香港探秘地圖｜關嘉敏搞笑自封「旗袍Julia」潘靜文克服恐懼瞓古裝街女廁勁專業

由王偉仁（Simon）監製、李昊、陳可兒編審的靈異輕喜劇《鼎植口腔呈獻：香港探秘地圖》，逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉雯、孔德賢、袁文傑、楊玉梅、關曜儁、黃子桐等。

Carman呢個Look真係女人味大爆發。

昨晚（5月29日）一集《香港探秘地圖》集合輕鬆搞笑與驚嚇靈異於一身。經典電影《神功靈戲》開拍續集，文彬（丁子朗飾）獲好友攣毛（侯雋熙飾）介紹擔任副導演。電影海選當日，其中一位海選者凱泳（潘靜文飾），竟與第一集離奇死亡的女主角詠姐（潘靜文分飾）神撞樣兼撞聲，順利成章被欽點成續集女主角。電影開鏡當日怪事頻生，凱泳除疑似吃了被鬼瀨過的有蟲燒肉，更在女廁疑似撞鬼，最終被嚇至送院…之後拍攝現場不時傳來詭異女聲，道具衣櫃又離奇出現會自然燃燒的鮮紅色戲服！為一探究竟，一臣（黎耀祥飾）與死對頭龍貴（袁文傑飾）狹路相逢……

佢自封「旗袍Julia」。

關嘉敏揭首集泳衣造型背後勁多功夫
昨晚一集焦點場口，絕對是《神功靈戲》續集女主角海選及片場鬧鬼。在海選場口，單元主角Julia（關嘉敏飾）及凱泳（潘靜文飾）分別以成熟艷麗及清雅仙氣旗袍Look現身，前者憑體態撩人的中國舞步突圍，後者則憑淡雅加幽怨神緒吸引評審垂青，各有各吸睛。值得留意的是，平時感覺較Man的關嘉敏，穿上旗袍後女人味飆升，難怪她在個人社交網亦忍不住自封「旗袍Julia」。雖然關嘉敏Carman的海選場口只有數秒，但為了效果她按監製導演臨場要求大跳中國舞，Carman事後受訪時也笑言即興跳中國舞好玩：「因為着住旗袍，同埋有絲巾，出到嚟個個都話好靚，話我真係好似舊時啲人，我都好開心。」談到首集泳衣及今集旗袍Look獲讚，Carman感恩劇組在角色造型方面花了不少心機功夫，她續指單是為了首集的火紅泳裝，事前也試了5至7款泳衣，足證製作認真。

Carman第一集呢個Look爆咗。

感激工作人員貼心消毒廁所地下
至於鬧鬼場口，最經典當然是潘靜文Sherman食了鬼叉燒狂嘔，及在女廁被疑似女鬼嚇到暈低。談到為拍劇獻出人生首個瞓廁所，Sherman感激劇組貼心為她消毒地下：「我都係因為今次，先知道古裝街嗰邊有個洗手間，呢個洗手間我諗大家平時都好少用，因為嗰邊夜晚真係都幾恐怖。但為咗今次拍劇，就要入個廁所同埋要瞓喺地下，起初都會驚污糟，但我覺得為咗拍戲冇所謂，同埋工作人員好好，事先消毒好晒，我瞓落地下時其實好大浸清潔劑味，所以感覺上ok。」談到首試大戲妝，Sherman搞笑地說最令她擔心的其實是「圓面」：「本身我面形唔係好靚，但係化呢個大戲妝全部頭髮撥晒去後面，所以好擔心自己塊面上鏡會好大，但係又好似出嚟效果冇我想像中咁差。」

即使係劇集入面嘅道具海報，製作都好認真架。

Sherman呢個Look好靚。

呢個表情好正。

為咗拍劇鼓起勇氣喺咁恐怖嘅氣氛下瞓女廁，Sherman勁專業。

翻唱鄧麗君名曲《何日君再來》壓力山大
談到在劇中要翻唱一代歌后鄧麗君經典名曲《何日君再來》，潘靜文接受tvb.com獨家訪問時坦言「壓力山大」：「因為原唱係鄧麗君，好經典，唔想喺自己身上毀咗。」

