堅尼地城驚現堅離地「千元香口膠」 　網民：千祈唔好執！

中西區堅尼地城日前發生一宗「堅離地」怪事，有網民在社交平台Threads撰文指，在該區跑步時，發現地上有一張被摺皺的1000元港幣，好奇心驅使下，他拾起查看，竟發現這張千元大鈔並非遺失，而是被人當作紙巾，用來包裹一塊咀嚼過遺棄的香口膠。該名網友拍照「打卡」後，「忍痛」將鈔票放回原處，並感嘆：「港島嘅人係咪真係有錢到咁？」

《愛回家》劇照，示意圖片

事件曝光掀起網民熱議，不少人笑言完美體現何謂「貧窮限制想像」：「紙巾係窮人用」、「真有錢，用1000蚊包香口膠」、「成件事係個有錢佬用1000蚊嚟當清潔費」、「香港人真識慳錢，吐在地上要罰3000，用1000包着，慳咗2000了，清潔姨姨執到一定好開心」、「正常啊 ，堅尼地城吖嘛，如果唔係點堅離地」、「可能夜晚跑步，太黑睇唔清楚， 以為係紙巾，吐完即丢」、「佢應該係褲袋裏面有張紙巾同埋一張1000蚊紙，佢想攞紙巾時攞錯咗」

threads圖片

threads圖片

不少網民亦紛紛警告事主：「千祈唔好執」、「最得人驚係碰瓷黨」、「降頭？借運？」、「一千蚊要特登唱，特登唱完仲要攞嚟包香口膠」、「會唔會係求救訊號？喺高處掟落街，用香口膠有少少重量」、「呢個咁奇怪，我就點都唔會執囉」

示意圖片，《愛回家》劇照

世界之大無奇不有，日前就有Lalamove司機在網上分享一張「騎呢」訂單截圖，隨即引爆全城熱議。一家四口召車，竟然選擇電單車？近日有訂單顯示，乘客需要從大埔瑞安街前往沙田水泉澳邨月泉樓，備註欄竟寫明「坐人，2大2小」，預計車資為108元。而最令人震驚的是，乘客所選擇的車種竟然是「電單車」，明顯超出法定的載客限制，司機忍不住以「馬戲團？」為題發文，瞬間引來網民爆笑熱議。

fb圖片

訂單截圖在「Lalamove Gogovan 西客乞衣關注組」曝光後，網民紛紛對「2大2小」如何擠上一架電單車感到匪夷所思：「5個人（即連同司機）一架電單車，行吐露港？」、「2大2小騎膊馬？」、「歡樂滿東華」、「我見印度係得嘅」、「印度一架電單車閒閒地（坐）10幾人」、「佢（乘客）家鄉應該係印度」、「要搵印度司機先接到」、「所以咪話彈性囉，俾啲彈性啦」。

印度國慶閱兵資料圖片。

印度國慶閱兵資料圖片。

印度國慶閱兵資料圖片。

亦有不少網民推測，極有可能是乘客下單時「手誤」或「睇錯」：「佢係咪以為電單車係的士？」、「見到電單車平啲就撳」、、「覆個客，行4轉每轉收108蚊，ok嘅」