公屋首派獲蝴蝶邨高層三人單位　港人嫌細拒收　網民嘆「走寶」

近日，一名港人在社交平台分享，獲首派屯門蝴蝶邨的高層三人單位，惟事主視察後決絕表明「不要」，不過不少網民認為事主錯失良機，更有蝴蝶邨居民大讚邨內環境及配套。

事主視察後決絕表明「不要」蝴蝶村三人單位。FB截圖

首派獲蝴蝶邨249呎高層單位 

該名網民在社交平台「公屋討論區」群組發文，講述自己首次獲派公屋單位的情況，並尋求網民意見。他最初詢問：「第一派 蝴蝶村高層3人單位 好唔好」，隨後親自前往視察單位，並附上單位內的影片向網民交代決定。

樓主附上單位內的影片向網民交代決定。FB截圖

樓主附上單位內的影片向網民交代決定。FB截圖

樓主附上單位內的影片向網民交代決定。FB截圖

事主視察後嫌細拒收

從影片可見，單位為標準交樓的「清水房」，保留傳統綠色大門，客飯廳呈長方形，間隔四正；露台位置是廚房、廁所及洗滌區，雖然採用舊式設計，但鋪設了整齊的磁磚。

單位附有寬敞露台，室內採光充足，外望無遮擋的開揚翠綠山景，環境清幽。儘管單位景觀與間隔有其優點，但事主認為實用面積較小，最終決定拒絕接受，直言：「蝴蝶村三人單位 249呎 不要」。

單位附有寬敞露台，室內採光充足，採光充足。FB截圖

單位附有寬敞露台，室內採光充足，採光充足。FB截圖

網民列蝴蝶邨三大優點

帖文引來大量網民留言，絕大多數認為事主放棄該單位是「走寶」，並列出三大優點。第一是租金低廉且社區配套完善，網民指出「租金平，$800一個月」，周邊設施齊全，「嗰邊食嘢，搭車都方便，鄰近碼頭，蝴蝶沙灘，仲可以bbq」。第二是單位間隔四正實用，不少人認為舊屋邨空間見使，形容「舊式公屋設計最實用」、「實用面積好用」。第三是附有寬敞實用的露台，網民大讚「正喎，個露台咁大」，更直言「有個騎樓曬衫已經贏哂」。

不少網民認為事主錯失良機，更有蝴蝶邨居民大讚邨內環境及配套。資料圖片

有曾經居住在蝴蝶邨的居民分享過來人經驗，表示「我要左喎，首派要添喎，鐘意到不得了」，認為該邨具備街市、超市及食肆，「好過好多新屋邨啦」。

每個人的生活品味都唔同，但呢個租盤嘅「品味」就真係嚇親唔少人。近日網上流傳一則租盤廣告，有業主以月租$5,000放租屯門碼頭附近一個單位，仲大膽以「敘利亞風格裝修」作招徠，即時引來大批網民熱議，紛紛直言「睇見都唔想行入去」、「送畀我都唔要啦」。

fb圖片

日前有港人於Facebook群組「免佣套房出租」出帖放租，寫道：「屯門區近碼頭 業主免佣 敘利亞風格裝修 鄰近交通配套方便 月租5000 拎包入住 PM詳細資料」。從帖文附上的單位內部照片所見，租盤疑似為公屋單位，天花板及牆身油漆嚴重剝落，屋內一邊放了一張碌架床，另一邊則擺放了一張明顯發黃的床褥。更誇張的是，室內堆滿大量雜物，仲有輪椅、唧車同籠車，環境相當混亂。

fb圖片

fb圖片

帖文一出即引來網民瘋狂留言，有人搞笑話：「好一個敘利亞風格裝修」、「睇到個身都覺得痕」、「睇見都唔想行入去」、「送畀我都唔要啦」。亦有網民發揮創意，笑稱：「坐輪椅推電唧鏟籠車，買餸一氣呵成」，仲有人抵死話：「都冇炮彈痕跡，唔叫敘利亞風格」。

fb圖片

不過，有眼利網民就發現照片中疑似有住客出現，即留言追問：「點解瞓喺床張相要打直影？」、「點解要影自己著底褲？」場面相當尷尬。

fb圖片

另外，有網民根據單位外觀推測，該單位或位於屯門湖景邨或蝴蝶邨，質疑公屋單位是否符合出租規定。留言包括：「睇個閘都知係公屋」、「公屋租畀人係咪買咗補咗地價先？」、「湖景邨可以租畀人㗎咩？」、「蝴蝶邨好似冇租置計劃㗎喎，咁係咪即係舉報得？」一時間，呢個「敘利亞風格」租盤除了引起笑聲，亦惹來不少法律同規管上的疑問。