戴祖儀為工作盛裝上陣 高衩禮服大晒晒逆天長腿索爆

TVB「長腿小花」戴祖儀（Joey）一向「惜肉如金」，甚少以性感打扮示人，平日打扮亦以悠閒為主，大多只是show show招牌長腿，近日她就在社交平台晒出盛裝打扮工作的靚相，並幽默地說：「只有在工作才會打扮的祖儀。」

戴祖儀\一向甚少以性感打扮示人。

平日打扮以悠閒為主。

相中可見，戴祖儀以一身黑色off-shoulder禮服上陣，高衩的設計將其招牌長腿展露無露，整個造型相當高貴優雅，網民亦紛紛留言大讚：「會否太靚」、「理想的女朋友」、「越來越靚，越來越有氣質」、「啲仔俾你媾晒啦」，連圈中好友陳煒都忍不住留言盛讚：「索！」

戴祖儀IG圖片

戴祖儀IG圖片

戴祖儀IG圖片

藝人戴祖儀（Joey）早前與一班好友飛到韓國旅行，原以為今次同行的大多是「媽媽級」朋友，行程應該較為悠閒，點知現實卻完全相反！一班媽媽戰鬥力驚人，不但腳骨力十足，仲將逛街購物當成主要節目，由朝行到晚都完全唔覺攰，令Joey大感震撼。

戴祖儀與一班「媽媽級」好友飛到韓國旅行

她在社交平台搞笑分享旅程感受，笑言：「喺呢一班媽媽們嘅帶領下，有一個好滋養嘅行程，笑話。每日一擘大眼只能行街，嘢都冇得我食。」更驚嘆一眾好友外表美麗優雅，實際上卻個個都已經生咗兩個以上小朋友，體力依然超強。

呢班「媽媽級」好友有超強腳骨力

呢個trip幫到瘦身

Joey亦自嘲自己在腳骨力方面完全包尾，但如果講到「捱餓能力」就一定穩奪冠軍。好友吳若希亦忍不住留言取笑：「捱餓嚟講，你係有經驗嘅！我哋係真心佩服嘅。」

自嘲捱餓冠軍

原來Joey早前為音樂劇《Nancy戀噏Show》積極瘦身，因此已經練成超強忍口技能。她更笑稱：「我依家已經訓練有素啦！人哋168我依家可以231。」一句即再度惹來網民爆笑。