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。

迷惘Carmen

受驚Carmen

激動傷心Carmen

崩潰Carmen

今晚（6月8日）一集，王秀儀（倪嘉雯Carmen飾）受「被掟入棺材」噩夢困擾，經一臣（黎耀祥飾）指點後找「問米婆」巫姑（曾慧雲飾）求助，並透過巫姑與亡母真情對話，因而憶起封塵多年的兒時慘痛往事…未幾，秀儀驚爆有第二人格「Sa姐」，極度暴戾之餘還相當打得，而「Sa姐」所做的一切都是為了保護秀儀…

Carmen嘅1秒變兇狠好正。

Carmen變狠又得、變好打亦得，得咗，佢今次嘅演出真係令人好驚艷。

睇吓兩張相幾大反差！

睇吓兩張相幾大反差！

「Sa姐」的出現確為結局周的《香港探秘地圖》迎來一大高潮，對「好色男」絕不手軟的「Sa姐」，昨晚在回憶片段中，對鹹豬手「Rocky」拳打腳踢之餘，還擸鐵通狂毆兼數度「飛撲擒拿」。之後，劇情驚揭一臣原來曾因目睹秀儀出入醫院精神科，跟縱之下發現「Sa姐」，一臣苦勸「Sa姐」不要太偏激，可惜卻換來怒吼「全部男人都係垃圾」的「Sa姐」一記重拳！

呢個表情同眼神正呀。

純愛Feel Carmen

今晚一集，Carmen將暴戾再升呢，萬勿錯過。

話時話，慧雲姐啲演技都好掂，尤其佢扮秀儀媽咪上身嗰幕，配合鏡頭嘅拍攝，簡直係張力十足。

網民封倪嘉雯「最值得欣賞新人」
昨晚場口驚喜位，除了Carmen靈活敏捷好身手及驚人彈跳力，還有難得一見的「窮兇極惡」樣；另在與亡母「對話」場口，Carmen亦將傷心激動演繹得我見猶憐。對於Carmen在一套劇中成功駕馭角色不同情緒及氣場，網民大感驚艷，大讚Carmen是「最值得期待及欣賞新人」，並笑言無綫《Hands Up》是培育人才溫床：「倪嘉雯性格分裂演得好好、好出色」、「演技好，恰如其分」、「近期值得欣賞嘅新人，有演技又有觀眾緣」、「佢會唔會先係成套劇嘅Big Boss」、「佢係咪轉世番嚟報仇？」、「又要讚《Hands up》，點解訓練到咁多好演員？倪嘉雯雙重人格，潘靜文女鬼，陳若思又係演人格演得好出色，仲有Skylar（盧映彤）入女團」，還有網民搞笑指想不到「鐵面陳」（王致狄）唔夠打。

《Hands Up》靚女人才輩出。

潘靜文

陳若思

盧映彤

獲黎耀祥教授慳力秘笈
談到要兼顧兩個反差極大人格，首度進軍打女行列的Carmen，受訪時坦言接到劇本時既期待又興奮：「可以初嚐打女滋味當然勁開心，但都會緊張」，並笑言難度在於「王秀儀」造型太Cutie，為了令觀眾容易辨認不同人格，故在眼神、甚至跑姿下了不少功夫：「我擔心自己帶唔出Sa姐嗰種好勁嘅感覺，所以事前都花咗啲功夫喺眼神同埋動作姿勢度」、「好似今晚我追祥哥嗰場戲，我有特別Tune過啲跑姿，盡量外八字咁跑同埋手部動作大啲」，Carmen又謂由於自己打戲經驗淺，故拍攝時用盡全力，幸獲祥哥在旁教授「慳力秘技」。

問Carmen「飛天循地」如此好身手，是否本身運動底很強，Carmen謂：「我有打開網球、做開Gym咁嘅，唔算咩運動底嘅都。（傻笑）我好記得我嗰日打足全日，日頭追完祥哥，夜晚再打致狄，真係由朝打到晚。原來打戲體力消耗都好大，我第二日起身個人散晒，但好神奇嘅係拍嗰陣我係愈拍愈精神，一啲都唔覺得攰，仲覺得自己好有力。」

Carmen今次呢個角色要處理好多唔同嘅情緒，難度絕對唔低。