蘇雅琳邀劍神蔡俊彥客串新歌MV Ivy@COLLAR唱出暗戀矛盾讚Ryan夠Cute

樂壇女子組合COLLAR成員Ivy蘇雅琳，繼推出單曲《給你一隻大口仔》後，昨日再推出情歌《原地拖手》，演繹暗戀的情懷及心情，今次MV更邀請了本年度宣布進軍樂壇、港隊劍神蔡俊彥Ryan上陣客串，對於二人首度合作，Ivy表示感覺十分有趣，笑言阿媽知道她跟劍神合作後，連阿媽都很高興。

蘇雅琳

蘇雅琳

蘇雅琳推出情歌《原地拖手》

蘇雅琳推出情歌《原地拖手》

新歌《原地拖手》由舒文監製、吳林峰作曲、Ivy親自填詞，描繪一個女仔暗戀一個男仔時的狀態：天馬行空所想的情景，及帶有心動亦自感「諗多咗」的矛盾心情，Ivy表示：「其實呢首歌好大部分idea來自於舒文，方向上係佢觀察嘅我，因為我星座係獅子座、月亮星座係水秤座，佢覺得我個人應該幾『跳』，事實都係，我喺屋企會做啲好奇怪嘅嘢，就決定歌曲向呢個方向，再加上想寫情歌，就變成一個女仔去暗戀一個男仔所諗嘅古靈精怪嘢，胡思亂想，有啲心動，又有啲覺得自己諗太多，好矛盾嘅狀態。」

Ivy親自填詞

Ivy親自填詞

Ivy親自填詞

Ivy請來劍神蔡俊彥Ryan客串

Ivy請來劍神蔡俊彥Ryan客串

曾暗戀足球隊長

Ivy續說今次歌曲有別於平時要傳遞訊息，所以沒有觀點、沒有睇法與期望，純粹講暗戀感覺，問到Ivy現實可有曾暗戀他人？她大方地說：「梗係有！小學暗戀過一個孖仔嘅哥哥，佢係足球隊隊長，好charm，不過升中之後就冇見。」

說到新歌MV，Ivy請來劍神蔡俊彥Ryan客串，她表示：「其實同Ryan上星期先認識，幾開心，大家都係26年嘅新人，平時都有留意對方，好開心可以合作，我話畀阿媽知同Ryan合作，阿媽都好開心；幾有趣，平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，有啲內斂，都幾cute。」

今次再次跟COLLAR另一成員Candy王家晴同日出歌，Ivy可有擔心分散click rate？Ivy指：「一齊出歌，從來都唔擔心呢啲嘢，反而我覺得係一種陪伴，希望下一首歌都可以一齊出，有人陪伴冇咁驚。」

鬼王潘紹聰的王牌節目「恐怖在線」，今年推出哈囉喂劇場《鬼到盡頭》，演出以來深受觀眾、fans及娛樂圈朋友歡迎。場場爆滿，連日來有不少圈中人來捧場，先後包括Anson Kong@MIRROR（江𤒹生）、導演邱禮濤、方力申、蒙嘉慧、鄧智堅、霞姐@香城映画（張錦霞）、妹頭（盧頌恩），以及曾參與哈囉喂劇場的Alton@MIRROR（王智德）、Candy@COLLAR（王家晴）、Dee@ERROR（何啟華）、童童@小薯茄（蔡曉童）、嘉盈@FHP（王嘉盈）等。即將迎來終極尾場（8日），劇組宣佈尾場將加演一幕「黎惜貴紀念中學」最後畢業禮，屆時由Edmond（潘紹聰）帶領下全體唱校歌。

潘紹聰（Edmond）的哈囉喂劇場《鬼到盡頭》演出以來場場爆滿，連日獲Anson Kong、邱禮濤、方力申、蒙嘉慧等圈中人捧場。

以及曾參與哈囉喂劇場的Candy@COLLAR（王家晴）與Dee@ERROR（何啟華）等。

日前一班演員在台上演出期間，發生疑似靈異事件，潘紹聰（Edmond）也被嚇親，他說︰「當時演緊一場上堂戲，突然多咗把聲，我當時覺得好奇怪，大家互相對望，有少少方寸大亂，觀眾會以為係效果。」麥沛東也在台上被嚇親，他說︰「剛好我講完我嘅台詞，就有呢段聲出現，當刻個個都嚇親，我真係驚㗎！」事後Edmond了解過，原來段聲音是幕後工作人員的錄音，用於試咪，卻無端端播了出來，估計是技術上問題。

日前演出期間發生疑似靈異事件，台上突然多了一把聲音，Edmond與麥沛東都被嚇親，全體演員互相對望、方寸大亂。

尾場（8日）將加演「黎惜貴紀念中學」最後畢業禮，由Edmond帶領全體唱校歌。

郭羡妮坦言每場都喊，曾喊到撕心裂肺。

到昨晚（5日）第八場，已進入倒數階段，一眾演員開始有點不捨。每場演出情緒大起大落的郭羡妮，她坦言感受最深，她說︰「初初來到呢個場排台、燈、聲時都好驚，尤其是怕自己唔記得台詞，來到第八場已經好暢順，自己場場都要喊，有一場我自己喊到撕心裂肺，感受好深。」至於談善言好enjoy每一場演出，她說︰「見到觀眾反應好好，驚嚇部分每場觀眾都有唔同嘅反應，見到大家努力係冇白費。」

至於ANSONBEAN同樣感到不捨，他說︰「今次係自己第一次演舞台劇，我好鍾意呢個角色，雖然之前排練得好辛苦，又有壓力，但我覺得自己好似學生咁，大家都係我嘅前輩，令我學到好多嘢。尤其多謝Day@COLLAR，唔係得自己一個，我哋一齊進步，今次嘅經歷，真係畢生難忘。餘下嘅五場，我會好珍惜每個機會。」Day@COLLAR表示頭場時，真的好緊張，第一次演舞台劇又是大場，幸好有前輩引領住大家。

ANSONBEAN表示不捨。

Day@COLLAR（許軼）亦珍惜餘下場次。