香港探秘地圖｜黎耀祥率「探秘小隊」深入靈探勝地元朗廢校＋華富邨神像山

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉敏、孔德賢、袁文傑、關曜儁等。

神像山

今晚（6月3）一集《探秘地圖》，《神功靈戲II》鬧鬼事件將圓滿落幕，接下來的，是改編自香港最著名都市傳說之一的華富邨UFO事件，當年吸引了廣泛媒體報道及靈異節目深入探討。劇情講述有人到華富邨義莊探靈期間離奇昏迷，一臣（黎耀祥飾）遂率領「探秘小隊」前往調查兼直播，被分為一隊的文彬（丁子朗飾）及畢萍（龔嘉欣飾）於義莊內疑似見到外星人及UFO後暈倒昏迷，事件引爆全城熱話…驚人的是，當眾人一步步接近真相後，竟發現UFO事件與畢萍多年來的心理陰影有關…

第13集精彩劇情預告

今晚一集特別之處，是黎耀祥率領龔嘉欣、丁子朗及倪嘉雯前往華富邨義莊探靈場口，未計劇組營造的詭異氣氛及靈異效果，單是現場陰暗僻靜的環境已叫人毛骨悚然。就此，「探秘小隊」成員丁子朗，接受官方訪問時為了相關場口，他們除走訪華富邨、還到了近年打咭／探靈熱點—元朗廢校拍攝，並坦言拍攝期間確實有阻滯：「元朗廢校荒廢咗好多年，但因為佢借過畀《九龍城寨》拍嘢，所以自此就吸引咗唔少人去拍嘢／靈探。嗰日拍嗰陣係有啲驚嘅的確，因為有唔少小動物影響拍攝，例如可能會拍到老鼠叫咁。」

除了元朗廢校，《探秘地圖》還到了華富邨已清場移走的神像山拍攝，丁丁受訪時坦言該處人潔地靈、令人內心平靜：「真係好震撼，左邊係兩層樓咁高嘅神像山，有好多唔同嘅佛祖同觀音，右邊係好平靜嘅海，所以我覺得華富邨真係人潔地靈嘅地方。好可惜嗰度依家拆咗，如果觀眾想睇嘅話，可以睇番我哋套劇嗰個位，因為劇組真係拍得好靚好有心機，同埋祥哥劇入面係有介紹神像山嘅」、「喺嗰度心入面嘅感覺好平靜，好舒服，就算喺度拍咗成個晏晝，都唔覺得好辛苦。」

第13集精彩劇情預告

第13集精彩劇情預告

《探秘地圖》其中一大特色，是劇中年青演員為了宣傳劇集、可謂瞓身搏到盡，丁丁受訪時透露，為了配合劇集靈探情節，監製專誠為他、倪嘉雯及孔德賢安排了一次主打挑戰三人膽量的夜遊電視城盲盒任務，丁丁更預告當晚一度被嚇至大嗌兼驚動了在遠處的監製前來營救：「坦白講我好欣賞幕後同事好認真，拍到好大型，我哋初頭以為只係簡單拎住支靈探器揈吓揈吓，但最後變成咗一個任務。我哋係去到先知個任務係夜遊古裝街，當時嗰種黑嘅程度、直頭係伸手不見五指，同埋有啲位真係好黑，我直頭企咗喺門口度唔敢入去」、「我哋最後係要單拖自己一個人四周圍走同拍，所以真係驚嘅，有一刻我係遇到一啲嘢，嚇到大嗌咗，我好記得我嚇親嘅聲音令監製喺好遠都聽到，即刻趕過嚟救我。呢個夜遊公司真係值得一睇。」

講開丁子朗，原來早前丁子朗於「志明橋」剝衫晒肌壁咚頌姐（劉桂芳飾）一幕，在內地引起了高度關注及迴響，丁丁更因而收獲粉絲「偶像年度封神鏡頭」美譽。網民 ：「我媽說這個人很帥」、「演技不錯」、「越看越順眼了。」

Carmen真係又可愛又鬼馬。

為配合全新以外星人＋UFO為主的單元，倪嘉雯（Carmen）早前除專誠扮「外星人」出席宣傳活動，更創意大爆發以外星人造型、蒙頭大跳「狐仙舞」，獲網民激讚可愛跳Tone之餘，專業敬業精神亦獲網民一致正評：「可愛嘅外星人」、「辛苦你咁熱仲著呢套衫」、「咁熱要wear啲涼爽嘅T-shirt囉，要drink more water同埋小心中暑。」

