好人好事總在平凡日常中不經意發生。近日有女網民在社交平台Threads分享一段暖心經歷，指自己在戲院排隊購票期間，竟獲一位素未謀面的男士主動贈送兩張免費戲飛，令她既驚喜又感動，事後更特意發帖「尋人」，希望向對方親口道謝。
threads 截圖
據該名女網民憶述，當時她正在戲院排隊買飛，前面一位師兄突然轉頭問她：「小姐，你係咪諗住睇戲啊？」對方手持幾張換領券，隨即繼續說：「你睇唔睇戲啊？我有飛，免費㗎，唔使錢㗎！」原來這位師兄一個人用不上4張換領券，見樓主在排隊，便決定將其中兩張轉贈。樓主還未來得及回應，對方已爽快地把兩張換領券塞進她手中。樓主連忙道謝，對方換票後只留下一句「我走先啦，enjoy啊！」便轉身離去。
threads 圖片
樓主換飛後本想買些飲品小食向對方表達謝意，豈料「一轉頭佢已經消失咗」，連回禮的機會都沒有。她惟有在社交平台發帖致謝，並希望對方有緣看到這則帖文，最後感嘆「今日真係好幸運，第一次有咁嘅經歷！」
threads 圖片
帖文一出即引來大批網民熱烈回應，紛紛大讚送飛者夠窩心，「好好人呀」、「是電影精靈」、「充分表現了香港人用得唔好嘥嘅精神」、「有心人實在太好了」。亦有網民笑言「睇開頭仲以為係騙案，呢位師兄好人有好報」、「好有心、本身以為佢想約你睇」。
網上圖片
不少網民更趁機分享自己類似的愉快經歷，有人說「我都試過送俾前後的人，送嗰個都好開心㗎，因為無浪費」；亦有網民憶述「我之前都試過自己去睇戲，有個嬸嬸問我係咪一個人，然後比咗張免費飛我」；還有人提到「我都試過一個人去睇戲，前面嗰位男士原來都係一個人，佢擰轉頭同我講佢張AE嗰日買一送一，係咪睇同一套戲。跟住我就免費有戲睇」。一場簡單的戲飛轉贈，不僅讓樓主感受到滿滿的人情味，更喚起了不少港人心中那份「用得唔好嘥」的共享精神。
