假花灑、真鏡頭，6 部針孔攝錄機對住你！

去旅行好多人都會揀平價民宿、商務旅館；點知，近年無論平民定高檔住宿，「針孔偷拍」一早就變成了防不勝防嘅旅遊恐怖片。

前陣子有一位台灣遊客去南韓釜山廣安里旅遊追星，入住了一間坐擁無敵海景嘅四星級飯店。廣安大橋夜景迷人，本來玩得好開心，點知去到最後一晚，當事人突然驚覺房內有些隱蔽角落閃過一絲怪異嘅微弱紅點。

心中警鈴大作之下，佢哋即刻用偵測筆逐個角落掃描。結果一靠近天花板，偵測筆當場「嗶嗶嗶」瘋狂大叫！仔細一數，頭皮當場發麻——房裏面竟然藏了至少 6 個針孔攝影機！

這些鏡頭安裝得極度陰濕，分別偽裝成電視機屏幕正中間、企燈接駁位、煙霧探測器，甚至連天花板嘅三個灑水器入面，都有一個是「假花灑、真鏡頭」。拍攝角度全部精準對準大床同浴室。換言之，你喺房裏面換衫、瞓覺、甚至沖涼，所有私隱一早就被不知名嘅變態狂徒睇到一清二楚。

你以為這只是個別酒店？南韓警方其實早就查獲過一宗作案範圍極廣嘅偷拍案。一名 30 歲嘅韓男，涉嫌在首爾、仁川、釜山及大邱等全南韓 14 間酒店和旅館內，瘋狂安裝了 20 個隱蔽攝影機，數百名旅客無辜受害！

而佢最常用嘅偽裝道具，竟然係家家戶戶都有嘅 「網絡路由器（Wi-Fi Router）」。鏡頭就藏在路由器的指示燈格入面，大搖大擺對準大床。如果唔係有酒店清潔工在打掃時細心發現「呢部路由器個樣怪怪地」而報警，天知道還有多少人的私密片會被放上網流傳。在外地遇上這種事，人生地不熟，真係嚇到手震兼欲哭無淚。

各位旅友記特別係獨自出遊嘅女仔，或者一班約埋飛去外國追星嘅應援群組，女性出外住宿真係要萬分小心！ 入房記得做足以下幾招防偷拍自救術，關燈用手機搜查夜視：入房後，先拉埋窗簾熄晒全屋嘅燈，讓間房處於全黑狀態。打開手機嘅相機鏡頭圍繞間房慢慢掃描一遍。如果螢幕上出現不明嘅紅點或紫光，很大機會就是紅外線夜視偷拍鏡頭。重點搜查「四大高危位」， 犯人最鍾意將鏡頭對準大床同浴室。一入房，必須優先檢查電視機周圍（包括路由器、機頂盒）、正對大床的天花板（煙霧感應器、灑水器）、床頭燈及插座、以及浴室嘅鏡子跟天花通風口。

如果去到一些平價民宿，覺得某些擺設（如正對床頭的時鐘、紙巾盒、公仔或裝飾花瓶）很可疑但又拆不掉，最直接的方法就是用衣服、毛巾直接蓋住牠，或者將它扭轉面壁。

最重要係如果不幸發現，切勿打草驚蛇! 萬一真係比你搵到針孔鏡頭，千萬不要驚動旅館經理或民宿房東。請立刻用自己手機拍下鏡頭位置留證，然後退回安全地方，直接撥打當地報警電話，保護自己！

希望大家追星旅遊都平平安安，住得安心！

旅行惡夢

** 博客文章文責自負,不代表本公司立場 **

去旅行，大家最怕遇上咩？飛機 delay？跌銀包？定係食物中毒？
英國嘅媒體人蘿莉·丹曼（Lowri Denman）話你知，呢啲都只係小兒科。真正嘅噩夢，可以喺你返到家鄉幾年之後，先慢慢搵上門。

蘿莉某日去餐廳上廁所，點知一低頭，即嚇親！馬桶裏面有一條足足一米長、好似透明膠紙、上面有一道道棱紋嘅蟲。佢當時好驚，即刻睇醫生、驗大便，點知報告一切正常，身體又冇唔舒服。蘿莉以為沖走咗條蟲，件事就咁過去。

英國媒體人蘿莉·丹曼遊印度變成一場噩夢。網上圖片

佢發夢都估唔到，真正嘅麻煩唔係喺條腸度，而係喺佢個腦袋裏面。而呢一切嘅起點，原來係3年前佢去咗次印席旅行開始。

當時蘿莉去咗印度背包遊三個月。出發前，佢好有準備，諗住「全程食素」就一定唔會食物中毒。結果，傳染病醫生事後證實，問題偏偏就出喺唔小心混入咗素菜嘅豬肉粒入面！防到睇得見嘅肉，防唔到睇唔見嘅卵。印度當時有近六億人露天排便，糞便進入土壤同水源，形成恐怖嘅循環。蟲嘅卵，就係咁跟住生水、髒手，悄悄入咗蘿莉嘅肚。如果食咗未熟嘅豬肉，幼蟲會喺腸道長成幾米長嘅成蟲（即係馬桶嗰條）；但如果係直接吞下蟲卵，幼蟲就會穿透腸壁，跟住血液全身上下鑽，最鍾意鑽入眼球同大腦，結成一個個囊腫！醫學上叫「神經囊尾蚴病」。

有一日，蘿莉突然喺公司連講嘢都講唔清，隨即暈倒抽搐。送到醫院一照核磁共振，醫生面色凝重叫佢坐低：「蘿莉，我哋喺你個腦裏面，搵到 38 個寄生蟲囊腫。」呢個病喺英國極其罕見，因為當地有乾淨沖水廁所。但喺衛生條件差嘅地方，呢個係幾億人每日面對嘅風險。更痛苦嘅係，幾年後當呢啲蟲開始喺腦入面老死，宿主嘅免疫系統就會去清理，引發大腦嚴重水腫。蘿莉成個人出現精神錯亂、極度焦慮，甚至好似退化成小朋友咁喺地下爬。雖然蘿莉依家已經好返，但被折騰咗十幾年，亦要食一世抗癲癇藥，執返條命已經係奇蹟。

各位旅友記，無論係唔係去邊度都好，最有用嘅幾招都要成日袋住：漱口都用樽裝水，唔好用生水刷牙，飲水只飲煮滾或密封瓶裝水。生冷食物盡量Say No、街邊切好嘅新鮮生果、未煮熟嘅蔬菜，忍下口啦。
多一分老土嘅謹慎，少一場十幾年嘅噩夢！