蘇雅琳邀劍神蔡俊彥客串新歌MV Ivy@COLLAR唱出暗戀矛盾讚Ryan夠Cute

樂壇女子組合COLLAR成員Ivy蘇雅琳，繼推出單曲《給你一隻大口仔》後，昨日再推出情歌《原地拖手》，演繹暗戀的情懷及心情，今次MV更邀請了本年度宣布進軍樂壇、港隊劍神蔡俊彥Ryan上陣客串，對於二人首度合作，Ivy表示感覺十分有趣，笑言阿媽知道她跟劍神合作後，連阿媽都很高興。

蘇雅琳

蘇雅琳

蘇雅琳推出情歌《原地拖手》

蘇雅琳推出情歌《原地拖手》

新歌《原地拖手》由舒文監製、吳林峰作曲、Ivy親自填詞，描繪一個女仔暗戀一個男仔時的狀態：天馬行空所想的情景，及帶有心動亦自感「諗多咗」的矛盾心情，Ivy表示：「其實呢首歌好大部分idea來自於舒文，方向上係佢觀察嘅我，因為我星座係獅子座、月亮星座係水秤座，佢覺得我個人應該幾『跳』，事實都係，我喺屋企會做啲好奇怪嘅嘢，就決定歌曲向呢個方向，再加上想寫情歌，就變成一個女仔去暗戀一個男仔所諗嘅古靈精怪嘢，胡思亂想，有啲心動，又有啲覺得自己諗太多，好矛盾嘅狀態。」

Ivy親自填詞

Ivy親自填詞

Ivy親自填詞

Ivy請來劍神蔡俊彥Ryan客串

Ivy請來劍神蔡俊彥Ryan客串

曾暗戀足球隊長

Ivy續說今次歌曲有別於平時要傳遞訊息，所以沒有觀點、沒有睇法與期望，純粹講暗戀感覺，問到Ivy現實可有曾暗戀他人？她大方地說：「梗係有！小學暗戀過一個孖仔嘅哥哥，佢係足球隊隊長，好charm，不過升中之後就冇見。」

說到新歌MV，Ivy請來劍神蔡俊彥Ryan客串，她表示：「其實同Ryan上星期先認識，幾開心，大家都係26年嘅新人，平時都有留意對方，好開心可以合作，我話畀阿媽知同Ryan合作，阿媽都好開心；幾有趣，平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，有啲內斂，都幾cute。」

今次再次跟COLLAR另一成員Candy王家晴同日出歌，Ivy可有擔心分散click rate？Ivy指：「一齊出歌，從來都唔擔心呢啲嘢，反而我覺得係一種陪伴，希望下一首歌都可以一齊出，有人陪伴冇咁驚。」

女團COLLAR成員Ivy蘇雅琳、Day許軼、Candy王家晴，合體首次推出《After One More Bite》相集搶攻今年書展，並於7月15日假香港會議展覽中心舉行簽書會。《After One More Bite》透過食物作聯繫，展現三人在城巿中輕鬆與真實的氛圍，從而帶出享受當下，更披露COLLAR全員都是嘴饞之徒，但為體態統統變成「一啖之鬼」，就連一粒麻糬波波亦要四人分吃，可見女團唔易做。

Candy、Day、Ivy（左至右）

Candy

Day

Ivy、Day、Candy（上至下）

Ivy、Day、Candy（左至右）

Ivy、Day、Candy（左至右）

Ivy、Day、Candy（左至右）

Ivy

Candy食嘢夠治癒

《After One More Bite》顧名思義以食物為主題，提到「食嘢」二字，原來正是COLLAR三位成員Ivy、Day、Candy的共同喜好，Candy表示：「我哋三個都好鍾意食嘢，之前有化妝師話睇我哋食嘢個樣好治癒，就算係好簡單如蕃薯，都會畀人覺得好似好美味咁樣，記得有次我喺化妝師面前食蕃薯，令佢好想食，放工後佢立即買一條當午餐。而今次相集想追求最自然最純粹嘅感覺，我哋認為食物帶畀我哋嘅快樂係最直接嘅。」

《After One More Bite》相集

Ivy請客換回憶

三人認為「美食」是COLLAR的關鍵字，7位成員都是嘴饞之徒，所以每當COLLAR共享美食就是最快樂時光，不過為了體態，她們不得不戒口，更要成為「一啖之鬼」，Ivy坦言成為「一啖之鬼」過程十分艱苦：「除咗戒口之外，人嘅回憶連繫住五感，我覺得美食係儲存咗好多回憶，例如小學我會記起同同學分享紫菜同朱奶；中學我會記起小賣部嘅撈麵；朋友間我會記得掃街嘅小店，所以戒口嘅時候，好多時會忍吓忍吓，同自己講遲啲先食，最後迎來係回憶中嘅小店結業，真係會傷心到喊！同埋同屋企人、朋友嘅聚會，都冇得開懷大食，都少咗啲回憶。」不過現在的Ivy已開始拿捏得到，所以就算成為了「一啖之鬼」，她會請大家吃美食，然後自己吃一啖，起碼滿足到回憶！

Day為食願嘗試

至於三人當中哪位最嘴饞？Candy首選是Day：「必然是Day，佢對食物充滿獵奇心態，對唔同創新嘅配搭，都會想嘗試。佢對食物嘅愛係真心，而且可愛。」Day亦同意自己是三人之中最嘴饞，Day表示：「因為我係好鍾意試好多新嘅嘢，任何新嘅食物，我都好願意嘗試。」不過Ivy就認為自己是「為食之鬼」，更自爆自己可以有好大食量。

為了今次的《After One More Bite》，Ivy、Day、Candy進行了兩日拍攝，由清晨五點化妝拍到黃昏，走訪香港大大小小的街頭角落，尋找美食及回憶，對於此，三人樂此不疲，Ivy與Candy指最難忘到公園拍攝，當中Ivy說：「呢個地方感覺好有童年嘅味道，我哋喺個公園度食雪糕、玩吹波膠、食燒賣、跑嚟跑去，就好似穿越時空咁，同啲小學同學喺樓下公園玩咁！」Day最難忘是在中環街頭吃砵仔糕同魚蛋：「偶然會出街食飯，但好少會『掃街』，好記得喺中環街頭食嘢嗰幕，有好多遊客望住我哋究竟食緊乜嘢，好有香港特色。」

《After One More Bite》簽書會資訊
日期：2026年7月15日（星期三）
地點：香港會議展覽中心 點子出版（攤位：Hall 1B-E02）
出席藝人：Ivy、Day、Candy@COLLAR
時間：
第一場 11:00-14:00（名額300個）
第二場 14:30-17:30（名額300個）