古淖文（German）為新歌《On The Rocks》拍攝MV的花絮早前在社交平台發佈。影片中，German化身斜杠族酒保兼老闆。這首新歌吐盡都市人壓力背後的辛酸，而為配合歌曲主題，MV更請來《中年好聲音》的同學們友情演出酒吧常客。歌詞反映了「男人的浪漫」，而拍攝花絮中，見到German與劉威煌、梁浩賢、甘永傑及丁文俊談笑風生。
古淖文（German）將於明日（20日）推出新歌《On The Rocks》。
MV中German化身酒保兼老闆。
《On The Rocks》由梁子龍負責作曲、編曲及監製，並由龍世傑作詞。新歌將於5月20日全球音樂平台發行上架。同日晚上8時，MV將會在TMG YouTube作出首播。
點擊看圖輯
古淖文（German）將於明日（20日）推出新歌《On The Rocks》。
German邀來《中年好聲音》戰友劉威煌、梁浩賢、甘永傑及丁文俊友情演出酒吧常客。
German邀來《中年好聲音》戰友劉威煌、梁浩賢、甘永傑及丁文俊友情演出酒吧常客。
展現「男人的浪漫」。
TVB音樂選秀節目《中年好聲音4登峯之戰》於8月23日晚上假啟德體藝館隆重舉行，古淖文、譚輝智兩位師兄齊齊接受訪問，非常搞笑。
古淖文、譚輝智
古淖文、譚輝智
古淖文、譚輝智
古淖文和譚輝智難得合體受訪，齊齊向記者大派笑彈。古淖文笑謂：「終於阿譚生賞面同我一齊做下訪問。」譚輝智指：「成日見㗎喎我哋。」古淖文附和：「見就成日見嘅，但係如果你話 group 埋一齊做嘢就真係幾少。」被問到見面通常做甚麼？古淖文、譚輝智異口同聲地表示：「食嘢囉。」古淖文補充：「傾下計囉。」譚輝智忽然說：「兒童不宜。」古淖文隨即謂：「你唔好亂嚟啊譚生，即係我哋好多時都坐低就係咁傾啦，就食嘢啦，所以都冇話特別去拍片，同埋我哋兩個又真係麻麻哋。」譚輝智說：「拍片就少啲嘅。」古淖文認同道：「你係真係少好多。」譚輝智解釋：「因為一見到 German 就放低手機，太多嘢傾同佢。」古淖文同意道：「都係㗎。如果真係好食嘅我先至會擺上網，因為都係一個責任，即係唔好話係又話好食係又話唔好食，真係好食嘅咁就大家分享下囉。其實你都可以㗎，你又鍾意食拉麵又食點呀你。」譚輝智指：「我有㗎其實，私底下珍藏好多呢啲嘢。」古淖文大爆：「我知你有個小小 youtube channel 嗰啲。」譚輝智否認：「冇呀冇 channel 呀，自己自睇嘅啫，即係自 high，自 high 嘅 channel 畀自己睇，因為我成日都試新嘢，影相囉，片就少啲嘅，因為我嘅食相都一般。」古淖文謂：「咁人哋鍾意睇你食好嘢，食相就唔介意嘅。」譚輝智和應：「都係嘅。」
古淖文、譚輝智
古淖文、譚輝智
古淖文、譚輝智
被問到有否留意今屆的師弟、師妹？譚輝智表示：「現場我真係第一次睇啦，好犀利，其實我覺得七個都好誇張，你話邊個會贏我都唔知，因為佢哋好七個實力都好相當、好接近，七個都好好。」古淖文亦謂：「事實真係好好，兩個都叫過來人，真係要去到嗰一日嘅狀態好唔好，心態，夠唔夠瞓呀，把聲有冇開呀，最緊要揀啲歌啱唔啱，即係發唔發揮到你自己個所唱呢樣嘢。」
譚輝智預告將與關嘉敏首度合作，「做一場，咁呢個都好期待（有冇睇過關家文嘅肚皮舞呀？）有呀，我就係睇到佢嘅肚皮舞，我就問佢會唔會表演吓咁樣，咁佢都冇覆我，從此就冇覆我，完咗個話題。」古淖文表示：「咁呢個我想睇喎，即係你生日嗰一日就跳肚皮舞。」譚輝智說：「咁就唔好啦，肚皮喎大佬，我嗰啲腩嚟㗎喎。」古淖文謂：「冇問題，遮住佢囉，打格仔。」譚輝智說：「都可能㗎我其實，心血來潮，我有機會㗎，我都捉摸唔到自己。如果佢叫我我咪跳。」古淖文笑指：「我有陣時都捉摸唔到你㗎。」古淖文亦預告將於10月推出新歌，「真係慢歌啦，真係大家聽嗰啲好，虐待自己個心嗰啲，慘慘嗰啲慢歌，今次就真係要一首正正經經嘅慢歌囉 k 歌囉，咁就希望大家期待囉。」
