今日的世界，科技一日千里。從前我們中國人有四大發明，包括造紙技術、火藥、印刷術及指南針，然而在過去數十年，美國已將這四大發明發揚光大，更淋漓盡致地發揮它們的功用。
到了2014年的今天，我們在辦公室內已經甚少使用紙張；印刷的角色也漸漸被互聯網及各種電子刊物與資訊所取締；指南針嘛，雖然有時我們到郊外旅遊時仍會用上，但不能否認的，人造衛星的GPS定位功能在現今更為普及與受歡迎。
更甚的，當然就是火藥此發明的進化吧。早前美國海軍研究中心發佈了一個新消息 － 他們已研製出一種名為「軌跡脈衝炮」的技術，英文名稱為「Lorenz Force」。這種技術是利用電力產生磁場並聚焦成為脈衝，能夠將一個炮彈以七倍的音速射向百里之外的目標，又或是能夠移動一噸重的物件穿越八公里之遙。
這種技術充滿突破性，有了此技術，未來美國的戰艦或導彈基地已經再不需要使用燃料或火藥作推進，而導彈的製作成本亦將會由現時的50至150萬美金，縮減至2萬5千美元！ 導彈的體積更大大縮小，運送過程更為便捷。據當下美方所公佈的消息，有關技術將於2018年正式投入作軍事用途，會被放於美軍的戰艦上。
如此看來，未來世界的戰爭成本，會因為美國這突破性的發明而大大減低，這亦代表了他們有更大的條件去主宰全球的經濟以及軍事。換個角度來說，就是中國亦必須加把勁，絕不能怠惰，而是要有新的四大發現在軍事或經濟上制衡美國，否則嘛，就很難與時並進了。
分享影片：
http://news.yahoo.com/u-navy-test-futuristic-super-fast-gun-sea-202608368--sector.html?vp=1
黃毅力
黃毅力
** 博客文章文責自負,不代表本公司立場 **
上次講到一位好有條件的朋友，因為太過追求完美，結果娶唔到老婆。今期講吓我另一位老友，佢係上期提到的追求完朋友的變異版。
為了行文方便，我就叫他阿John，我與他認識好多年，友儕之間都叫他「玩嘢John」, 特此聲明，唔係「玩家John」，大家之所以話佢「玩嘢」，因為佢說話非常玩嘢，對任何事情都彈三彈四、挑挑剔剔，總之無樣嘢睇得順眼。可能係出身一個家境唔錯的中產家庭之故吧！
阿John嘅姻緣運，比我上文提過的朋友好得多，二、三十歲已經搵到個大美女，拉埋天窗。仲記得當年一對新人在婚宴上企出嚟，男才女貌，好似楊過同小龍女咁嘅絕配，羨煞旁人。
但開場完美的故事，卻出現殘忍的結局。玩嘢John結婚十年，有一次和朋友到酒吧飲酒，就喊住話要離婚。老友聽聞都十分訝異，橫睇豎睇，都覺得兩人好匹配，為何要搞到離婚咁大件事？
有人問係唔係因為「十年之癢」，見佢地無仔無女，難道有第三者界入？阿John矢口否認，話無搞這套。再追問之下，原來阿John覺得同老婆性格唔夾，而且老婆太過挑剔(吓，佢話人挑剔?)。佢周末喜歡在家睇煲碟、打機，但老婆就鍾意逛街Shopping；放長假，想去遊行，老婆卻偏偏要留港陪年老體弱的外母；佢怕熱，佢老婆就怕冷，總之就係唔「啱牙」。
講到佢太太好挑剔，大家都覺得奇怪，因為雖然同佢太太唔係太熟落，但覺得她為人都幾隨和。阿John就唔同意，佢仲話自問係超級好老公，雖然是銷售經理，但不愛夜蒲，盡量放工就回家，不過老婆諸多挑剔，埋怨他返到屋企唔理佢，又話佢十問九唔應，阿John話想落老婆其實無乜嘢問佢。總之係樣樣都唔啱老婆心意，阿John話既然係咁，離婚啦。佢仲坐言起行。
如今阿John離婚已經近十年，佢亦差唔多接近五十，期間拍過幾次拖，但都結唔成婚。每次老友聚會，佢不時提起以前老婆，比依家嘅女友點好點好。見佢其實好掛住以前嘅老婆，好後悔無想清楚就離婚。大家惋惜之餘，愛莫能助。
剛讀到一本書，提到預期心理點樣影響人對未來幸福。原來我們睇事情，往往有一個叫「假象聚焦」（focus illusion）的傾向，就係把注意力集中在容易睇到的事件上，而且過份強調，亦將其重要性放大。癥結卻係，我們往往特別注意的，都不如想像中的那麼重要。就是這些假象，讓我們在人生大事，特別係自身的幸福上，做出錯誤的決定。結果係，我們的生活，總係不如想象中的快樂。
放諸我們的人生，即使伴侶有90%完美，但睇多咗覺得不外如是，只假象聚焦在10%的殘缺上，點會唔散呢? 我建議大家現實啲，老婆哦你就當耳邊風，唔好屈在心內，明天起床就唔起得，人生就會好快樂啦。
黃毅力