Carmen真係又可愛又鬼馬。

轟動一時的香港知名都巿傳說—華富邨集體UFO目擊事件始未
1970年代未至1980年代初，香港港島南區華富邨發生了一宗全港轟動的集體UFO目擊事件。邨內有無數居民聲稱在傍晚或夜晚時分，目擊到一個體積巨大的黑色圓形物體，面積之大足以遮蔽華富邨幾座大廈天空，該物體底部閃爍著無數藍光與七彩燈光，在低空掠過時沒有發出任何聲響，居民卻感受到氣流及震動，但另有版本指圓盤狀物低空飛越時發出巨大轟鳴聲。在短暫停留後，巨型不明飛行物體就朝向大海方向飛走。

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。

迷惘Carmen

受驚Carmen

激動傷心Carmen

崩潰Carmen

今晚（6月8日）一集，王秀儀（倪嘉雯Carmen飾）受「被掟入棺材」噩夢困擾，經一臣（黎耀祥飾）指點後找「問米婆」巫姑（曾慧雲飾）求助，並透過巫姑與亡母真情對話，因而憶起封塵多年的兒時慘痛往事…未幾，秀儀驚爆有第二人格「Sa姐」，極度暴戾之餘還相當打得，而「Sa姐」所做的一切都是為了保護秀儀…

Carmen嘅1秒變兇狠好正。

Carmen變狠又得、變好打亦得，得咗，佢今次嘅演出真係令人好驚艷。

睇吓兩張相幾大反差！

睇吓兩張相幾大反差！

「Sa姐」的出現確為結局周的《香港探秘地圖》迎來一大高潮，對「好色男」絕不手軟的「Sa姐」，昨晚在回憶片段中，對鹹豬手「Rocky」拳打腳踢之餘，還擸鐵通狂毆兼數度「飛撲擒拿」。之後，劇情驚揭一臣原來曾因目睹秀儀出入醫院精神科，跟縱之下發現「Sa姐」，一臣苦勸「Sa姐」不要太偏激，可惜卻換來怒吼「全部男人都係垃圾」的「Sa姐」一記重拳！

呢個表情同眼神正呀。

純愛Feel Carmen

今晚一集，Carmen將暴戾再升呢，萬勿錯過。

話時話，慧雲姐啲演技都好掂，尤其佢扮秀儀媽咪上身嗰幕，配合鏡頭嘅拍攝，簡直係張力十足。

網民封倪嘉雯「最值得欣賞新人」
昨晚場口驚喜位，除了Carmen靈活敏捷好身手及驚人彈跳力，還有難得一見的「窮兇極惡」樣；另在與亡母「對話」場口，Carmen亦將傷心激動演繹得我見猶憐。對於Carmen在一套劇中成功駕馭角色不同情緒及氣場，網民大感驚艷，大讚Carmen是「最值得期待及欣賞新人」，並笑言無綫《Hands Up》是培育人才溫床：「倪嘉雯性格分裂演得好好、好出色」、「演技好，恰如其分」、「近期值得欣賞嘅新人，有演技又有觀眾緣」、「佢會唔會先係成套劇嘅Big Boss」、「佢係咪轉世番嚟報仇？」、「又要讚《Hands up》，點解訓練到咁多好演員？倪嘉雯雙重人格，潘靜文女鬼，陳若思又係演人格演得好出色，仲有Skylar（盧映彤）入女團」，還有網民搞笑指想不到「鐵面陳」（王致狄）唔夠打。

《Hands Up》靚女人才輩出。

潘靜文

陳若思

盧映彤

獲黎耀祥教授慳力秘笈
談到要兼顧兩個反差極大人格，首度進軍打女行列的Carmen，受訪時坦言接到劇本時既期待又興奮：「可以初嚐打女滋味當然勁開心，但都會緊張」，並笑言難度在於「王秀儀」造型太Cutie，為了令觀眾容易辨認不同人格，故在眼神、甚至跑姿下了不少功夫：「我擔心自己帶唔出Sa姐嗰種好勁嘅感覺，所以事前都花咗啲功夫喺眼神同埋動作姿勢度」、「好似今晚我追祥哥嗰場戲，我有特別Tune過啲跑姿，盡量外八字咁跑同埋手部動作大啲」，Carmen又謂由於自己打戲經驗淺，故拍攝時用盡全力，幸獲祥哥在旁教授「慳力秘技」。

問Carmen「飛天循地」如此好身手，是否本身運動底很強，Carmen謂：「我有打開網球、做開Gym咁嘅，唔算咩運動底嘅都。（傻笑）我好記得我嗰日打足全日，日頭追完祥哥，夜晚再打致狄，真係由朝打到晚。原來打戲體力消耗都好大，我第二日起身個人散晒，但好神奇嘅係拍嗰陣我係愈拍愈精神，一啲都唔覺得攰，仲覺得自己好有力。」

Carmen今次呢個角色要處理好多唔同嘅情緒，難度絕對唔低。