力， 呢個就係最難得。」她坦言拍攝法庭這種題材對觀眾來說並不新鮮，「我去Cast佢哋嘅時候，我得一個重點就係咬字要清楚，呢個係律師團體顧問去教育我哋。我成日都會同佢哋講盡量讀得字正腔圓，特別係肥腸，肥腸係有懶音嘅，有啲發音佢做唔到，所以Cast佢之前要佢返去讀多啲，不過佢事前係唔知自己Cast緊律師。」
點擊看圖輯
ViuTV原創劇《COURT!》現正熱播
朱淑儀大讚素人演員。
播了一週的《COURT!》於網上討論度甚高
《COURT!》記者會大合照
監製朱淑儀（Elaine）
監製朱淑儀（Elaine）
她相信演員的努力能被看見，「佢哋會見到Stanley嘅表演，甚至朱仔，朱鑑然真係英俊到不得了嘅，仲要係有嗰種力量，佢唔係個衰人但又有少少古惑味，係好有質地。娟姐又另外一種，表現出唔係平時留低畀觀眾嘅一個印象，佢唔係叻晒，又要有佢嘅騰雞、做錯嘢，拿捏呢種內心戲。錦程老師就唔使講啦，佢企出嚟就係一個氛圍。」
不少新臉孔於劇集中嶄露頭角，朱淑儀大讚素人演員，「葉澍欣、劉家聰對觀眾嚟講係個素人，其實佢哋係科班嘅，學呢一科出身，但對觀眾嚟講係陌生嘅面孔，第一次拍劇。我唯一嘅選角嘅時候，就同導演、乃海都提過，我嘅想法就係想一啲犯案嘅人、證人都係陌生嘅，生面口，觀眾會容易入去啲。如果你一擺落嚟就係明星，佢又有個既定印象，演得好唔好嘅啫，就冇咁入肉嘅，所以我就劃分咗呢兩樣嘢。」她很開心獲得副導演的協助，「好貼近知道我需要啲乜嘢去選角，呢個功勞佢係應記一功，好多配套佢係做得好好。但係Main嘅我就通常會親自做Casting，即係你見到嘅阿澍我係自己搵嘅，仲有艾文都係自己去尋求。邵美君本身係一位好好嘅演員，又係戲劇老師，佢推薦呢個小朋友阿澍畀我，Casting時有被震撼到，其實同一個角色有Cast唔同人，大家都好好，佢係突圍而出嘅。」
她又透露尋找新演員的方法，「IG真係太好，就係你撳APA，例如 2022、2023、2024， 每一屆都好多相，我就會揀。我會揀舞台劇演員，因為佢哋就係有個湯底，本身係學呢一科。一係就係各個經理人公司嘅新一代演員，或者係參加任何比賽嘅新人，無非都係呢幾個界別。」
