/wp-content/uploads/blogger/2020/03/sebastian_FB_02.jpg.webp)
政府同TVB聯手打造嘅迷你短劇《好嘢港多啲》，每集兩分鐘，由人氣藝人參演，介紹香港各式各樣嘅「好嘢」。剛於上周六（13日）播出嘅一集就介紹咗土木工程署正在推展嘅「活力環島長廊」，由兩位充滿活力嘅藝員—葉蒨文（Sophie）同郭柏妍（Rosita）同你介紹港島沿岸山徑特色景點，包括連接南灣與舂坎角手作步道行山徑，以及赤柱夏萍灣泳灘嘅海濱打卡熱點等，兩人仲沿途可愛自拍，人靚景靚，令人想親身體驗一下。
新一集《好嘢港多啲》，由葉蒨文同郭柏妍介紹由土木工程署推展的「活力環島長廊」。
「活力環島長廊」全長約60公里，連接港島北海濱長廊及南區多條現有海濱及郊野步行徑。相關工程已於2023年起分階段展開，目標在2027年內駁通9成長廊，並在2031年底前大致完成餘下工程。
工程完成後，市民同遊客就可以環繞港島行一圈，一日之內體驗不同景致。因為「環島長郎」將香港島嘅城市及自然景觀、歷史遺產和文化地標三者連接起來，遊人可以走近不同文化歷史景點同山徑，欣賞沿途自然風光和體驗親水。
「環島長廊」全長約60公里，連接港島北海濱長廊及南區多條現有海濱及郊野步行徑，現已完成8成半。
葉蒨文早前同郭柏妍喺《好嘢港多啲》介紹過東岸板道，其實都係「環島長廊」嘅其中一段，因整個計劃是駁通現有的港島北岸海濱長廊，同南區郊野步行徑，今次兩人就去咗南灣一段遠足徑，呢段係剛剛完成，好有特色。
兩名美女在山林海港美景下狂打卡。
兩人都讚嘆沿途風景好靚。郭柏妍仲介紹，「環島長廊」以5個主題路徑連接整個港島嘅特色景點，目前駁通超過8成半，2031年就可完成，到時就可以圍繞港島走一圈。
「環島長廊」5個主題路徑，分別為「夕霞徑」（域多利道至香港仔海濱），可欣賞壯麗日落，沉醉於夕陽與晚霞交織的美景；漁怡徑（香港仔海濱經南朗山至深水灣），可認識漁民生活，發掘香港漁業文化和歷史；晴沙徑（深水灣泳灘至赤柱夏萍灣泳灘），享受清新海風和美妙海浪聲，漫步美麗沙灘；綠悠徑（赤柱經大潭至筲簊灣），穿越綠樹繁茂郊野，探索生機盎然嘅大自然；維港徑（港島北岸海濱），體驗動靜皆宜嘅多元化海濱空間。
「環島長廊」連結大自然和城市，讓市民或遊客可一天之內體驗到維港、郊野、沙灘、漁港不同景致。
今集兩個人的第一站就是「晴沙徑」位於舂坎角至南灣嘅一段手作步道山徑，期間佢哋仲發現石階好特別，原來全都是人手就地取材、堆砌而成，可以保留天然嘅地貌同景觀，原來政府在規劃「環島長廊」時，同環團及遠足組織交流過，睇得出政府兼顧咗發展同保育。
「夏萍灣泳灘休憩用地」有公眾參與設計，繪畫三維圖案，成為最新打卡熱點。
行完山徑，兩人再到赤柱漫步美麗海濱，然後到「晴沙徑」嘅最新人氣打卡熱點「夏萍灣泳灘休憩用地」，原來這裡的美化工程今年3月剛完成，「以赤柱古今特色，現代風情」為主題，仲有公眾參與設計，繪畫三維圖案，在現有海濱加入特色打卡元素，難怪出名愛貓嘅葉蒨文一見壁畫上嘅可愛貓咪就忍不住要即刻同郭柏妍擺甫打卡合照。
出名愛貓嘅葉蒨文一見壁畫上嘅可愛貓咪就忍不住要即刻同郭柏妍擺甫打卡合照。
兩人都感謝政府咁用心打造呢條「環島長廊」，連結大自然和城市，讓市民或遊客可一天之內體驗到維港、郊野、沙灘、漁港景致，感受到香港係一個活力十足嘅宜居城市。
Sebastian
** 博客文章文責自負,不代表本公司立場 **
